Po'unde-unde 84
84
Tekewoi a mpo'ianga-Do Ue Ala
84:1-13
1Tiano petewawado anu mpenani. Montonda nanino Gititi. Penani po'unde-undeno inuleno i Kora.
2Tedoa kukekewoio po'ianga-Miu,
oo Ueno luwuakoano!
3Mokoko'undu aroaku hangano kumekewoi
ira kintala-Do i Ue;
sumanga ka koroiku kokora-kora mo'unde
ndi Ondae Ue Ala anu tuwu.
4Sekono manu-manu dena mohaweomo asa raha,
ka manu-manu wowitu asa seno,
naapado anano,
umpeda a meda pontunua pesomba ndi Omiu, oo Ueno luwuakoano,
oo Mokoleku ka Ue Alaku!
5Me'ura iramo mia anu mpo'ia a raha-Miu,
anu polio umunde-unde Komiu mpiha. Sela
6Me'uraomo mia anu rosono i laro-Miu,
anu montoo lumako mekoho!
7Tewala melaloo Lembono Baka, domeweweuo gagi po'ianga anu memata uwoi;
oo, usa pompu'uano tempo tumutuwiakono ronso.
8Dompelempa kotehi-tehineno komoro-morosodo,
ira mpe'aro ndi Ondae Ue Ala i Sioni.
9Oo Ue, Ue Alano luwuakoano, Irongeomo pekakaiku,
ta'oomo biri, oo Ue Alano i Yako. Sela
10Ikitaomo kantamami, oo Ue Ala,
Ikitaomo rupado mia anu inurapi-Miu!
11Hangano moikoopo asa oleo a kintala-Miu
sekonopo asa nsowu oleo a mpo'ianga susua;
moikoopo kongko i arono pewowano raha-Do Ue Alaku
sekonopo mo'ia a ngkemado mia mosa'o gaudo.
12Hangano Ondae Ue Ala onaemo mata'oleo ka kanta;
pe'aroa ka marambaa Dopeweengakono;
nahi Do'ontoo moikoa
a mia anu tuwu nahina tataano.
13Oo Ue Alano luwuakoano,
me'uraomo mia anu me'ala-ala Komiu!
Currently Selected:
Po'unde-unde 84: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
