2 Corinthien 9
9
Paul abandame bophè mateyo na bè Corinthien tonga n’iphè bana ba Nzambe, bango badi bayoko beka.
1Enongo ikotè beni mikanda tonga n’ikieliza bato b’èchwa edi odyala na nga monyòkò ka.
2Nga yebe bodingo bonyòngò bwango bodi na beni, echoko nga chombwane o michò ma bè Macédoine tonga na beni yango, tonga bè Achaïe babinyeza beka byango o mbula a bocho, na chululu a beni ikieliza baninga ebiyambana na bato bakama.
3Na kinòwa nga tinde banyango ba baphele, echoko bango takubola bwe, echombwane yango nga chombwanaki tonga na beni ebodyala iphwa ka yango, ko beni bodi balòngibaki ka nga lobaki bona.
4Tonga nga lekaki edingele bwe, mo nga taya na b’èlongo a Macèdoine o ma beni nyò dinga bwe, bango batakana beni olòngibaka ka, ta echombwane tonga na beni ekana bèni chòni.
5Nga bichòchò nga koncha bwe, edi kokomo nga tinde banyango ba baphele bakiè banga bocho o ma beni tonga n’iyelòngele matabichi manyèki, mango beni bolakaki bocho, mòchi mango madyale malongibaki kot’èlòngibe, odya ko matabichi m’ènyima bona ka.
6Ko, nga lobe na beni bwe: Koncha wango emwake mboto iki bona, nà wango tatòlò ko iki bona, ko koncha wango emwake mboto na mochango, wango tatòlò nà na mochango.
7Ko, koncha wango ephè na bodingo ba motema, odya n’èphèlèlè ko yango b’ènchika baphè bona ka. Tonga Nzambe aleki adingele koncha wango ephè na moni.
8Ko Nzambe ayiche botinde grâce bwe, ephanchangane ikolo na beni, mòchi edyalele a beni edyale enyèki o beka bichò kokoko, na kobona echoko matoma ma beni machò tedyala kota matoma yango,
9ko, ekòtiba bona bwe: ”Wango acholelaki (mbongo), wango aphèki na bayoko beka, èchw’a wango tebika biteneli.”
10Koncha wango ephè mboto na momwaki a mboto, na mapha m’idya, nà wango taphè beni mboto tonga n’imwaka, na wango atike dyango bwe, ibule, na wango tabotiza mbuk’a beni èchwa.
11Na beni tòdyala tètè bamandi o beka bichò, na kobona echoko beni tòyicha bophè matabichi moto elenge elenge yango, tonga okomo beni tophè banga mango tonga n’iphè baninga, bango taphè Nzambe ingòkò ikama tonga na mango.
12Tonga botoma b’èlumba bwango beni bokièlizaki bato b’èchwa, bwango bodi odyala tonga n’idweza bato beka byango bango bachengaki phencha ka, ko, bwango bodi dyòkò tonga n’iphèzè Nzambe ingòko ikama.
13Okomo bango babatele botoma b’èlumba ba beni kot’èbatele, na kobona bango batoche Nzambe tonga n’èwokele enyngò yango beni bowokaki mina minyòngò ma Christ bwe, beni bochanganaki na bango o cha kièlèlè a bango echò,
14na kobona nà bango elenge ko yango bayonge Nzambe tonga na beni, na bango bachime beni tonga na grâce a Nzambe ekama yango edi na beni.
15Tika Nzambe aphèbè ingòko tonga na bokama ba matabichi ma wango, mango madi oyicha bobaliba ka.
Currently Selected:
2 Corinthien 9: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
2 Corinthien 9
9
Paul abandame bophè mateyo na bè Corinthien tonga n’iphè bana ba Nzambe, bango badi bayoko beka.
1Enongo ikotè beni mikanda tonga n’ikieliza bato b’èchwa edi odyala na nga monyòkò ka.
2Nga yebe bodingo bonyòngò bwango bodi na beni, echoko nga chombwane o michò ma bè Macédoine tonga na beni yango, tonga bè Achaïe babinyeza beka byango o mbula a bocho, na chululu a beni ikieliza baninga ebiyambana na bato bakama.
3Na kinòwa nga tinde banyango ba baphele, echoko bango takubola bwe, echombwane yango nga chombwanaki tonga na beni ebodyala iphwa ka yango, ko beni bodi balòngibaki ka nga lobaki bona.
4Tonga nga lekaki edingele bwe, mo nga taya na b’èlongo a Macèdoine o ma beni nyò dinga bwe, bango batakana beni olòngibaka ka, ta echombwane tonga na beni ekana bèni chòni.
5Nga bichòchò nga koncha bwe, edi kokomo nga tinde banyango ba baphele bakiè banga bocho o ma beni tonga n’iyelòngele matabichi manyèki, mango beni bolakaki bocho, mòchi mango madyale malongibaki kot’èlòngibe, odya ko matabichi m’ènyima bona ka.
6Ko, nga lobe na beni bwe: Koncha wango emwake mboto iki bona, nà wango tatòlò ko iki bona, ko koncha wango emwake mboto na mochango, wango tatòlò nà na mochango.
7Ko, koncha wango ephè na bodingo ba motema, odya n’èphèlèlè ko yango b’ènchika baphè bona ka. Tonga Nzambe aleki adingele koncha wango ephè na moni.
8Ko Nzambe ayiche botinde grâce bwe, ephanchangane ikolo na beni, mòchi edyalele a beni edyale enyèki o beka bichò kokoko, na kobona echoko matoma ma beni machò tedyala kota matoma yango,
9ko, ekòtiba bona bwe: ”Wango acholelaki (mbongo), wango aphèki na bayoko beka, èchw’a wango tebika biteneli.”
10Koncha wango ephè mboto na momwaki a mboto, na mapha m’idya, nà wango taphè beni mboto tonga n’imwaka, na wango atike dyango bwe, ibule, na wango tabotiza mbuk’a beni èchwa.
11Na beni tòdyala tètè bamandi o beka bichò, na kobona echoko beni tòyicha bophè matabichi moto elenge elenge yango, tonga okomo beni tophè banga mango tonga n’iphè baninga, bango taphè Nzambe ingòkò ikama tonga na mango.
12Tonga botoma b’èlumba bwango beni bokièlizaki bato b’èchwa, bwango bodi odyala tonga n’idweza bato beka byango bango bachengaki phencha ka, ko, bwango bodi dyòkò tonga n’iphèzè Nzambe ingòko ikama.
13Okomo bango babatele botoma b’èlumba ba beni kot’èbatele, na kobona bango batoche Nzambe tonga n’èwokele enyngò yango beni bowokaki mina minyòngò ma Christ bwe, beni bochanganaki na bango o cha kièlèlè a bango echò,
14na kobona nà bango elenge ko yango bayonge Nzambe tonga na beni, na bango bachime beni tonga na grâce a Nzambe ekama yango edi na beni.
15Tika Nzambe aphèbè ingòko tonga na bokama ba matabichi ma wango, mango madi oyicha bobaliba ka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).