Galate 6
6
Paul achilize mateyo ma wango, n’achakole bè Galate bodingo ba wango.
1Beni, banyango ba nga ba baphele, mo wona mò akwe o cha machuma, beni bakoncha bango bodi n’èyaye, bolanguzaka wango n’èyaye a ndèphè. Ko, okiekaka kò koncha n’ikièngu, ta iphèphi dyango iphila nà kò.
2Bonyanyanaka mimba ma baninga, kobona beni botubinye miyeko ma Christ.
3Mo wona moto achimunye bwe, wango aleki baninga bonè, ko wango ayènènè moki bona, wango achukwize nchoto a wango n’ichena.
4Moto ikika amekaka matoma ma wango tonga n’iyicha bochombwane ko o ch’èbati a wi koncha, odya o ch’èbati a baninga bakbwi ka.
5Tonga na moto ikika adi na dyumb’a wango inyanya.
6Koncha wango eyambe mawò akabaka beka binyòngò bichò na koncha wango edikize mawò kot’èkubele.
7Tolengwake! Nzambe adi ochimita bwe, abèchibe ka. Tonga beka byango moto aphike, wango tatòlò byango dyòkò.
8Tonga koncha wango ephike o ebati a nchoto, wango tatòlò byango etòlòlò edyoboki, ko, koncha wango ephike o ebati Eyaye, wango tatòlò bomwè b’Eyaye ba biteneli.
9Tika bèni bodyale okondo enongo ikiela beka binyòngò ka, tonga mo bèni bodyale okondo ka, owana bèni tòtòlò okomo bobiko tokoka.
10Kobona o bèni bochaka na bobiko bikiela ekielele enyòngò tika bèni bokiele kobona na moto ikika, tabocho na banyango ba baphele o ch’èchingane.
11Bokieka mamelo mananè ma, nga kòtè mango o ma beni n’èbòkò a nga koncha.
12Ko bakoncha bango bayenge kuma o ebati a nchoto, badinge botomize na beni bwe, bokubibi tonga n’idyala oluphiba tonga n’awèchinye a Christ ka.
13Nyò bakubibi bango makoncha badi owoka miyeko ka. Ko, bango badinge bwe, beni bokubibi tonga n’iyicha bochombwane tonga na beni.
14Beka bichò bina bidi tètè mochika na nga, nga di ochombwana tonga n’èyeka akbwi nyò yò ka, ko n’awèchinye a Jésus Christ, Mokonchi ma bèni, tonga na nga edi motwatwa beka ba che bibikòtiba awèchinye na nga; elenge ko yango tonga na beka ba che.
15O cha Jésus Christ edi dyò mophièphiè nyò mokubibi twa, eya ko ilòngò itemu phencha.
16Tika phi na bobila bidyale na bakoncha bango bawoke moyeko mu, na o ikolo na Israël a Nzambe.
17Tika moto nyò mò adyale ophè nga iphanu o chima yango ka, tonga ndembo a Mokonchi Jésus edi o nchoto a nga.
18Tika grâce a Mokonchi ma bèni Jésus Christ edyale na biyaye ba beni, banyango ba nga ba baphele. Amen.
Currently Selected:
Galate 6: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
