Po'unde-unde 98
98
Asa wawontolino umunde-unde Ira i Ue anu moleo
98:1-9
1Penani po'unde-unde.
Penaniakomo penani wo'ohu tia-Do i Ue,
hangano Doweweuomo luwuno wineweu anu kinohali-haliako;
Ondae monangiako kae ngkoana-Do Ondae-Do,
saru tokia anu mempori.
2Ondae i Ue Dopopoto'oriomo tekadudui-Do,
Dopokomengkaaomo moleo-Do i arono matado luwuno tongku.
3Dorambeo pompehohawa ka mentee-Do
a nsuku Isaraeli,
domengkitaomo luwuno tompano tolino
tekadudui-Do Ue Alato.
4Mengkokora-koramo temaroa tia-Do i Ue, hei asa wawontolino,
impo'undemo, mengkokora-kora memawongko ka impenanimo mpo'unde-unde!
5Impenanimo mpo'unde-undeako katapi tia-Do i Ue,
saru katapi ka nani anu meroku,
6saru napiri ka tawuwua anu meroku
mengkokora-koramo temaroa i aro-Do i Ue, Ondae Mokole!
7Po'ineeomo rurunduno tahi saru ihino,
tolino saru luwuno anu mpo'ia i larono!
8Po'ineeomo dompontopa luwuno korono,
ka luwuno torukuno mperongaako mengkokora-kora mpo'unde
9i aro-Do i Ue,
hangano Ondae aiwa Ira bitarao tolino.
Ira bitarao tolino a laro moleoa,
ka luwuno tongku a laro menteea.
Currently Selected:
Po'unde-unde 98: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
