1 Pierre 3
3
Dyombo a bolonge. Mateyo tonga na matoma monyòngò moto elenge elenge.
1Kobona bachi, beni botulizaka manchoto ma beni na balomi ba beni, kobona mo bana baphele badi ochingana mawò ma Nzambe ka, matoma manyòngò ma bachi ba bango tachingiza bango mango,
2o bango bayènè etambole a cheche yango beni botambole o ch’a bobo.
3Tochinganake ko na bolòngele ba nchoto, na, bokange ba chwe phencha, na tochwake beka ba monchèlè, ko beka b’èdunga or na bilamba ba motuya mokuli bona.
4Elèki bonyòngò bodyale na bolòngele iyichamu a motema, bolòngele ba motema ma ndèphè, edyalele èyaye a phi, yango edi odyobo ka; beka bi bidi na motuya o bocho ba Nzambe.
5Edyalele yango batò b’èchwa ba kale bachwaki bango makoncha, bakoncha bango bachenizaki Nzambe, na batulizaki manchoto ma bango na bolomi ba bango.
6Ko Sara bona awokaki Abraham n’atangaki wango ”mokonchi”, mo beni bokiele beka binyòngò, na bodi otila eyeka nyò yò ka, owana beni bobichekwa bana ba wango.
7Na beni baphele dyòkò, bonyèzaka na bachi ba beni ko bakoncha bango balèki beni lèlèke bona, botochaka bango, tonga bango tachangana na beni o beka b’itike ba bomwè ba grâce, ta mabonima ma beni mawundwa.
8Iwò a chima bwe: Bodyalaka na motema ko mò, botabanaka, bodinganaka ko bato ba Nzambe bona, bodyalaka na ndèphè, na botulizaka manchoto,
9tobutizake eba na beka bibe, tobutizake eba na bichoki, ko, elenge akbwi, bochangizaka, tonga beni bobwangibaki iwò dyango, echoko beni todwa beka b’itike ba moni yango.
10”Koncha wango edinge bomwè n’adinge boyènè machu manyòngò, wango achimbe bolèmu ba wango o beka bibè, n’achimbe bibèbu,
11ta byango bidyala na bwanya, wango abwake mabèkè o nch’a beka bibè, n’akiele beka binyòngò, wango ayenge phi n’alondo yango.
12Tonga michò ma Mokonchi midi nokoko na bato b’èchwa, na matwe ma mwango mawokize mayonga ma bango, ko, bocho ba Mokonchi bodi o nch’a bango bakiele ebè ngwè.”
13Koncha wango tekiela ekièlele ebè na beni mo beni bodi na chululu a beka binyongo nda?
14Ko, mo bato bachèbize beni tonga na beka binyòngò, beni bodi n’ilèmu.” Ko, todyalake na bobo tonga na bango, na toyalake na bakacha,
15ko, bonyèzaka Christ o ch’a mitema ma beni”, na bodyalaka n’ilòngiba kokoko, tonga n’iyambola moto ikika ayange beni tonga n’ichena dyango idi o ch’a beni, ko, boyambolaka na ndèphè na bobo.
16Bodyalaka conscience monyòngò kobona okomo bato babèche kophay a beni enyòngò o ch’a Christ echoko bango tayamba choni o beka byango bango babeche beni yango.
17Mo edi bodingo ba Nzambe bwe, beni bochèbe tonga na beka binyòngò o mata ma beka bibè, kobona elèki bonyòngò.
18Tonga na Christ awaki bowe bò tonga na machuma, koncha èchwa achèbèki tonga na bato babè echoko wango takamba bèni o ma Nzambe yango, abomibaki ebati a nchoto, ko, balòngizaki ebati èyaye,
19o ch’a yango wango alangwaki achakolaki mawò o ma biyaye o monyoli
20byango bibowoka ka o ndèphè a Nzambe elèmbuzaki o machu ma Noé o machwa makielibaki bana bato baphakwibaki na may o ch’a mango,
21edi ndembo a may m’iyiniba, mango maphakole beni kinòwa, edi odyala tonga n’ichocha machuma ma nchoto ka, ko, tonga n’idyala conscience monyòngò o bocho ma Nzambe, tonga na bowumwele ba Jésus Christ,
22koncha wango edi ebòkò èlomi a Nzambe, chima wango akièki ikolo, chima bangelo na bakomandi na manguli bibikaniba o ch’a wango.
Currently Selected:
1 Pierre 3: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
