Hébreu 5
5
Christ adi Moyekochi monè ko edyalele a Melchisédek bona.
1Tonga koncha wango otèdyala moyekuchi monè, babile wango otete a bato, n’atikibe o bocho ba Nzambe echoko wango takiela matoma m’ilòngize ebati a bato, tonga n’iphè matabichi na sacrifice tonga na machuma yango.
2Na wango ayiche bodyale chabo na biwawunga na bakoncha bango babilengwa o manè, edi tonga na wi koncha adi na lèlèkè.
3Na kobona tonga na lèlèkè yango edi na wango edi kokomo nà wango taphè sacrifice tonga na machuma ma wi koncha elenge ko yò na machuma ma bato.
4Edi moto nyò mò ikwa botochibe bwango wi koncha twa, edi kokomo Nzambe abwange wango ko wango abwangaki Aaron bona.
5Na Christ elenge ko yango, wango abokwa botochibe b’idyala moyekuchi monè wango koncha ka, ko wango ayambaki bwango na koncha wango elobaki bwe: ”K’òdi mwan’a bole a nga, lèbo nga bibota kò.”
6Ko wango alobe o yena enongo bona: ”K’òdi moyekuchi a biteneli ko edyalele a Melchisédek bona.”
7O machu mango o ebati a nchoto wango abelelaki n’alelaki na mbicholi, n’ayongaki nabondimaki koncha wango eyichaki bophakole wango na bowe, na wango ayambaki iyambola a mayonga ma wango, na lèmèmè yango ebèki o cha wango emichibaki.
8Nyò wango adyale Mwan’a bole ko wango amèchènèki n’iwoka mawò o ch’ichèbo a wango.
9Ko, o wango atunyolaki bichò, wango ayambaki chwa iphè bakoncha bango bawoke wango ichungiba biteneli.
10Na Nzambe atangaki wango bwe, Moyekuchi monè ko edyalele a Melchisédek bona.
11Edi mawò makama m’iloba tonga na beka bichò bi, ko edi ekuli enongo iloba mango kot’èlobele, tonga beni bodi owoka mango kot’èwokele ka.
12Machu ma ibè beni byichaki bodyale ko badikichi bona, na kinòwa edi kokomo banga tòphota bodikize beni nchalela a tabocho a mawò ma Nzambe, edi na beni bwe, beni boch’onywange mabèlè ika idya kota bekidya.
13Ko koncha wango elòngo tonga na mabèlè, wango adi odyala monyèki n’idikiza ebati èchwa ka, tonga wango achaka ko mwana bona.
14Ko kota bekidya edi tonga na baphomba, bango babiyeba nch’ikakuza beka bibè na beka binyòngo.
Currently Selected:
Hébreu 5: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
