1 Pierre 1
1
Ichena a banga a moni edi Christ, koncha watunyole mawò mango malakibaki. Pierre ateye bango bwe, badyale n’ichena.
1Pierre, apôtre a Jésus Christ ma bato ba bochònga, bango badi babutu na baphanchibaki o Pont, Galatie, Cappadoce, Asie, na Bithynie,
2bango badi bato ba bochònga ko Nzambe Chango ayebaki bocho bona o ch’èchwa Eyaye Echwa tonga n’iwoka mawò na tonga n’imwakiba malongo ma Jésus Christ. Tika grâce na phi bikate na beni.
3Botochaka Nzambe Chango a Mokonchi ma bèni Jésus Christ, wango abotaki bèni mabota mabale tonga n’èlumb’a wango enè, tonga n’iphè bèni ichen’a bomwè, tonga na bowumwele ba Jésus Christ o phanyak’a bawaki,
4na beka b’itike byango bidi oyicha bodyobo ka, bidi odyala na biphèbo ka, bidi ochekwa elenge ka, byango bichobibaki na beni o ch’ikolo,
5na beni bango nguli a Nzambe echobe n’èchingane kokoko ncho ichungiba dyango tiyèniba mabiko ma chima.
6Tonga na beka bi beni bolèki bochange mo edi kokomo beni bochèbè kinòwa bobiko boki maphèphi moto elenge elenge,
7echoko echingane a beni emekibaki telèka edwebele ekama edunga or, yango tedyobo yango emèkibe o meya, tedyala botochibe na bonè, na beni tochechiba o boyelele ba Jésus Christ yango,
8koncha wango beni bodinge, nchene beni boch’oyènè wango ka, koncha wango beni bochingane kinòwa, nchene beni bodi oyènè wango ka, na beni tochanga na moni mwango modi oyicha botangibe ka, mwango motochibaki,
9okomo beni todwa bochukele b’èchingane a beni, ichungib’a biyaye ba beni.
10Tonga n’ichungiba, dyango mibandi myango milakaki grâce echochibaki na beni, myango miyengaki na mitokoloki,
11myango mitokoloki bobiko b’Èyaye a Christ bobèki bwe, yango ebèki o ch’a myango, yango edikizaki bwe, okomo yango echakolaki makambi ma Christ, mango machochibaki, na matochibe mango taya o chima,
12bachakolaki myango bwe, myango mibokieliza myango makoncha na beka byango ka, ko beni, beka byango myango michakolaki beni, myango michakolaki beni mina minyongo o ch’Eyaye Echwa, yango etindibaki ikolo, o ch’a beka byango bangelo badi na phocha itokolo.
13Echoko beni tochula maninga ma biyaye ba beni ngwa yango na bodyalaka kot’èdyalele, na bodyalaka na kota ichen’a grâce, wango tephèba na beni o boyelele ba Jésus Christ.
14Ko bana bango bawoke mawò bona, todyalake na baphongo bango babèki na beni ikale o beni bobèki boch’oyeba ka.
15Ko koncha wango ebwangaki beni adi n’èchwa bona, bodyalaka nà beni n’èchwa o edyalele a beni echò,
16tonga bakòtèki bwe: ”Bodyalaka n’èchwa tonga nga di n’èchwa.”
17Mo beni bochambele ko Chango bona, koncha wango edi odyala na kachelanga na moto ka, n’achambe moto ikika botòtè ko matoma ma wango madi bona, kobona bodyalaka o ch’a bobo o bobiko bwango beni bodi b’èyenda,
18boyebaka bwe, beni ”bobophakwiba” na beka byango bitenele ka, ko edunga argent na or bona, o matoma mabe ma beni, mango beni bokwaki na bachango ba beni,
19ko, beni bophakwibaki na malongo ma motuya mokuli ma Christ, mango madi ko mwan’a gbata wango edi kot’èdyalele bona, adi iwò twa,
20wango achochibaki o che ebèch’òtuliba ka, ko wango ayènibaki o mabiko ma chima tonga na beni.
21Tonga na wango beni bochingane Nzambe dyòkò, koncha wango ewumuzaki wango o bowe, n’aphèki wango botochibe, echoko beni todyala n’èchingane n’ichen’a Nzambe yango.
22Bolòngèlèkè mitema ma beni tonga n’iwoka nènè na tonga n’idyala n’èlumba na banyango ba beni b’èbati a Nzambe, yango edi okiela bolèngi ka, na bodinganaka na mitema michò n’èlumba ètungu,
23beni bango bobotibaki ibotiba itemu na mpoto dyango idi odyobo ka, ko, na mpoto dyango itenele, na mawò ma Nzambe ma bomwè, mango matenele.
24Tonga na ”michuni michò midi ko byèmbu bona, na botochibe ba byango bochò ko biphuncha ba byango bona, byèmbu biwome, na biphuncha bikwe,
25ko mawò ma Mokonchi matenele biteneli: ”Edi mawò mango machakwibaki na beni ko mina minyòngò ma moni bona.
Currently Selected:
1 Pierre 1: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
