2 Timothée 1
1
Mibèchò. Ateye bango bwe, badyale ngingi.
1Paul apôtre a Jésus Christ tonga na bodingo ba Nzambe ko ilakako a bomwè bwango bodi o ch’a Jésus Christ bona.
2O ma Timothée mwan’a bole akonde a nga ebati a Nzambe. Grâce, elumba na phi ba Nzambe Chango na Jésus Christ, Mokonchi ma bèni.
3Nga phè Nzambe ingòkò, koncha wango nga kiele mochalo ko bachango ba nga bakielaki bona o cha conscience a cheche, nga di okondo boyonge Nzambe tonga na kò o ch’a mayonga ma nga nà mokolo na mochè ka.
4O nga batele mbicholi a kò, nga chime boyènè kò, echoko nga tatonda na moni yango.
5Nga chobe na nga batele echingane enyèki yango edi o ch’a kò, yango ebèki bocho o, ch’a yokoko a kò Lois na nyango a ko Eunice, na nga lèki eyebele nènè yango edi o ch’a kò dyòkò.
6Tonga n’iwò dyango nga batize kò bwe, ophongaka matabichi ma Nzambe mango k’oyambaki, okomo nga yakaki mabòkò ma nga ma kò.
7Tonga Nzambe abophè bèni eyaye a monchenche ka, ko, eyaye a nguli, n’èlumba na bophomu.
8Todyalake na choni tonga n’ichakola mina minyòngò ma Mokonchi ma bèni, nyò na nga moto a monyoli a mwango ko, ochanganaka na nga o ch’ichèbo tonga na mina minyòngò a nguli yango Nzambe aphè.
9Koncha wango ephakolaki bèni, n’abwangaki bèni na mompela m’èchwa, edi odyala tonga na matoma ma bèni ka, ko, tonga na wango achòchòki kobona wango koncha, na ko grâce a wango edi bona, wango ephèbaki o ch’a Jésus Christ o wango abach’otula che ka,
10wango abituba kinòwa tonga Mobil’a bèni abichil’oya, koncha wango edyobizaki bowe, n’akambaki bomwè n’èyeka yango edi oyicha bochile ka o phololo na mina minyòngò.
11Edi tonga mina minyòngò myango nga bitikiba molobi, n’apôtre na modikichi a myango.
12Nga chèbe tonga n’iwo dyango, ko, nga di odyala na choni ka, tonga nga yebe koncha wango nga chingane, na nga yebe nènè wango ayiche bochobe kokoko ncho ”bucha bwango” beka byango bitikibaki o mabòkò ma nga.
13Ochobaka o ch’èchingane n’èlumba yango edi o ch’a Jésus Christ mawò ma bophomu, mango k’òbiwoka na nga.
14Ochobaka beka binyòngò byango biphèbaki na ko n’Eyaye Echwa, yango etenele o ch’a bèni.
15K’oyebe bwe baninga bachò bango badi o Asie babilangwa ma nga, o phanyak’a bango badi Phygelle na Hermogène.
16Tika Mokonchi modikize elumba o ndako a Onèsiphore, tonga wango abwangizaki nga kokoko, na wango abodyala na choni tonga na mangièngèlè ma nga ka.
17O wango apholaki o Rome, wango ayengaki nga kòt’èyengele, n’adwaki nga.
18Tika Mokonchi mochimite bwe, wango adwe elumb’a Mokonchi ”bucha bwango”. Bokama ba mochalo ma wango o Ephèse k’òlèki eyebele kò koncha.
Currently Selected:
2 Timothée 1: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
