2 Pierre 2
2
Badikichi a bwanya, n’ichèbo a bango.
1Ko, badikichi ba bwanya batèmèki chu o phanyak’a bato dyòkò, ko badikichi ba bwanya tatèmè o phanyak’a beni dyòkò, bango taya na mitoko o phanyak’a beni na tatata Mokonchi mwango mophakolaki bango tabembe embenche ekuli dyo dyolo
2na bato bakama talondo matoma mabè ma bango, na manè ma nènè tabèchiba iwò a bango.
3Tonga na chululu a mbongo bango tabandinya beka ba beni ba mawò ma bwanya, ichèbo a bango ibichil’ochochibe, n’èmbenche a bango edi odyala ila bilò ka.
4Bangelo bango bakielaki machuma, Nzambe abochoba ka, ko, wango atindaki bango o ch’a mangièngèlè ma boyi, babombibe kokoko ncho ichèbo,
5na mo wango abophakola bato ba kale ko wango achobaki Noè bona ka, wango abèki elòngò a mwambi a matoma manyòngò, okomo wango atindaki moya manè ma bato ba machuma ba che,
6na wango akindelaki Sodom na Gomorrhe n’atezaki bango n’ibomi, n’atikaki bango ko ndembo a bato babè bango taya bona,
7na wango aphakolaki Lot, moto èchwa, koncha wango echèbèki o kophay a bato babe, bango bakielaki matoma mabe ma choni,
8tonga moto wango koncha èchwa abikaki otete a bango achèbèki o ch’a motema ma wango m’èchwa bucha na bucha, tonga na matoma mabè mango wango ayènèki n’awokaki,
9kobona Mokonchi moyiche bophakole bato ba wango o ch’iphèphi, ko, bochèbize na bobombe kokoko ncho bucha b’ichamba botòtè bato ba machuma,
10tètè bakoncha bango batambole o ch’a chululu a baphongo ba manchoto, na badyanchole bokonchi ba mikonchi, Badi na mitema mikwikuli na banchamole, badi otila enongo ibèche matochibe ka.
11Ko, bangelo bango balèki bango nguli na bononè, bango badi ochamba bango botòtè b’ichèbo ba mbèchi o bocho ba Mokonchi ka.
12Ko, bango badi ko banyama bona, badi odyala na bolèngi ka, babotibaki tonga n’ikaniba n’ibomiba, okomo bango babèche beka byango bango badi oyeba ka, na bango tachukwa n’ichena, n’iwuta dyango bango badinge boyambe na matoma mabè.
13Bango badwe moni ma bango o ch’a matoma mabè, mango bango bakiele na moche. Bango badi biphebo ba mbindo na biphebo ba choni, na bango balèki bokiele bolengi na beni o bango badye bwa na beni o mecha enongo bokiele mandeko.
14Michò ma bango mitonde na bochembi na midi tingingi na machuma, na bango babembize baninga o ma bango, bango badi odyala ngingi ka na mitema ma bango midi n’èkumba ènyima, bana ba mokindo.
15Bango balangwaki manè ma lengenge, na balangwaki, bango balondoki manè ma Balaam, mwan’a bole a Bosor, koncha wango edingaki iwut’a matoma mabè,
16bachekizaki wango tonga n’iwokake a wango, yanga nyama, wango adi oyicha bolobe ka, alobaki na wango n’ikingo a moto, n’awunduzaki mobandi o botoma bobè ba wango.
17Bakoncha bango badi bachomba ba mè twa, biphephelo byango bitinde enguchi ekuli, na boyi boyindaki babibomba tonga na bango biteneli.
18Na tonga n’iloba mawò mananè m’iphwa bango babembize o ch’a boya ba phongo o nchoto na matoma ma choni bakoncha bango babanganaki baninga bango batambole o ch’a matoma mabè enongo eki,
19balake bango bwe, badyale baphinchwibe ko bango makoncha badi batamba b’ibomi, tonga koncha wango ewunchibaki na moninga abichekwa motamb’a wango.
20Mo bango bakochwaki matoma mabè o che tonga na bokièngu ba Mokonchi ma bèni na Mobila Jésus Christ, ko chima o bango babikangiba na babiwunchiba na mango, kobona iwò a chima ilèki iwò a bocho bokuli.
21Ebèki enyòngò mo bango baboyeba manè m’èchwa ka, elèki bokuli chima o bango babimèchènè na mango enongo ilangwa moyeko m’èchwa, mwango motikibaki na bango.
22Etubaki na bango ko elobibaki o ekoko a nènè bwe: ”Mbwande abutwe tonga n’iphèlè bilwa ba wango, na ngoya wango abiphubiza nchoto a wango abutwe dyòkò, abingane o miboku.”
Currently Selected:
2 Pierre 2: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
