Philippien 1
1
Mibèchò. Echingane a bè Philippiens. Mina minyòngò miphanchane. Ateye bango bwe, badyalaka n’ètungu.
1Paul na Timothée bachali ba Jésus Christ o ma bato b’èchwa bango badi o Jésus Christ, na baphomba na babateli, bango badi o Philippe.
2Tika grâce na phi a Nzambe, Chango a bèni na Mokonchi Jésus Christ bidyale na beni.
3Nga phe Nzambe a nga ingòko kokoko o nga batele beni,
4n’o ch’a mabondima ma nga machò, mango nga chambele tonga na beni bachò, na nga chambele na moni kokoko,
5tonga n’èkieliche enyòngò yango beni bophotaki na mina minyòngò o bucha ba tabocho kokoko ncho kinòwa,
6na nga di n’èchingane yango, koncha wango ephotaki botoma bonyòngò o ch’a beni, yengu koncha tetunyola bwango kokoko ncho bucha ba Jésus Christ.
7Edi enyèki tonga nga di na bichimunye kobona na beni bachò, tonga nga tombe beni o ch’a motema ma nga, nyò nga di o mangièngèlè ma nga, nyò nga yambole n’ayebize mina minyòngò ko beni bachò badi o kophay na nga bona.
8Nzambe adi ndèngè a nga, na wango ayebe bwe, nga chime beni n’èlumb’a Jésus Christ.
9Na beka byango nga yonge o ch’a mabondima ma nga edi bi, tika elumb’a beni ekate o ch’a bolèngi na bokièngu o beka bichò,
10echoko beni tomeka matoma manyèki yango, echoko beni todyala na mitema ma cheche yango na todyala ophè bato mbèchi ka, kokoko ncho bucha ba Christ,
11na botondaka na mpuka inyèki, dyango ichònò ma Jésus Christ tonga n’itocha n’iphè wango botochibe.
12Banyango b’èbati a Nzambe, nga dinge beni boyebe bwe, beka byango bitaki na nga, byango bitambuzaki mina minyòngò kot’ètambuze,
13na kobona ebiyebiba na basoldat bachò o ch’a monyoli na bana baninga bwe, nga nyanye mangièngèlè ma nga tonga na Christ.
14Na bana banyango b’èbati ba Nzambe bayambaki bokili bokama o ch’a Mokonchi tonga na mangièngèlè ma nga, na bango balèki echakole mawò ma Nzambe na bokili, badi dyò bobo twa.
15Bana baninga badi bango bachakole mawò ma Christ tonga n’eyubi na motoko, ko, bana baninga bachakole mango na bodingo bonyòngò dyòkò.
16Be chima bachakole mango n’elumba tonga bango bayebe bwe, nga bitikiba mochobi a mina minyòngò.
17Bè bocho bachakole Christ n’eyubi na motoko edi etika enyòngò twa, bachingane bwe, bango banènize kièlèlè a mangièngèlè ma nga.
18Iwò twa. Christ achakwibe moto elenge elenge nyò tonga n’iyeniba na bato, nyò tonga na nènè, nga di na moni, na nga tachanga o machu mango taya dyòkò.
19Tonga nga yebe beka bi tichekwa ichungib’a nga tonga na mabondima ma beni, na tonga Eyaye a Jésus Christ ephèbe na nga.
20Nga nyèngize na nga di n’ichena, nga tidyali na choni o eyeka nyò yò, Christ tadyala na botochibe na bokili bochò o ch’a nchoto a nga, ko elenge yango wango adi kokoko bona, na kinòwa elenge ko yango, nyò na bomwè nyò na bowe ba nga.
21Mo nga di na bomwè o che, Christ adi na nga o nga uwe, nga tayamba motuya molèki bonyòngò.
22Ko, mo nga kiele botoma bwango bobote mpuka tonga nga lòngò o nchoto, ng’oyeba echòlòlò yango nga tachòlò ka.
23Nga di o phanyak’a beka bibale, nga dinge bokiè tonga n’idyala na Christ, tonga kobona bonyòngò bolèki bokama,
24ko, nga dyale na bomwè o che edi kokomo tonga na beni.
25Nga di n’echingane ye, na nga yebe bwe, nga tadyala na beni tonga n’ikatiza moni m’echingane a beni,
26echoko botochibe ba beni tophanchangana o ch’a Jésus Christ tonga na nga, okomo nga phole o ma beni dyòkò yango.
27Bodyalaka o ch’èbuliki a Nzambe edyalele yango edi enyèki na mina minyòngò ma Christ, kobona nyò nga di ma beni nyò nga di mochika, tika nga woke bwe, beni bodi ngingi n’èyaye yò tika beni bochangane na nga o bita b’Eyaye tonga na mina minyòngò m’èchingane n’èyaye ko yò,
28na totilake bandoli o eyeka nyò yò, iwò di idi ndembo a bango ichumbana, ko, edi ndembo ichungib’a beni dyango ichònò ma Nzambe.
29Grâce ophèbè na beni bwe, bochingane Christ phencha ka, ko, bochèbè tonga na wango dyòkò.
30Bodyalaka tètè o bita b’èyaye, byango beni boyènèki na nga, na byango beni bowoke na nga kinòwa.
Currently Selected:
Philippien 1: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
