Po'unde-unde 91
91
A laro pongkadudui-Do Anu Tedoa Mantande
91:1-16
1Mia anu mentoro a laro pongkadudui-Do Anu Tedoa Mantande
ta merato a laro po'engoi-Do Anu Tedoa Pabawa.
2Onae ta mepau ndi Ondae i Ue: Pepekaduduiaku ka bente pekorahakoaku,
Ue Alaku, anu pine'ala-alaku.
3Mentee ntu'u, Ondaemo anu Ira motolako inso a ohono puu mporako manu-manu,
inso a haki lele anu mompepate.
4Saru pani-Do Ira borungiko,
a ntoto pani-Do komepekadudui,
petenunu-Do gagi kanta ka potempu.
5Siimo udoitoakono mongkokongirino wongi,
a mpana anu mpenee-nee i tempono meene,
6a haki lele anu mepinsolako a laro wongi-wongi,
a haki mesaki anu me'a'e ntonga oleo.
7Maupo asa nsowu mia tebangku i horimu,
ka hopulu nsowu i koanamu,
masolaa atuu nahi ta umaluko.
8Omue butu sumakosiiakono matamu
ka kumitao pombaloa a mia mosa'o gauno.
9Hangano Ondae i Ue upokogagiomo pepekaduduiamu,
Anu Tedoa Mantande uweweuo Iramo pe'engoamu,
10masolaa nahi ta umaluko,
ka pohuku nahi ta umpedaakono kemamu;
11 #
Mat. 4:6; Luk. 4:10-11 hangano Ira parentao luwuno mala'eka-Do ndi omue,
ka domedagaiko a luwuno pesalaamu.
12Ira menseneko a wawo ngkaedo,
kasi tetidu karumu a watu.
13 #
Luk. 10:19
Singa ka ule mo'ito kolumandao,
anano singa ka ule naga kolumolandao.
14”Hangano aroano metako ndi Ongkue, onaemo pu'uno Aku motolao,
Aku rumereio, hangano ito'orio nee-Ku.
15Tewala onae mebooli ndi Ongkue, Aku sumangki,
Aku kumongkomio a laro ma'isoa,
Aku motolao ka moweeakono pompelangkai.
16Saru tinuwu melai Aku mokomowohiakono,
ka Aku mopokitao ndi onae tekadudui inso ndi Ongkue.”
Currently Selected:
Po'unde-unde 91: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
