Bimwa 4
4
Jean ayènè kiti a Nzambe o ch’èmwa ikolo.
1O chima yango nga kiekaki, nga yènèki ekuki a ch’ikolo ebèki phololo. Ikingo a tabocho dyango nga wokaki, dyango ibèki ko eloncho a ilimba bona, dyango ilobaki na nga bwe: ”Kondela oye woni, na nga tayènèza kò beka byango biyengotube.”
2Na nga chekwaki o ch’Eyaye tètè dyòlò. Na nga yènèki trône (motwatwa kiti) a Nzambe o ch’ikolo, na moto mò adyaki bwa o wango.
3Elenge a koncha wango edyaki bwa o wango ewulaki iboko a jaspe, n’iboko a sardoine, na ngubi wango ewulaki emeraude adyongaki trône.
4Batrône mako mabale na banè babèki okbòlòkò a trône, edyaki bwa o bango baphomba mako mabale na banè, bango bachwaki bilamba biphumbaki na bangula ba or babèki ikolo na mitu ma bango.
5Na ngachi na makingo na biloncha bichònòki o trône. Mienda mochabali milolaki o bocho ba trône myango edi wana biyaye ba Nzambe mochabali.
6Nà o bocho ba trône ebèki ko may manè ma tatala a cristal bona. Otatete a trône na okbòlòkò a trône ebèki banyama banè, bango batondaki na michò n’obocho n’ochima.
7Nyama atabocho awulaki lion, nyama wango ebandaki awulaki chango a ngombo, nyama wango ebandaki wango a mobandi bocho ba wango bowulaki ko moto bona, nyama wango epholaki inè awulaki ngongonyoli awumbwe bona.
8O cha banyama bachò banè ba moto ikika abèki na maphaphu machamano, o maphaphu mango matondaki na michò n’okbòlòkò n’ocha mwè, na bango balobaki na mieche na mikolo, baboyo ka, bwe: ”Echwa, Echwa, Echwa edi na Mokonchi, Nzambe, Konchayombo, koncha wango ebèki, na edi, na oteya.
9Na o banyama baphè ingòko na botochibe na bokumu na koncha wango edi bwa o trône n’adi na bomwè biteneli o biteneli,
10baphomba mako mabale na banè bachunde na mangoto o bocho ba koncha wango edi bwa o trône, na bachambele koncha wango edi na bomwè biteneli o biteneli, na bawuche bangula ba bango o bocho ba trône, na balobe bwe:
11”Kò, Nzambe a banga, Mokonchi, k’òdi monyèki n’iyamba bokumu na botochibe na chwa, tonga k’òdi motuli a beka bichò, beka bichò bi bitubaki na bitulibaki edi tonga na bodingo ba kò.”
Currently Selected:
Bimwa 4: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
