1 Pierre 5
5
Dyombo a badikichi ba Nzambe. Pierre atinde bango bwe, batulizaka manchoto. Mibèchò.
1Kobona nga teye beni mikòtò ma baphele myango midi o phanyak’a beni, nga dyòkò, nga di wona mò elòngò a myango, na nga di ndèngè a makambi ma Christ, na nga di moyambi a botochibe bwango toya bwe.
2Bodyalaka babateli b’èbuliki a Nzambe yango beni bodi na dyombo iwuya yango; tokielake mochalo mwango na mitema milokochono, ko na bodingo bonyòngò, edi odyala tonga n’iyenga madwa ka, ko, tonga na bodingo ba motema.
3Edi odyala ko mikonchi ma bibuliki bona ka, ko beni todyala bilenge b’èbuliki.
4Kobona okomo Mobateli a babateli tayèniba beni toyamba ngul’a botochibe, wango edi oyicha bowome ka.
5Na beni bawoli, botulizaka manchoto ma beni na baphomba, na beni bachò bodikizana ndèphè tonga n’ikielizana, ”Tonga Nzambe abenge bakoncha bango bakondize manchoto, ko bakoncha bango batulize manchoto wango aphè bango grâce.”
6Kobona botulizaka manchoto ma beni o ch’èbòkò a Nzambe a nguli, echoko wango takondiza beni o bobiko ba wango yango.
7Na ”bocholelaka maphanu ma beni machò ma wango”, tonga wango awuye beni kot’èwuyele.
8Bodyalaka kot’èdyalele na bobatelaka, ndoli a beni Molemba adyonge n’alonche ko lion bona, n’ayenge koncha wango wango ayiche bomine.
9Bobobizaka wango, bodyalaka n’èchingane a ngingi, boyebaka bwe, banyango ba baphele ba beni o che woni bate na makambi elenge ko yango.
10Ko Nzambe a grâce echò, koncha wango ebwangaki beni o botochibe ba wango boteneli o ch’a Christ, o chima beni bobichèbe bobiko boki, koncha wango tenyeza, tachuphita, talendiza na tayalela beni.
11Nguli tedyala na wango o biteneli o biteneli Amen.
12Nga bikòtè beni mawò ma na Silvain, mwanyango a bole a beni ètungu, tonga nga tange wango kobona — tonga n’iteya beni na tonga n’ichingiza beni bwe, grâce wango elèngè na beni edi grâce a Nzambe nènè.
13Ebuliki o ch’a Babylone, yango ebichòliba ko ebuliki a beni bona, ebèche beni, na mwan’a bole a nga ebati a Nzambe Marc dyòkò.
14Bobèchènèkè n’iphiphà èlumba. Tika phi edyale na beni bakoncha bango badi o ch’a Christ bachò.
Currently Selected:
1 Pierre 5: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
