Hébreu 7
7
Christ adi moyekuchi monè. Botoma ba wango boleki botoma b’Aaron bonè.
1Melchisédek wona, mokonchi ma Salem, moyekuchi ma Nzambe, wango aleki bonè — koncha wango akièki tonga n’ita n’Abraham okomo wango achònòki bomane na mikonchi, na wango achangizaki Abraham,
2n’Abraham aphèki wango ika dyò a beka bichò — etika a kombo a wango atabocho edi bwe, Mokonchi m’èchwa, na Mokonchi ma Salem, n’ètika yango edi bwe, Mokonchi ma phi,
3wango adi chango twa na nyango ko twa, n’ingomba dyò twa, na machu ma bophotiche madi na wango twa adi na bochukele dyò twa, adi ko Mwan’a bole a Nzambe bona, adi moyekuchi biteneli.
4Bokieka bonè ba wango, koncha wango Abraham, patriarche aphèki ika dyò a beka byango wango achangolaki o bita.
5Na bana ba baphele ba Lévi bango bakiele mochalo ma bayekuchi, batindibe o cha miyeko bwe, bakwe na bato ika dyò a beka dyomu, bato bango edi banyango ba bango ba baphele, bakoncha bango bachònòki o momboto m’Abraham,
6ko koncha wango ebodyala n’ingomba o phanyak’a bango ka, wango akwaki ika dyò a dyomu n’Abraham n’achangizaki koncha wango eyambaki malakako.
7Moto nyò mò oyicha boyike bwe, moto monè adi oyicha bochangize beka ba bwabona ka, ka.
8Owoni edi bato bango bakwe ika dyò a dyomu, bucha nà bango tawa, ko, ondo edi wona mò, koncha eyambe dyango, bachakolaki tonga na wango kot’èchakole bwe, wango adi na bomwe (biteneli).
9Nga yiche bolobe bwe, Lévi, koncha wango eyambe ika dyò a dyomu, aphèki dyango dyòkò mutu Abraham.
10Tonga wango abèki achaka chango, okomo Melchisédek akièki tonga n’ita n’Abraham.
11Tonga mo mochalo ma bayekuchi ba Lévi moyichaki botunyole beka — tonga edi ikolo na mwango miyeko mitikibaki — na kobona ebèki kokomo moyekuchi akbwi tatubana, tonga n’idyala o edyalele a Melchisédek, odyala o edyalele a Aaron ka, mbekende?
12Mo bayenche mochalo ma bayekuchi, owana edi kokomo bayenche nà miyeko.
13Koncha wango batange tonga na wango, ebèki mwe dia akbwi, tonga o cha dia dyango ech’otuba moto nyò mò wango ekielaki mochalo o autel ka.
14Tonga eyebane tètè kot’èyebane bwe, Mokonchi ma bèni motubaki o cha di’a Juda, Moïse aboloba iwò nyò dyò ebati a dyango tonga na bayekuchi ka.
15Iwò di ileki moyekuchi a dia akbwi wango etubaki n’èlenge ko Melchisédek bona eyènènè phololo,
16wango abotikiba moyekuchi tonga na miyeko m’èbati a nchoto ka, ko, tonga na nguli yango echònò o bomwè butenela.
17Wango alobe bwe: ”K’òdi Moyekuchi a biteneli ko edyalele a Melchisédek bona.”
18Kobona moyeko ma bocho muchila tonga na mwango mobèki chwa twa, mobèki bwabona,
19tonga moyeko moboyicha botunyole eyeka kot’ètunyole ka — ko babitika ichena akbwi o mata ma dyango, banga boyiche bophole o ma Nzambe o ch’ichena dyango —
20Beka bi bibotuba bwabona ka, badyengaki kot‐èdyengele ko bayekuchi ba Lévi bichekwa bayekuchi bwabona, idyenga twa,
21ko Jésus achekolaki moyekuchi tonga na koncha wango elobaki bwe: ”Mokunchi mobidyenga, na mwango tidyali n’èyubi: K’òdi moyekuchi a biteneli.”
22Jésus koncha a malakako abitubana, yena edi kano yango eleki bonyòngò.
23Bayekuchi ba bocho, bango babèki bakama, tonga ebèki bowe koncha ewunduzaki bango enongo ichimbama o cha mochalo ma bango.
24Ko koncha wango edi na botoma ba bayekuchi bwango bodi oyenchiba ka, tonga wango abike biteneli.
25Na kobona kinòwa wango ayiche bochunge bakoncha bango baya o ma Nzambe mutu wango kot’èchungele, wango adi biteneli n’ayonge tonga na bango kokoko.
26Tonga ebèki kokomo bèni tòdwa moyekuchi monè kobona koncha wango ebèki n’èchwa, moyèngwa, biphèbo twa, mokakwaki na machuma, n’aleki beka bichò ikolo bonè.
27Wango abokiela ko bayekuchi ba kale bona ka, bango baphèki matabichi tonga na machuma ma bango makoncha bocho na chima tonga na ma bato, ko wango akielaki kobona ikiela dyò phencha o wango aphèki nchoto a wi koncha.
28Tonga moyeko motubize bayekuchi bananè o phanyk’a bato, bango badi lèlèkè, ko iwò a idyenga dyango itubaki o chima a moyeko, itikaki Mwan’a bole, wango edi motunywibaki biteneli.
Currently Selected:
Hébreu 7: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
