Penani Maramba 3
3
Rinorambeno ana beine mongkona huleno aroano
3:1-5
1A wawo dasaku tempono wongi ku'ungkeo
huleno aroaku.
Ku'ungkeo, sine nahi kuhaweo.
2Aku mingki mewangu ka tumanggolilio kota;
a luwuno sala ka tanalapa
ku'ungkeo, huleno aroaku.
Ku'ungkeo, sine nahi kuhaweo.
3Puu mpodagai anu tumanggolilio kota mehawe aku.
”Imengkitaoke huleno aroaku?”
4Dasaraipo kubinta ira,
kutepohaweakono huleno aroaku;
ku'inio ka nahi kupotolao,
ranta kuwawao a rahado ineku,
a bolongkono mia anu me'anaakune.
5Ku'emao ntu'u, luwuno ana beine i Yerusale,
hangano luwuno lagiwa ke hangano luwuno rusa waino anu mo'ila:
si mpokontesingkao ka meleluo pompehohawa
se'eluno napi ineheno!
Meronga-ronga a mpetaoa
3:6-11
6Isemake atuu anu me'umbaako inso i pada one
kana pebotono ahu api
tetutuwiako mana mo'ahino mire ka dupa
inso a mperupa-rupa awuno anu mana mo'ahi pinebalu-baluako?
7Kitao, onaemo atuu selaano i Solema,
domelimbuo nomo pulu puu mpetea
inso i olono puu mpeteado to Isaraeli.
8Luwuno mowawa ponai,
tepaguru a laro mpeteaa,
singge mia saru ponai a puu mpa'ano
hangano wongi mongkokongiri.
9Mokole Solema moweweu selaano
inso a ngkeu Libano.
10Luwuno karuno wineweu inso a nsalaka,
pehondaano inso a wulaa,
pentoroano mewungo,
i larono domeramba-rambaakono pompehohawa
luwuno ana beine i Yerusale,
11luwuno ana beine Sioni, peluarakomo
ka kitaomo mokole Solema
saru ramba-ramba uluno anu ipokonaakono ineno
a oleo petaoano,
a oleo mawongkoano aroano.
Currently Selected:
Penani Maramba 3: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
