Jacques 3
3
Ekoko a bolèmu. Bokièngu ba nènè.
1Banyango ba baphele ba nga b’èbati a Nzambe todyalake badikichi bakama o phanyak’a beni, boyebaka bwe, botòtè ba bango tolèka bokuli.
2Tonga bèni bachò bokondo o matoma makama; mo moto adi otubiza iwò iphwa nò dyò ka, owana wango adi monyèki na wango ayiche bochimbe nchoto a wango ichò.
3Banga bokane bidunga o mina ma bayanga tonga bango tatambola ko banga bodinge bona, na kobona banga boyende manchoto ma bango machò.
4Bokieka machwa mango madi mananè kobona mango binguchi bikuli bidumbe, ko mango machekwe na yenda moki, echoko yango koncha eyende adinge.
5Elenge ko yango bolèmu bodi ekiète eki, bwango bochache beka bikama. Bokieka meya miki miyiche botumbe dyamba inè.
6Kobona bolèmu dyòkò bodi meya bwango bodi ko bato o che bango babichumbana bona, bwango bodi o phanyak’a bikiète ba bèni, bwango bophè mbindo o nchoto ichò bwango botumbe meya o ”ngongoli a bomwè,” na bwango koncha bolutibe na meya ma géhenne.
7Banyama b’ibèli bachò, na banyoli, na banyama bango bakokoto che, na banyama ba mè bamèchinye bango, na bato bamèchinyaki bango,
8ko, bolèmu o phanyak’a bato moto nyò mò oyicha bomèchinye ka, eyeka ebè, yango edi owoka okomo bachekize ka, yango etonde na mate ma bowe.
9Bèni botoche Mokonchi na Chango na bwango, na bèni bokindele bato na bwango, bango batulibaki elenge a Nzambe.
10Etubize botochibe na mokindo muna ko mò. Tidyali kobona, banyango ba baphele ba nga b’èbati a Nzambe.
11Nch’a mè ma nchomba yò edi oyicha botubize may manyòngò na may ma bololo ka.
12Banyango ba baphele ba nga b’èbati a Nzambe molange figuier modi oyicha bobote olive ka, na molange vigne modi oyicha bobote figue ka. Na nchomb’a monguta adi oyicha botubize may manyòngò ka.
13Edi na bolèngi na bokièngu o phanyak’a beni nda? Koncha wango edikize matoma ma wango o ch’èdyalele a wango enyòngò na ndèphè na bokièngu.
14Ko, mo beni bodi na chululu o boyino n’èyaye a mibambi o ch’a mitema ma beni owana tokondizake manchoto ma beni, na tokielake bwanya ebati a nènè.
15Tonga ”bokièngu” bwango bodi ochònò ikolo ka, ko, bwango bodi ba che, bwango bodi ”b’èbati a nchoto”, bwango bochònò o ma biyaye bibè.
16Echoko yango edi eyubi na mibambi, echoko yango edi lingata na beka bibè bichò.
17Ko, bokièngu bwango bochònò ikolo bodi tabocho bodyale cheche, chima bodyale na phi, ndèphe na chabo, bwango botonde n’èlumba na mpuka inyòngò, bwango bodi iphomunya twa, bwango bodi okiela bolèngi ka,
18na mpuka èchwa iphike dyango koncha o ch’a phi na bato bachò bango badi na phi.
Currently Selected:
Jacques 3: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
