Hébreu 9
9
Eye edi iwò dyango ibandame ko na mawò ma tabocho.
1Kano atabocho ebèki na miyeko ma botoma b’ichambela Nzambe n’èchoko èchwa o che.
2Tonga bakienaki chobe a tabocho o tabernacle, batikaki mecha ma mwenda o cha wango, na mecha myango batikaki mapha m’ikieka, chobe wango etangibe bwe, enongo èchwa.
3O bili b’èlamba a mobandi, ebèki chobe akbwi o cha tabernacle, atangibe bwe, enongo yango eleki èchwa.
4Autel d’or a mananachi (Or edi edunga ewule edunga mbengi) na chanduku a kano abèki o cha chobe wango, babandaki edunga or o byango bichò bibale. Bakanaki chani a or na manne o cha wango, na motongo m’Aaron, mwango mophotaki botò, na maboko mango matikibaki kano.
5Ikolo na wango ebèki bachérubin ba botochibe, (bachérubin badi elenge a angelo) bango badiphaki propitiatoire (motwatwa muna ma chanduku a kano). Ye edi odyala kokomo iloba tonga na beka moto elenge elenge ka.
6Beka byango bilòngiba kobona mòchi bayekuchi bakiè o cha chobe a tabocho tonga n’ikiela matoma ma bango kokoko.
7Ko o chobe wango a mobandi moyekuchi monè akiè ikiè dyò phencha o mbula ibimbi, wango akole o cha mwè na malongo, wango aphè mango ko sacrifice bona, tonga na machuma ma wi koncha nà ma bato.
8Kobona Eyaye Echwa edikize bwe o tabernacle achaka dyu, manè m’ènongo èchwa madi odyala phololo ka.
9Tonga tabernacle adi ndembo a bobiko bu, baphèki matabichi na sacrifice o cha wango, mango maboyicha bonyèzè koncha wango ekielaki mochalo mwango ka, nà mabophè conscience beka byango yango edi na phocha ka.
10Miyeko na bekidya na beka b’inywa na maphuba moto elenge elenge, yena edi miyeko ma nchoto phencha, chwa a myango edi mo ko kokoko ncho o eyeka yango eleki bonyòngò tetuba phencha.
11Ko Christ ayakaki ko moyekuchi monè a beka binyòngò byango tiya bona, tabernacle wango aleki bonè na bonyèki, wango abokieliba na mabòkò ka.
12Wango akolaki o enongo wango eleki echwa ikola ko dyò phencha, abokola na malongo ma bingboko ba bamboli ka, na ma bana ba bangombo ko twa, ko, na malongo ma wi koncha, na wango adwaki ichungiba a biteneli tonga na banga.
13Tonga mo malongo ma bingboko ba bamboli na ma bachango ba bangombo, na michokele m’ètina a ngombo mamwakibaki ikolo na bato ba mbindo, na mayichaki botenize bango,
14twa na malongo ma Christ — koncha wango ephèki nchoto a wi koncha, biphebo twa — na Nzambe tayicha botenize mitema ma banga o nch’a matoma m’iphwa, tonga n’iyicha bokiele mochalo ma Nzambe a bomwè, bokama kwe?
15Na kobona wango adi mochungi a kano etemu, na kobona bakoncha bango babwangibaki tayamba beka bitike ba biteneli, byango bilakibaki tonga wona mò achèbèki na bowe tonga n’iphakola bato ba machuma ba kano èkale.
16Tonga n’itubiza testament (mokanda m’ilakako) na chwa, edi kokomo koncha ekòtèki wango awe nò dyò.
17Testament adwè ko tonga na bowe phencha, o koncha ekòtèki wango achaka na bomwè, chwa edi o wango twa.
18Tonga nà kano èkale enyèzaki na malongo.
19Tonga o Moïse achakolaki mawò machò, mango makòtibaki o mokanda ma miyeko na bato, wango akwaki malongo ma bana ba bangombo na ma bingboko ba bamboli, na may, na nchungi itelaki na l’hysope (ye edi ephwaphwa eki) na amwakaki beka byango o mokanda na o ma bato,
20alobaki bwe: Ye edi malongo ma kano, kano yango Nzambe achòchòki tonga na beni.
21Elenge ko yango wango amwakaki malongo o tabernacle na o beka bichò byango bibèki a cha wango tonga n’ichambela.
22Beka bichò bibèki mboli n’ichènè chèchè o chima miyeko tonga na malongo. Mo malongo otanga ka, pardon a machuma ophèba ka.
23Kobona ebèki kokomo bilenge ba beka b’ikolo bichochibaki na beka byango, ko beka b’ikolo makoncha bichochibaki na malongo mango maleki motuya.
24Tonga Christ abokola o cha enongo eleki echwa yango ekielibaki na mabòkò ka, yango edi ko elenge a beka ba nènè, ko wango akolaki o cha kota ikolo tonga n’iphola o bocho ba Nzambe tonga n’inyèza ebati a banga.
25Wango abokola ondo tonga n’iphè nchoto a wikoncha maphè makama ko moyekuchi monè akiele bona ka, o wango akiè o ch’ènongo eleki echwa baphela bachò na malongo mango edi odyala malongo ma wikoncha ka.
26Kobona ibe wango achèbèki machèbè makama o bophotiche ba che kokoko ncho kinòwa, ko kinòwa o bobiko botunywibaki, wango ayènizaki iyènicha ko dyò phencha o bowe ba wango, tonga n’imicha machuma ma bato.
27-28Ko ebichochiba bona bwe, bato tawa iwa dyò, na o chima iwa dyango tachambiba botòtè. Kobona Christ aphèki nchoto a wikoncha tonga na machuma ma bato bakama, na wango tadikiza nchoto a wango o idikicha a mobandi na bakoncha bango babonde wango tonga n’ichungiba a bango.
Currently Selected:
Hébreu 9: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
