MENGKAAA 5
5
Wunta anu tinondoni ka Ana Bimba
5:1-14
1 #
Yes. 29:11; Yeh. 2:9-10 Ka kukitao a ngkae ngkoana-Do anu mentoro a wawo ngkadera poparentaa atuu, aasa paluluno wunta, anu binuri i larono ka i bungkuno ka tinondoniako opitu pontondoni. 2Ka kukitao aasa mala'eka anu moroso, anu mebooli saru suara meroku, ipotae, ”Isemake anu tekona wileo paluluno wunta atuu ka umungkahio luwuno tondonino?” 3Sine nahina maupo te'asa mia anu i suruga ke anu i tolino ke anu i totono tolino, anu mokowileo paluluno wunta atuu ke anu mokokitao i larono. 4Ka mengese akumo tedoa mompemasusa, hangano nahina maupo te'asa mia anu pinetekona ka iwileo paluluno wunta atuu ke maupo kumitao i larono. 5#Teg. 49:9; Yes. 11:1, 10 Ka i'amba mepauomo asa mia inso a mia mempinemota'u atuudo ndi ongkue, ”Si pengese! Menteeano, singa inso a nsuku Yehuda, onaemo tumbano i Daudi monangiomo, onaemo ka Dopokowileo paluluno wunta atuu ka umungkahio opitu tondonino.”
6 #
Yes. 53:7; Sak. 4:10 Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino. 7Ka i'amba aiwaomo Ana Bimba atuu ka tumarimao paluluno wunta atuu inso a ngkae-Do anu mentoro a wawo ngkadera poparentaa atuu. 8#Pud. 141:2 Tempono Do'alao paluluno wunta atuu, mpenggolontu iramo opaa anu tuwu ka ruapulu ka opaa mia mempinemota'u i aro-Do Ana Bimba atuu, singge mia mo'ini aasa katapi ka aasa tonde wulaa, bukeako dupa: onaemo atuu pekakaido mia mempori. 9#Pud. 33:3; 98:1; Yes. 42:10 Ka dompenaniakono aasa penani wo'ohu dompotae,
”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku. 10#Pel. 19:6; Meng. 1:6 Ka Iweweu iramo gagi aasa poparentaa, ka megagi sando mpesomba tia-Do Ue Alato, ka ira mpeparenta kana mokole i tolino.”
11 #
Dan. 7:10
Ka kukitao ka rumongeo suarado hadio mala'eka liimbu kadera poparentaa, luwuno anu tuwu ka mia mempinemota'u atuudo; porokodo mapulu-pulu nsowu ka mapulu-pulu juta, 12dompotae saru suara meroku,
”Ana Bimba anu sinumbele atuu tekona ka Dotarimao pabawa, ka kaeaa, ka ponto'ori anu mentee, ka roso, ka pompelangkai, ka marambaa, ka po'unde-unde!”
13Ka kurongeo luwuno anu tuwu i suruga ka anu i tolino ka anu i totono tolino ka anu a ntahi ka luwuno anu mekongko i larono, mpotae,
”Tia-Do anu mentoro a wawo ngkadera poparentaa ka tia-Do Ana Bimba, onaemo po'unde-unde ka pompelangkai ka marambaa ka pabawa ranta nahina tampulaano!”
14Ka opaa anu tuwu atuu mpotae, ”Ami.” Ka mia mempinemota'u atuudo ntebangku mpenggolontu ka mpesomba.
Currently Selected:
MENGKAAA 5: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
