Penani Maramba 1
1
1 #
1Mok. 4:32
Penani Maramba inso ndi Solema.
Pau pompehohawano asa ana beine
1:2-8
2Po'ineeomo ka iwoo-wooakune wiwino,
hangano pompehohawamu mo'ahiopo sekono anggoro.
3Mana mo'ahino woono lanamu,
kana lana anu te'uwu neemu,
onaemo pu'uno ka dompehohawako ana beine!
4Padii akumo i bungkumu, aiwamo topontuturako!
Dowawa akumo mokole a laro bolongko mpo'iangado.
Kami memaroa mpebooli ka memawongko hangano omue,
kami umunde-undeo pompehohawamu laluaopo sekono anggoro!
Lano tekona dompehohawako!
5Ongkue lano mo'ito, sine tekosi,
hei ana beine i Yerusale,
kana luwuno kemado to Kedari,
kana luwuno sawu pelingono i Solema.
6Si mpekokoongakono nine ongkue mo'ito,
hangano mokulano oleo mokomo'ai aku.
Ana ntamado ineku mentekuda ndi ongkue,
ka mpokogagi aku puu mpodagai luwuno lere anggoro;
lere anggoroku ongkueku nahi kudagaio.
7Tutuluakunemo, tedontaano aroaku,
isua aka upompakambi bimba,
isua aka upo'inee ira bimba mpepombole tempono ngkiniwia.
Tembio ongkue asalakono mesoumbu
umpeda a bawaano bimbado wali-walimu?
8Tewala nahi uto'orio,
hei tekosi i olodo beine,
tondaomo hangado bawaano bembe bimba,
ka pakambi iramo ana bembemu
umpeda a mpekemaado puu mpopakambi.
Orua mia mambepehohawa singge umunde-undeo walino
1:9–2:7
9Kana ngara waino a ngkaretano i Pirao
kupongkenako, pinehohawaku.
10Tekosiomo kombisimu hangano peramba-ramba
ka we'umu hangano enu-enu.
11Kami moweweuakomu peramba-ramba wulaa
saru oluti salaka.
12Kontongaado mokole mentoro a medado,
tewuhaomo woono mina-mina narawasutuku.
13Ndi ongkue pinehohawaku kana asa ntongo mire,
te'asipako i olono wua radaku,
14Ndi ongkue pinehohawaku asa tangke bunga pasari
a luwuno lere anggorono i Eni-Gedi.
15Omue tekosi ntu'u, pinehohawaku,
tekosiko ntu'u,
kana marapati matamu.
16Omue tedoa montama, pinehohawaku,
tedoa mompadii aroa;
morini ntu'u poturiato.
17Inso a ngkeu arasi sobono rahato,
inso a ngkeu eru dopi perereto.
Currently Selected:
Penani Maramba 1: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Penani Maramba 1
1
1 #
1Mok. 4:32
Penani Maramba inso ndi Solema.
Pau pompehohawano asa ana beine
1:2-8
2Po'ineeomo ka iwoo-wooakune wiwino,
hangano pompehohawamu mo'ahiopo sekono anggoro.
3Mana mo'ahino woono lanamu,
kana lana anu te'uwu neemu,
onaemo pu'uno ka dompehohawako ana beine!
4Padii akumo i bungkumu, aiwamo topontuturako!
Dowawa akumo mokole a laro bolongko mpo'iangado.
Kami memaroa mpebooli ka memawongko hangano omue,
kami umunde-undeo pompehohawamu laluaopo sekono anggoro!
Lano tekona dompehohawako!
5Ongkue lano mo'ito, sine tekosi,
hei ana beine i Yerusale,
kana luwuno kemado to Kedari,
kana luwuno sawu pelingono i Solema.
6Si mpekokoongakono nine ongkue mo'ito,
hangano mokulano oleo mokomo'ai aku.
Ana ntamado ineku mentekuda ndi ongkue,
ka mpokogagi aku puu mpodagai luwuno lere anggoro;
lere anggoroku ongkueku nahi kudagaio.
7Tutuluakunemo, tedontaano aroaku,
isua aka upompakambi bimba,
isua aka upo'inee ira bimba mpepombole tempono ngkiniwia.
Tembio ongkue asalakono mesoumbu
umpeda a bawaano bimbado wali-walimu?
8Tewala nahi uto'orio,
hei tekosi i olodo beine,
tondaomo hangado bawaano bembe bimba,
ka pakambi iramo ana bembemu
umpeda a mpekemaado puu mpopakambi.
Orua mia mambepehohawa singge umunde-undeo walino
1:9–2:7
9Kana ngara waino a ngkaretano i Pirao
kupongkenako, pinehohawaku.
10Tekosiomo kombisimu hangano peramba-ramba
ka we'umu hangano enu-enu.
11Kami moweweuakomu peramba-ramba wulaa
saru oluti salaka.
12Kontongaado mokole mentoro a medado,
tewuhaomo woono mina-mina narawasutuku.
13Ndi ongkue pinehohawaku kana asa ntongo mire,
te'asipako i olono wua radaku,
14Ndi ongkue pinehohawaku asa tangke bunga pasari
a luwuno lere anggorono i Eni-Gedi.
15Omue tekosi ntu'u, pinehohawaku,
tekosiko ntu'u,
kana marapati matamu.
16Omue tedoa montama, pinehohawaku,
tedoa mompadii aroa;
morini ntu'u poturiato.
17Inso a ngkeu arasi sobono rahato,
inso a ngkeu eru dopi perereto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021