Ephésien 4
4
Bikiètè b’èbuliki bichò bidi ko ekiètè yò bona.
1Nga, moto monyoli a Mokonchi, nga teye beni bwe, botambolaka o mochalo mwango wango abwangaki beni ko bato banyèki bona,
2botulizaka manchoto ma beni kot’ètulize, bodyalaka na chabo, botikanaka beka bibè o ch’elumba,
3bomèkaka bochobe mitema ma beni o ch’Eyaye ko yò kot’èmèkele na bongièngèlè ba phi.
4Nchoto ko dyò, n’Eyaye ko yò ko beni bobwangi baki o ichena dyò bona,
5na Mokonchi ko mò, n’echingane ko yò, n’iyiniba ko dyò, na Nzambe ko mò, wango adi Chango a bachò,
6koncha wango edi ikolo na bachò, o phanyak’a bachò n’o ch’a bachò.
7Baphèki moto ikika o phanyak’a bèni grâce ko momèko ma matabichi ma Christ madi bona.
8Echoko wango alobaki bwe. ”Wango akièki ikolo, wango akwaki bato ba monyoli bakama, na wango aphèki bato matabichi yango.”
9”Wango akièki ikolo”, etik’a mawè mango edi nde, yango echakole bwe, wango achundaki o binongo byango bidi o ch’a che nò dyo.
10Koncha wango echundaki edi koncha wango ekondelaki dyòkò ikolo na makolo machò, echoko wango tatondiza beka bichò yango.
11Wango atikaki bana baninga o mochalo ma bapôtre, bana baninga mibandi, bana baninga badikichi, bana baninga babateli, na bayekuchi.
12Tonga wango adingaki bolòngele bato b’èchwa bwe, bakielize baninga mochalo m’itonga nchoto a Christ,
13kokoko ncho bèni bachò tophola echingane ko yò, na bokièngu ba Mwan’a bole a Nzambe, ko moto wango ebitunyola bichò adi monyèki bona kokoko ncho bokokele ba Christ.
14Echoko bèni tidyali ko bana baki bango badi biyelele bona yango, baphanchibaki na mawò ma bakoncha bango bakiele bolèngi, enongo ichukwiza baninga n’ichena,
15ko bodyale ko bato bango balobe mawò ma nènè bona, na bakatè o beka bichò o ch’elumba, kokoko ncho ma mutu wango edi Christ,
16nchoto ichò inyèki o ch’a wango itongamaka na nguli na miongo michò, myango michangane o bikiètè ba dyango ko byango bidi na phocha bona, tonga n’ikatiza nchoto dyango koncha o ch’elumba.
17Kobona nga lobe na nga teye beni titingi o kombo a Mokonchi bwe, tokielake ko ekielele yango bato bach’owoka mawò ma Nzambe ka bakiele bona, bango batambole o ch’a bichimunye ba bango b’iphwa,
18bolèngi ba bango babikola o ch’a boyi, badi bato biyenda o bomwè ba Nzambe, tonga bango bangotwizaki mitema ma bango, na tonga bomèmè ba bango,
19badi oyeba bowoke mina minyòngò dyòkò ka, bayilelaki manchoto ma bango makoncha tonga n’ikiele matoma mabè machò, na bakiele matoma ma choni, ko moto a monyimi bona.
20Ko beni, beni bobomèchènè na Christ kobona ka,
21mo beni bowokaki tonga na wango, na badikizaki beni o ch’a wango ko nènè edi o ch’a Jésus bona,
22tonga n’imicha bikumba ba motema b’ikale, mwango modyobo tonga na phongo a mwango,
23na boyenga tonga n’iyamba bolèngi o ch’eyaye a beni botemu,
24na bochwa moto motemu, wango etulibaki ko echw’a nènè edi bona o ch’a Nzambe.
25Echoko beni totika bwanya yango, na moto ikika taloba na moninga ko nènè, tonga bèni bodi bikiètè ba nchoto dyò.
26”Tobèlèke na tokielake machuma”, todimuzake dichò a bucha n’ibèli.
27Tophèke molemba enongo o ch’a mitema ma beni.
28Koncha wango ebèki eyibe tayibake dyòkò, akole o mochalo, akiele matoma manyòngò na mabòkò ma wango, tonga n’idwa beka b’iphè koncha wango edi na phocha.
29Totubizake iwò ibè nyò dyò o ch’a mina ma beni, ko mawò manyongo phencha, mango mayiche bolèndize beni, na mango maphè bato bango bawoke mango grâce.
30Tochebizake Eyaye Echwa a Nzambe yango ephèbibaki na beni ko ndembo ichungiba kokoko ncho bucha b’ichungiba.
31Embanga, ibèli, boyino, yokela n’èchoki beka bi bichò tidyala mochika na beni, na bobè bochò.
32Bodyalaka kot’èdyalele na mitema m’èlumba, na bophènè pardon ko Nzambe aphèki beni pardon o ch’a Christ bona.
Currently Selected:
Ephésien 4: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
Ephésien 4
4
Bikiètè b’èbuliki bichò bidi ko ekiètè yò bona.
1Nga, moto monyoli a Mokonchi, nga teye beni bwe, botambolaka o mochalo mwango wango abwangaki beni ko bato banyèki bona,
2botulizaka manchoto ma beni kot’ètulize, bodyalaka na chabo, botikanaka beka bibè o ch’elumba,
3bomèkaka bochobe mitema ma beni o ch’Eyaye ko yò kot’èmèkele na bongièngèlè ba phi.
4Nchoto ko dyò, n’Eyaye ko yò ko beni bobwangi baki o ichena dyò bona,
5na Mokonchi ko mò, n’echingane ko yò, n’iyiniba ko dyò, na Nzambe ko mò, wango adi Chango a bachò,
6koncha wango edi ikolo na bachò, o phanyak’a bachò n’o ch’a bachò.
7Baphèki moto ikika o phanyak’a bèni grâce ko momèko ma matabichi ma Christ madi bona.
8Echoko wango alobaki bwe. ”Wango akièki ikolo, wango akwaki bato ba monyoli bakama, na wango aphèki bato matabichi yango.”
9”Wango akièki ikolo”, etik’a mawè mango edi nde, yango echakole bwe, wango achundaki o binongo byango bidi o ch’a che nò dyo.
10Koncha wango echundaki edi koncha wango ekondelaki dyòkò ikolo na makolo machò, echoko wango tatondiza beka bichò yango.
11Wango atikaki bana baninga o mochalo ma bapôtre, bana baninga mibandi, bana baninga badikichi, bana baninga babateli, na bayekuchi.
12Tonga wango adingaki bolòngele bato b’èchwa bwe, bakielize baninga mochalo m’itonga nchoto a Christ,
13kokoko ncho bèni bachò tophola echingane ko yò, na bokièngu ba Mwan’a bole a Nzambe, ko moto wango ebitunyola bichò adi monyèki bona kokoko ncho bokokele ba Christ.
14Echoko bèni tidyali ko bana baki bango badi biyelele bona yango, baphanchibaki na mawò ma bakoncha bango bakiele bolèngi, enongo ichukwiza baninga n’ichena,
15ko bodyale ko bato bango balobe mawò ma nènè bona, na bakatè o beka bichò o ch’elumba, kokoko ncho ma mutu wango edi Christ,
16nchoto ichò inyèki o ch’a wango itongamaka na nguli na miongo michò, myango michangane o bikiètè ba dyango ko byango bidi na phocha bona, tonga n’ikatiza nchoto dyango koncha o ch’elumba.
17Kobona nga lobe na nga teye beni titingi o kombo a Mokonchi bwe, tokielake ko ekielele yango bato bach’owoka mawò ma Nzambe ka bakiele bona, bango batambole o ch’a bichimunye ba bango b’iphwa,
18bolèngi ba bango babikola o ch’a boyi, badi bato biyenda o bomwè ba Nzambe, tonga bango bangotwizaki mitema ma bango, na tonga bomèmè ba bango,
19badi oyeba bowoke mina minyòngò dyòkò ka, bayilelaki manchoto ma bango makoncha tonga n’ikiele matoma mabè machò, na bakiele matoma ma choni, ko moto a monyimi bona.
20Ko beni, beni bobomèchènè na Christ kobona ka,
21mo beni bowokaki tonga na wango, na badikizaki beni o ch’a wango ko nènè edi o ch’a Jésus bona,
22tonga n’imicha bikumba ba motema b’ikale, mwango modyobo tonga na phongo a mwango,
23na boyenga tonga n’iyamba bolèngi o ch’eyaye a beni botemu,
24na bochwa moto motemu, wango etulibaki ko echw’a nènè edi bona o ch’a Nzambe.
25Echoko beni totika bwanya yango, na moto ikika taloba na moninga ko nènè, tonga bèni bodi bikiètè ba nchoto dyò.
26”Tobèlèke na tokielake machuma”, todimuzake dichò a bucha n’ibèli.
27Tophèke molemba enongo o ch’a mitema ma beni.
28Koncha wango ebèki eyibe tayibake dyòkò, akole o mochalo, akiele matoma manyòngò na mabòkò ma wango, tonga n’idwa beka b’iphè koncha wango edi na phocha.
29Totubizake iwò ibè nyò dyò o ch’a mina ma beni, ko mawò manyongo phencha, mango mayiche bolèndize beni, na mango maphè bato bango bawoke mango grâce.
30Tochebizake Eyaye Echwa a Nzambe yango ephèbibaki na beni ko ndembo ichungiba kokoko ncho bucha b’ichungiba.
31Embanga, ibèli, boyino, yokela n’èchoki beka bi bichò tidyala mochika na beni, na bobè bochò.
32Bodyalaka kot’èdyalele na mitema m’èlumba, na bophènè pardon ko Nzambe aphèki beni pardon o ch’a Christ bona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).