Penani Maramba 2
2
1Ongkue bunga rosi inso i Saroni,
sisi bonse i lembo-lembono.
2Kana sisi bonse i olono ewo rui,
kanatuumo pinehohawaku i olodo ana beine.
3Kana keu apeli i olodo keu a ntobu,
kanatuumo pinehohawaku i olodo mangalitau.
Itotono inengoino aku mingki mentoro,
wuano ipemo'ahio langiraku.
4Iwawa akumo a raha anggoro,
ka banderano i wawoku onaemo pompehohawa.
5Pokorosoakunemo kukisi kisimisi,
pokomadooakunemo wua apeli, hangano mahaki ntekewoi aku.
6Kae manggalino kongko i totono uluku,
kae ngkoanano kumopui aku.
7Ku'emao ntu'u, luwuno ana beine i Yerusale,
hangano lagiwa ke rusa waino anu mo'ila:
si mpokontesingkao ka mpokontensilao pompehohawa
se'eluno napi ineheno!
A mpewowano umbu ngkoroi beine
2:8-17
8Rongeomo! Pinehohawaku!
Kitaomo, onae hawe,
melonso-lonso a wawo ntorukuno,
melonso-lonso a wawo pongku.
9Pinehohawaku kana lagiwa,
ke anano rusa.
Kitaomo, onae mentade
i asambalino rereto, saru mentango a mpentangoa
ka mesimi inso a tarali.
10Pinehohawaku mompu'u mepau ndi ongkue,
”Pewangumo pinehohawaku,
pinetekosiku, aiwamo!
11Hangano, kitaomo, tempo morini telaloomo,
usa temonto ka laloomo.
12A mpada mpe'umbaako iramo sisi,
tempo pogontia haweomo;
unino wurokou teronge i witato.
13Keu ara mompu'u mewua,
ka sisino keu anggoro tewuha woono.
Pewangumo, pinehohawaku,
tekosiku, aiwamo!
14Marapatiku i olo-olono watu
a mpewunia i laano torukuno,
popokitaomo rupamu,
poporongeomo suaramu!
Molino ntu'u suaramu
ka tekosi rupamu!”
15Rakoakamimo dahu-dahu,
dahu-dahu kodei,
anu sumolangi ira lere anggoro,
lere anggoromami anu tekonai mensisi!
16Ongkuemo me'ueo pinehohawaku, ka ongkue onae me'ueo
anu mompakambi bimba i tonga-tongano sisi bonse.
17Se'eluno napi pepuuri angi ngkiniwia
ka eo-eo moliu,
pekulemo, pinehohawaku,
gagimo kana lagiwa,
ke kana anano rusa
a wawo ntorukuno pinopaho rampa-rampa!
Currently Selected:
Penani Maramba 2: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Penani Maramba 2
2
1Ongkue bunga rosi inso i Saroni,
sisi bonse i lembo-lembono.
2Kana sisi bonse i olono ewo rui,
kanatuumo pinehohawaku i olodo ana beine.
3Kana keu apeli i olodo keu a ntobu,
kanatuumo pinehohawaku i olodo mangalitau.
Itotono inengoino aku mingki mentoro,
wuano ipemo'ahio langiraku.
4Iwawa akumo a raha anggoro,
ka banderano i wawoku onaemo pompehohawa.
5Pokorosoakunemo kukisi kisimisi,
pokomadooakunemo wua apeli, hangano mahaki ntekewoi aku.
6Kae manggalino kongko i totono uluku,
kae ngkoanano kumopui aku.
7Ku'emao ntu'u, luwuno ana beine i Yerusale,
hangano lagiwa ke rusa waino anu mo'ila:
si mpokontesingkao ka mpokontensilao pompehohawa
se'eluno napi ineheno!
A mpewowano umbu ngkoroi beine
2:8-17
8Rongeomo! Pinehohawaku!
Kitaomo, onae hawe,
melonso-lonso a wawo ntorukuno,
melonso-lonso a wawo pongku.
9Pinehohawaku kana lagiwa,
ke anano rusa.
Kitaomo, onae mentade
i asambalino rereto, saru mentango a mpentangoa
ka mesimi inso a tarali.
10Pinehohawaku mompu'u mepau ndi ongkue,
”Pewangumo pinehohawaku,
pinetekosiku, aiwamo!
11Hangano, kitaomo, tempo morini telaloomo,
usa temonto ka laloomo.
12A mpada mpe'umbaako iramo sisi,
tempo pogontia haweomo;
unino wurokou teronge i witato.
13Keu ara mompu'u mewua,
ka sisino keu anggoro tewuha woono.
Pewangumo, pinehohawaku,
tekosiku, aiwamo!
14Marapatiku i olo-olono watu
a mpewunia i laano torukuno,
popokitaomo rupamu,
poporongeomo suaramu!
Molino ntu'u suaramu
ka tekosi rupamu!”
15Rakoakamimo dahu-dahu,
dahu-dahu kodei,
anu sumolangi ira lere anggoro,
lere anggoromami anu tekonai mensisi!
16Ongkuemo me'ueo pinehohawaku, ka ongkue onae me'ueo
anu mompakambi bimba i tonga-tongano sisi bonse.
17Se'eluno napi pepuuri angi ngkiniwia
ka eo-eo moliu,
pekulemo, pinehohawaku,
gagimo kana lagiwa,
ke kana anano rusa
a wawo ntorukuno pinopaho rampa-rampa!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021