MENGKAAA 15
15
Penanido anu mponangi
15:1-4
1Ka kukitao aasa petondoni susua i langi, langkai ka kinohali-haliako: opitu mala'eka saru opitu masolaa poko'ariano, hangano saru atuu tompaanomo tekuda-Do Ue Ala.
2Ka kukitao aasa kana tahi tami malua mesalo api, ka i wiwino tahi tami malua atuu mentade ira mia anu menangiomo kondehora atuu ka tinahano ka doano neeno. Ndi ondae hinao katapi-Do Ue Ala. 3#Pel. 15:1 Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino,
”Langkai ka kinohali-haliako inangga-Miu,
oo Ue, Ue Ala, Anu Tedoa Pabawa!
Moleo ka mentee luwuno pesalaa-Miu,
oo Mokoleno luwuno tongku!
4 #
Pud. 86:9; Yer. 10:7 Isemake nahi doito, oo Ue,
ka anu nahi pelangkaio nee-Miu?
Hangano butu Omiu anu mempori;
hangano luwuno tongku ira me'aiwa mpenggolontu mpesombai Komiu,
hangano mengkaaomo menteeno luwuno pobitara-Miu.”
Opitu mala'eka saru opitu tonde tekuda-Do Ue Ala
15:5-8
5 #
Pel. 38:21
Ka i'amba umarino atuu kukitao mia umungkahio Raha Mempori – kema ponsakosii – i suruga. 6Ka opitu mala'eka saru opitu masolaa atuu, meluarako inso a Raha Mempori, mesangka lena anu mopute morina ka tesosangkilo ka radano mewewesiako peboo ntonga inso a wulaa. 7Ka aasa inso a opaa anu tuwu atuu moweeako ira opitu mala'eka atuu opitu tonde inso a wulaa anu buke me'ihi tekuda-Do Ue Ala, onaemo Ondae Ue Ala anu tuwu ranta nahina tampulaano. 8#Pel. 40:34; 1Mok. 8:10-11; 2Taw. 5:13-14; Yes. 6:4 Ka Raha Mempori atuu ibuketio ahu hangano maramba-Do Ue Ala ka hangano pabawa-Do, ka maupo te'asa mia nahi pokompewinsokio Raha Mempori atuu, se'eluno napi tampula opitu masolaa inso a mala'eka opitu atuu.
Currently Selected:
MENGKAAA 15: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
