Bimwa 1
1
Jean abèchè bibuliki mochabali byango bidi o Asie, achakole bwe, Jésus ayènizaki elenge a wango na wango, na Jésus atinde wango bwe, akòtè bimwa bichò, byango wango tadikiza wango.
1Ye edi bimwa byango Nzambe aphèki Jésus, tonga n’idikiza bachali ba wango beka byango tituba dyòlò, byango wango adikizaki angelo a wango, n’atindaki wango na byango o ma Jean,
2wango achakolaki mawò ma Nzambe n’amwanyolaki tonga na Jésus Christ, na beka byango wango koncha ayènèki na michò bichò.
3Edi moni na koncha wango ebale mawò mango mabilakiba, na edi moni na bakoncha bango bawoke mango na babatele mango, tonga bobiko boya mboli.
4Jean atinde mibèchò o ma bibuliki mochabali byango bidi o Asie. Tika grâce na phi bidyale na beni bichònò o ma koncha wango edi, na abèki, na oteya, nà biyaye mochabali, byango bidi chu o bocho ba kiti a wango, bitinde mibèchò,
5nà o ma Jésus Christ, ndèngè a nènè, ètungu, koncha wango ebotibaki tabocho o phanyak’a bato bawaki, Mokomandi a mikonchi ma che michò. Yena edi koncha wango edinge bèni, n’awutolaki bèni o cha machuma na malongo ma wango koncha,
6wango achekolaki bèni mikonchi na badikichi ba Nzambe, Chango a wango, tika botochibe na nguli bidyale na wango biteneli o biteneli, Amen.
7Bokieka wango aya na biphephelo na michò ma bato bachò tiyènè wango, nà bakoncha bango bamaki wango, na mangomba machò o che tawa na mochaba o bango tayènè wango. He, Amen.
8Nga di l’alpha na l’oméga (motwatwa A na Z), elobe Nzambe, Mokonchi, koncha wango edi, na abèki, na oteya, Konchayombo.
9Nga Jean, mwanyango a bole a beni, koncha echanganaki, na beni o cha kièlèlè na o cha bokonchi na ngingi a Jésus, nga bèki o echanga, kombo a yango Patmos, tonga na mawò ma Nzambe na mawò mango mamwanywibe tonga na Jésus.
10Nga bèki o ch’Eyaye bucha ba Mokonchi, na nga wokaki ikingo o nguli o chima nga, ko ikingo o ilimba bona,
11na dyango ilobaki bwe: Kòtè beka byango k’òyènè o cha buku, otindaka buku bwango o ma bibuliki mochabali, byango bidi o Asie: Ephèse, Smyrne, Pergame, Thyatire, Sardes, Philadelphie na Laodicée.
12Nga chekwaki tonga n’iyènè ikingo dyango ilobaki na nga, o nga chekwaki, nga yènèki bidunga ba or (or ewule mbengi) biphaka babuche mochabali,
13ophanyak’a babuche bango nga yènèki moto mò awulaki elenge a Mwan’a bole a moto, achwaki lobu mochanda wango apholaki o matindi, na wango achwaki kamba a or o bochomba ba wango.
14Mutu ma wango na chwe a wango bibèki biphumbaki ko nchungi a gbata mophumbaki bona, ko neige bona (neige edi mbula mophumbaki a Photo) na michò ma wango miwulaki milebu ma meya.
15Makolo ma wango mawulaki ko edunga yango batelize o ikuba bona. Na ikingo a wango ibèki ko ikito o bongumbu ba may manè bona.
16Na o ebòkò èlomi wango abèki na mièti mochabali, o cha muna ma wango etubaki mongowa mwango mobèki na mèngo na phe na phe, na bocho ba wango bobèki ko bucha bwango boleki elangele bona.
17Okomo nga yènèki wango, nga kwaki o cha makolo ma wango motwatwa ko nga bèki moto mowaki bona. Ko wango ayakaki ebòkò a wango èlomi ikolo na nga, n’alobaki na nga bwe: Totilake! Nga di mwè bocho na mwè chima,
18koncha wango edi na bomwè, nga bèki mowaki, ko, kieka nga di na bomwè biteneli o biteneli, maphongola ma bowe na ba bokonchi ba meya mitenela madi gbo o cha mabòkò ma nga.
19Na kobona, kòtè beka byango k’òyènèki, na kòtè dyòkò beka byango bidi kinòwa, na byango otiya.
20O ebati a beka ba yiche byango k’òyènèki na nga mièti mochabali myango k’òyènèki o ch’èbòkò èlomi a nga, yena wana te, bangelo ba bibuliki (ba Nzambe) na bidunga biphaka babuche mochabali yena wana te bibuliki makoncha.
Currently Selected:
Bimwa 1: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
