Baromain 13
13
Bowokaka mikonchi.
1Moto ikika awokaka bakomandi ba yombo kot’èwokele. Tonga edi chwa akbwi ikomanda yombo twa, edi ko yango echònòki o ma Nzambe.
2Tonga mo koncha eyètènè na bakomandi ba yombo, owana wango ayètènè nà na Nzambe. Koncha eyètène kobona, wango abèmbè ichebo o nch’èbati a wango koncha.
3Tonga bakomandi badi ophè bakieli ba matoma manyòngò bobo ka, ephèbè bobo ko bakieli ba matoma mabe. Mo k’òyenge bwe, k’òdyale bobo ba bakomandi twa, owana okielaka ko beka binyòngò phencha, owana bango takumicha kò.
4Tonga bakomadi ba yombo edi bachali ba Nzambe tonga n’ikieliza kò. Mo k’òkiele beka bibe, owana kò tòtila. Tonga bakomandi ba yombo badi onyanya ikòngò bwabona ka, edi bachali ba Nzambe mobutichi eba, tonga n’ichebiza bakieli ba beka bibe.
5Owoke bango edi odyala tonga n’ibangana ichebo phencha ka, ko edi tonga na conscience dyòkò (motwatwa n’ibangana bakacha o cha motema).
6Echoko beni bophute phuti yango. Tonga bango edi bachali ba Nzambe, echoko bango bakiele botoma bwango bucha na bucha yango.
7Bophèkè bango bachò beko byango beni bodi na dyòmbò iphè, bophutaka phuti na bakoncha bango bayambe phuti, bophutaka douane na bakoncha bango bayambe douane, botilaka bakoncha bango badi na chwa itiliba, botochaka bakoncha bango badi na chwa itochiba.
8Todyalake n’èbembo na moto nyò mò, ko ebembo yango beni todyala na yango edi bwe, bodinganaka, tonga koncha edinge moninga, owana wango adi tètè motunyoli a miyeko.
9Miyeko mi: Tokielake bochembi, tobomake moto, toyibake, todyalake phongo, miyeko micho mi michangana o miyeko mo phencha, moyeko mwango edi mu bwe: ”Odingaka moninga ko k’òdinge nchoto a kò koncha bona.”
10Elumba edi odyòbiza na moninga ka, echoko elumba edi monyèchi a miyeko yango.
11Bokiekaka beka bichò bi n’ikièngu, tonga bèni boyebe komoyango bèni bodi ye, bucha boya tètè mboli o bèni tolochwa o bilò. Tonga ichungiba ileka mboli na bèni, tonga bèni bukola o ch’ichungiba.
12Mokolo mulekana, bucha boyengoye, echoko bèni totona matoma ma boyi ko, tochwa beka ba bita ba phololo yango.
13Tika bèni botambole n’ichimbo ko bucha bonè bona, odyala ko bindondongolo byango bikiè o mabule bona ka, tonywake maleku, tokielake bochembi, todyalake biphengu, totokoke na todyalake n’èyubi.
14Ko bochwaka Jèsus Christ, Mokonchi kot’èchwelele, ta beni boleka echimunye ebati a manchoto tonga n’iphe mango baphongo.
Currently Selected:
Baromain 13: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
