2 Timothée 3
3
Achakole beka byango titubana o machu ma chima. Atinde bango bwe, babale mawò ma Nzambe.
1Oyebaka iwò di o machu ma chima tadyala mpoli, beka bikwikuli tituba.
2Tonga bato tadyala moto a nchoto a nchoto n’ènyima, na chachi, na nganga, tadyala na phocha mbèchi, tadyala n’iwokake na nyango na chango, badi odinga bophè ingòko ka, n’èchwa ko twa,
3n’èlumba ko twa, n’ètungu ko twa, bakiele ko mitango, na chululu, na bophenye, badi kiètètè na beka binyòngò bichò,
4tadyala baphanchi ba baninga, na badi na bichimunye ko twa, balèki etondele na nganga, balèki edingele moni ma che o mata ma Nzambe,
5badi n’èlenge a bonyòngò ba Nzambe ko, babitata nguli a bwango. Olangwaka nà kò o phanyak’a bango!
6Elongo a bango edi bakoncha bango bakole o ch’a mandako na bakande batò, bango badi lèlèngo na machuma, na baphongo moto elenge elenge batinde bango,
7bayekuze bango kokoko, ko bango badi oyicha bophole o bolèngi ba nènè ka.
8Ko Jannès na Jambres bayètènèki na Moïse bona, na bakoncha bango bayètènè na nènè badi elenge ko yango, bato bango babidyobo o ch’a mitema, badi oyicha bobandame o ch’èchingane n’ètungu ka.
9Ko, bango tiyichi bobandame, tonga na bowawunga ba bango toyèniba o michò ma bato bachò, ko etubaki na bana baphele bona.
10Ko, k’òlondoki iyekol’a nga n’ètungu, n’ètambole a nga, na botina ba nga, n’èchingane a nga, na ndèphè a nga, n’èlumb’a nga, na chabo a nga, na o babengachanaki na nga, na machèbo ma nga,
11mango mataki na nga o Antioche, n’Iconie na Lystre. Nga bandamaki n’ètungu o machèbo mango, na Mokonchi mophakolaki nga o beka bichò.
12Na bakoncha bachò bango badinge bolondo ilòngo dyango idi inyèki o ch’a Jésus Christ tabengachana na bango.
13Na bato babè na bakoncha bango bachukwize baninga n’ichena, bango talèka ekièndele mochika o matoma mabè talenguza bato, na bango makoncha badi balengwaki.
14Ko, kò, òdyalaka o ch’a beka byango k’òyekolaki, na byango k’òchinganaki, na, oyebaka dyòkò bakoncha bango badikizaki ko byango.
15Okomo k’òbèki mwana k’òyekolaki mikanda mèchwa, myango miyiche bophè kò bolengi b’iyamba ichungiba n’èchingane o ch’a Jésus Christ.
16Mawò machò mango madi o mokanda ma Nzambe matubaki o muna ma wango koncha, madi manyèki n’idikiza bato, n’ichekiza bato, n’ilanguza bato tonga n’ikatiza bato o ch’èchwa.
17Echoko moto a Nzambe tatunywiba n’adi monyèki o matoma manyòngò machò yango.
Currently Selected:
2 Timothée 3: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
