2 Jean 1
1
Mibèchò. Jean alobe bwe, bokièkaka n’ikièngu tonga na biyaye ba bwanya.
1Nga mokoto, nga kotè mawò o ma mwachi wango echòlibaki na Nzambe na bana ba wango, bango nga dinge nènè, edi odinga bango nga phencha ka, ko, bakoncha bango bayebe nènè bachò,
2tonga na nènè, yango edyale o ch’a bèni, na yango tedyala o ch’a bèni biteneli.
3Tika grâce na bobila na phi ba Nzambe, Chango na Mwan’a bole a Nzambe Jésus Christ, bidyale na bèni o ch’a nènè n’elumba.
4Nga lèki bochange tonga nga taki na bana ba ko, bango batambole o ch’a nènè, ko bèni boyambaki moyeko ma Chango bona.
5Kinòwa nga yonge kò, mwachi echolibaki, ng’okòtè moyeko motemu ka, ko mwango mobèki na beni otabophotiche bwe, bèni todingana.
6Iwò di idi elumba, bèni totambola ko moyeko ma wango modi bona. Moyeko mwango bèni bowokaki otabophotiche kokoko, na bèni totambola o ch’a mwango.
7Balenguchi bakama batubaki o che, bango badi ochingana bwe, Jésus Christ ayakaki o che na nchoto ko moto bona ka: koncha wango edi molenguchi n’Antéchrist.
8Bokiekaka n’ikèngu ta beni bodyobiza matoma mango beni bokielaki, ko, tika beni boyambe iwut’a beni ichò.
9Koncha wango elengwe adi otenela o ch’iyèkola a Christ ka, wango adi odyala na Nzambe ka koncha wango etenele o ch’iyekola, wango adyale na Chango na Mwan’a bole.
10Mo moto aya ma beni, na wango adi odyala n’iyekola dyango ka, toyambake wango o ch’a ndako, na todyokizake wango.
11Tonga koncha wango edyokize wango achangane na wango o matoma mabè ma wango.
12Nga di na mawò makama m’ikòtè bèni, ko, ng’odinga bokòtè o makachi ma mikanda na mè ma mikanda ka, nga chenize bwe, nga taphola o ma beni, na nga loba na beni na muna ma nga koncha, echoko moni ma bèni todyala monyèki yango.
13Bana ba mwanyango a mwatò echòlibaki babèche kò.
Currently Selected:
2 Jean 1: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
