Po'unde-unde 78
78
Ondae Ue Ala mompehohawa ka bawaa anu mpe'ewa
78:1-72
1Penani pompaguruno i Asapi.
Ta'oomo birimiu ka imerongeo pompaguruku, hei tongkuku,
lingkeomo birimiu a mpinauno ngangaku.
2 #
Mat. 13:35
Aku menganga mohaweo powadi,
aku tumutuluo singguru inso a tempo se'eluno.
3Anu kimerongeomo ka kimento'orio,
anu domentutuluakami uempu'umami,
4nahi kami mewuniako ira anado,
sine kami mentutuluo a inule anu lembui,
luwuno wineweu-Do i Ue anu telele
ka roso-Do ka luwuno wineweu-Do anu kinohali-haliako anu Doweweuomo.
5Pompakosi Doluarakono ndi Yako
ka Taura-Do Dopeweengakono a tongku Isaraeli;
uempu'uto Doparenta ira
ka dopopoto'oriako ira anado,
6ka domento'orio inule anu lembui,
kai luwuno nana'ote, anu ira mehina te'ipua,
mpewangu ka mentutuluako ira anado,
7ka domenaao pompe'ala-ala ndi Ondae Ue Ala
ka nahi domengkolupeo luwuno wineweu-Do Ue Ala,
sine me'inio luwuno parenta-Do;
8ka si kana uempu'udo,
inule anu humapu Ira i Ue ka me'ewa,
inule anu nahi rodo aroado
ka nahi moroso dompe'ini ndi Ondae Ue Ala.
9Inuleno i Eparai, luwuno puu pompana anu sompo parewa mpeteado,
mpepokule a oleo peteaa;
10nahi dompe'ini a mpedandia-Do Ue Ala
ka nahi dobehe mentuwu montonda Songka-Do.
11Domengkolupeo luwuno inangga
ka wineweu-Do anu kinohali-haliako, anu Dopopokitaomo ndi ondae.
12 #
Pel. 7:8–12:32
I arono uempu'udo Doweweu ira anu mengkinohali-haliako,
i wita Masiri, i pada Soani;
13 #
Pel. 14:21-22
Doponsuao tahi, Dosakiako ira;
Doweweuo uwoi mentade kana binunto,
14Dotaateako ira seru i tempono meene,
ka asa wongi mpobutu saru mewineno api;
15 #
Pel. 17:1-7; Pod. 20:2-13 Dobansio torukuno watu i pada one,
Dopopo'inu ira ranta te'osaado kana inso a luwuno ondaloano tahi;
16Doweweuo waaano uwoi meluarako inso a pongku watu,
ka waa metii kana korono.
17Sine mpoweweu ira mpiha hala ndi Ondae,
onaemo umewai Ira Anu Tedoa Mantande ipada one.
18 #
Pel. 16:2-15; Pod. 11:4-23, 31-35 I laro aroado umara-arahako Ira Ue Ala
onaemo mpo'ema kaanga tumondao po'eheno aroado.
19Ondae mpepau umewai Ira Ue Ala,
”Poli Irake Ue Ala mompatinda meda pongkaanga i pada one?
20Lano, Dotunduhio torukuno watu, ranta tepana uwoi
ka waaomo luwuno korono;
sine Dopolioke mompowee mbo'u roti,
ke mompatindaako ira bau bawaa-Do?”
21Onaemo pu'uno, tempono rumongeo mongkona atuu, Ondae i Ue bamburu,
ka i'amba kolanga-langaomo api umaluo i Yako,
ka tekuda-Do tesingka umaluo Isaraeli,
22hangano nahi dompe'ala-ala Ira Ue Ala,
ka nahi dompomperorohi pontulungi-Do.
23Ondae mbo'u parenta ira seru inso iwawono,
umungkahi ira pewowano langi,
24 #
Yoh. 6:31
motiiako ira usa mana ka ikinaa,
ka moweeako ira gandu inso i langi;
25sompo mia mongkaaomo rotido mala'eka,
ndi ondae hadio ntu'u.
26Dopuuriomo angi sabaano oleo i langi
ka wawaakono roso-Do angi selata;
27Dopotiiako ira usa bau kana pampawu hadiono,
ka usa manu-manu mepani kana one i tahi;
28Dodontaio i tongano pekemaado,
lumimbuo po'ianga atuu.
29Ondae mpongkaa ka gagi tedoa mowohi;
Do'ihiiako ira po'ehedo.
30Sine kontongaano napi tende po'ehedo,
tekonai kaanga da kongko a ngangado,
31tesingkaomo tekuda-Do Ue Ala ndi ondae:
Dopepate ira miado anu moroso,
ka mepate ira ana ntama kontuwuado to Isaraeli.
32Maupo kanatuu da mpoweweu ira koa hala
ka nahi pine'ala-ala luwuno wineweu-Do anu kinohali-haliako.
33Onaemo pu'uno, Doweweuo luwuno oleodo tampula kana ahu
ka luwuno ta'udo nahi kinoo-koo.
34Tewala Dopepate ira, onaemo ka dome'ungke Ira,
ondae mpepokule ka merorohi Ira Ue Ala;
35domerambeo nine Ondae Ue Ala onaemo torukuno watudo,
ka nine Ondae Ue Ala Anu Tedoa Mantande onaemo Puu Pontolosido.
36Sine dopopo'ooako Ira ngangado,
ka saru elodo mpegaupi ira ndi Ondae.
37 #
Tin. 8:21
Aroado nahi petako ndi Ondae,
ka nahi dompetenunu a mpedandia-Do.
38Sine, Ondae mompehohawa,
Do'ampunio salado
ka nahi Doropu ira;
mararu Dopeteao tekuda-Do
ka nahi pokotesingkao luwuno mosa'ono aroa-Do.
39Dorambeo nine ondae atuu butu koa bau,
angi anu telalo, anu nahi ta mekule.
40Ba pempia dompe'ewa ndi Ondae i pada one,
ka mokomasusao aroa-Do a mpada malua!
41Mararu dome'ara-arahako Ira Ue Ala,
mokomahakio aroa-Do Anu Tedoa Mempori, Ue Alado to Isaraeli.
42Nahi domerambeo pabawa-Do,
a oleo Dopotola ira inso a luwuno iwali,
43tempono Dopokohina ira petondoni i Masiri
ka luwuno anu kinohali-haliako i Soani;
44 #
Pel. 7:17-21
tempono Dobali ira luwuno korono gagi rea
ranta luwuno waaano uwoido gagi nahi pinoko'inu;
45 #
Pel. 8:1-6, 20-24 tempono Dopompotolaako ira lale uso anu kumaa ira,
ka hadio tumpa anu rumopu ira;
46 #
Pel. 10:12-15
tempono hasilino witado Doweeakono ule-ule,
ka hasilino pe'iseido a ngkosume;
47 #
Pel. 9:22-25
tempono keu anggorodo Dopepateakono usa watu,
ka saru tontoru baku a luwuno keu arado;
48tempono Dopo'ineeo bawaano kondehorado i'alu ira usa seru baku,
ka pinotuwudo itiuo koliki;
49tempono Dopotiio tekuda-Do anu tensila,
mosa'ono aroa, bamburu ka pompema'iso:
asa bawaa mala'eka powawa masolaa;
50tempono Doluarakono tekuda-Do,
ka nahi domempino'inee tola inso a matea,
penaado Dopeweengakono a haki lele;
51 #
Pel. 12:29
tempono Dopepate ira luwu ana aka i Masiri,
wua amba-ambano roso a luwuno kemano i Hami;
52 #
Pel. 13:17-22
tempono Dowawa ira bawaa-Do kana luwuno bimba,
ka wawa ira kana bawaano pinotuwu i pada one;
53 #
Pel. 14:26-28
ondae merodo tempono Dotaate ira, ranta nahi domedoito,
kontongaano iwalido itutuwi ira tahi;
54 #
Pel. 15:17; Yos. 3:14-17 tempo Dowawa ira a mpo'ianga-Do anu mempori,
a ntorukuno andio, anu pinongko'alano kae ngkoana-Do;
55 #
Yos. 11:16-23
tempono Dosaari ira tongku inso i arodo,
tumia-tiaako ira wita pusaka mompake koloro posongka,
ka tumena ira suku Isaraeli mpo'iangario luwuno kemado atuu.
56 #
Mpo. 2:11-15
Sine ondae mpo'ara-arahako ka me'ewa ndi Ondae Ue Ala, Anu Tedoa Mantande,
ka nahi dompe'ini a luwuno pepopoto'ori-Do;
57domebintao pompe'ala-alado ka mehapuo pedandia kana uempu'udo,
mpepokule kana pana anu mepokule lakoano;
58aroa-Do dompokomahakiakono luwuno po'ianga pompelangkaia,
weweu Ira mahaki aroaako luwuno tinahado.
59Tempono Dorongeo Ue Ala, gagi Ira bamburu,
nahi Dotarima ira ntu'u to Isaraeli;
60 #
Yos. 18:1; Yer. 7:12-14; 26:6 Dotadio po'ianga-Do i Silo
kema anu pino'iangari-Do i olono mia;
61 #
1Sam. 4:4-22
Dopo'ineeo roso-Do tinawa,
maramba-Do tedonta a ngkaeno iwali;
62Dopo'inee ira bawaa-Do ikaano ponai,
ka bamburu Iramo a mia-Do.
63Luwuno ana ntama kontuwuado memo'ai,
ka luwuno ana beine kontuwuado nami dome'inunde-undeako penani petaoa;
64luwuno sando mpesombado memateako ponai,
ka luwuno tuwu beinedo nahi dontengko'ala mposabangi.
65Ka i'amba tewangu Iramo i Ue, kana mia anu tekoturi,
kana pongkiari anu umari molanguako anggoro;
66Donangi ira luwu iwali-Do,
Doweweu ira ntekoko'ii ranta nahina tampulaano.
67Nahi Dotarimao kemano i Yusupu,
ka nahi Dobinikio mbo'u suku Eparai,
68sine Dobinikio suku Yehuda,
Torukuno Sioni anu pinehohawa-Do;
69Dowanguo po'ianga mempori-Do kana langi anu mantande,
kana tolino anu pinontoro-Do ranta nahina tampulaano.
70 #
1Sam. 16:11-12; 2Sam. 7:8; 1Taw. 17:7 Dobinikio i Daudi, tetenaa-Do,
Do'alao inso i olodo walano bawaa bembe bimba;
71inso a mpo'iangado bimba anu mpompo'uo Dowawao
ka ipakambio i Yako, bawaa-Do,
ka Isaraeli mia-Do.
72Ipakambi ira a bobotolino aroano,
ka tumaate ira a ponto'orino kaeno.
Currently Selected:
Po'unde-unde 78: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Po'unde-unde 78
78
Ondae Ue Ala mompehohawa ka bawaa anu mpe'ewa
78:1-72
1Penani pompaguruno i Asapi.
Ta'oomo birimiu ka imerongeo pompaguruku, hei tongkuku,
lingkeomo birimiu a mpinauno ngangaku.
2 #
Mat. 13:35
Aku menganga mohaweo powadi,
aku tumutuluo singguru inso a tempo se'eluno.
3Anu kimerongeomo ka kimento'orio,
anu domentutuluakami uempu'umami,
4nahi kami mewuniako ira anado,
sine kami mentutuluo a inule anu lembui,
luwuno wineweu-Do i Ue anu telele
ka roso-Do ka luwuno wineweu-Do anu kinohali-haliako anu Doweweuomo.
5Pompakosi Doluarakono ndi Yako
ka Taura-Do Dopeweengakono a tongku Isaraeli;
uempu'uto Doparenta ira
ka dopopoto'oriako ira anado,
6ka domento'orio inule anu lembui,
kai luwuno nana'ote, anu ira mehina te'ipua,
mpewangu ka mentutuluako ira anado,
7ka domenaao pompe'ala-ala ndi Ondae Ue Ala
ka nahi domengkolupeo luwuno wineweu-Do Ue Ala,
sine me'inio luwuno parenta-Do;
8ka si kana uempu'udo,
inule anu humapu Ira i Ue ka me'ewa,
inule anu nahi rodo aroado
ka nahi moroso dompe'ini ndi Ondae Ue Ala.
9Inuleno i Eparai, luwuno puu pompana anu sompo parewa mpeteado,
mpepokule a oleo peteaa;
10nahi dompe'ini a mpedandia-Do Ue Ala
ka nahi dobehe mentuwu montonda Songka-Do.
11Domengkolupeo luwuno inangga
ka wineweu-Do anu kinohali-haliako, anu Dopopokitaomo ndi ondae.
12 #
Pel. 7:8–12:32
I arono uempu'udo Doweweu ira anu mengkinohali-haliako,
i wita Masiri, i pada Soani;
13 #
Pel. 14:21-22
Doponsuao tahi, Dosakiako ira;
Doweweuo uwoi mentade kana binunto,
14Dotaateako ira seru i tempono meene,
ka asa wongi mpobutu saru mewineno api;
15 #
Pel. 17:1-7; Pod. 20:2-13 Dobansio torukuno watu i pada one,
Dopopo'inu ira ranta te'osaado kana inso a luwuno ondaloano tahi;
16Doweweuo waaano uwoi meluarako inso a pongku watu,
ka waa metii kana korono.
17Sine mpoweweu ira mpiha hala ndi Ondae,
onaemo umewai Ira Anu Tedoa Mantande ipada one.
18 #
Pel. 16:2-15; Pod. 11:4-23, 31-35 I laro aroado umara-arahako Ira Ue Ala
onaemo mpo'ema kaanga tumondao po'eheno aroado.
19Ondae mpepau umewai Ira Ue Ala,
”Poli Irake Ue Ala mompatinda meda pongkaanga i pada one?
20Lano, Dotunduhio torukuno watu, ranta tepana uwoi
ka waaomo luwuno korono;
sine Dopolioke mompowee mbo'u roti,
ke mompatindaako ira bau bawaa-Do?”
21Onaemo pu'uno, tempono rumongeo mongkona atuu, Ondae i Ue bamburu,
ka i'amba kolanga-langaomo api umaluo i Yako,
ka tekuda-Do tesingka umaluo Isaraeli,
22hangano nahi dompe'ala-ala Ira Ue Ala,
ka nahi dompomperorohi pontulungi-Do.
23Ondae mbo'u parenta ira seru inso iwawono,
umungkahi ira pewowano langi,
24 #
Yoh. 6:31
motiiako ira usa mana ka ikinaa,
ka moweeako ira gandu inso i langi;
25sompo mia mongkaaomo rotido mala'eka,
ndi ondae hadio ntu'u.
26Dopuuriomo angi sabaano oleo i langi
ka wawaakono roso-Do angi selata;
27Dopotiiako ira usa bau kana pampawu hadiono,
ka usa manu-manu mepani kana one i tahi;
28Dodontaio i tongano pekemaado,
lumimbuo po'ianga atuu.
29Ondae mpongkaa ka gagi tedoa mowohi;
Do'ihiiako ira po'ehedo.
30Sine kontongaano napi tende po'ehedo,
tekonai kaanga da kongko a ngangado,
31tesingkaomo tekuda-Do Ue Ala ndi ondae:
Dopepate ira miado anu moroso,
ka mepate ira ana ntama kontuwuado to Isaraeli.
32Maupo kanatuu da mpoweweu ira koa hala
ka nahi pine'ala-ala luwuno wineweu-Do anu kinohali-haliako.
33Onaemo pu'uno, Doweweuo luwuno oleodo tampula kana ahu
ka luwuno ta'udo nahi kinoo-koo.
34Tewala Dopepate ira, onaemo ka dome'ungke Ira,
ondae mpepokule ka merorohi Ira Ue Ala;
35domerambeo nine Ondae Ue Ala onaemo torukuno watudo,
ka nine Ondae Ue Ala Anu Tedoa Mantande onaemo Puu Pontolosido.
36Sine dopopo'ooako Ira ngangado,
ka saru elodo mpegaupi ira ndi Ondae.
37 #
Tin. 8:21
Aroado nahi petako ndi Ondae,
ka nahi dompetenunu a mpedandia-Do.
38Sine, Ondae mompehohawa,
Do'ampunio salado
ka nahi Doropu ira;
mararu Dopeteao tekuda-Do
ka nahi pokotesingkao luwuno mosa'ono aroa-Do.
39Dorambeo nine ondae atuu butu koa bau,
angi anu telalo, anu nahi ta mekule.
40Ba pempia dompe'ewa ndi Ondae i pada one,
ka mokomasusao aroa-Do a mpada malua!
41Mararu dome'ara-arahako Ira Ue Ala,
mokomahakio aroa-Do Anu Tedoa Mempori, Ue Alado to Isaraeli.
42Nahi domerambeo pabawa-Do,
a oleo Dopotola ira inso a luwuno iwali,
43tempono Dopokohina ira petondoni i Masiri
ka luwuno anu kinohali-haliako i Soani;
44 #
Pel. 7:17-21
tempono Dobali ira luwuno korono gagi rea
ranta luwuno waaano uwoido gagi nahi pinoko'inu;
45 #
Pel. 8:1-6, 20-24 tempono Dopompotolaako ira lale uso anu kumaa ira,
ka hadio tumpa anu rumopu ira;
46 #
Pel. 10:12-15
tempono hasilino witado Doweeakono ule-ule,
ka hasilino pe'iseido a ngkosume;
47 #
Pel. 9:22-25
tempono keu anggorodo Dopepateakono usa watu,
ka saru tontoru baku a luwuno keu arado;
48tempono Dopo'ineeo bawaano kondehorado i'alu ira usa seru baku,
ka pinotuwudo itiuo koliki;
49tempono Dopotiio tekuda-Do anu tensila,
mosa'ono aroa, bamburu ka pompema'iso:
asa bawaa mala'eka powawa masolaa;
50tempono Doluarakono tekuda-Do,
ka nahi domempino'inee tola inso a matea,
penaado Dopeweengakono a haki lele;
51 #
Pel. 12:29
tempono Dopepate ira luwu ana aka i Masiri,
wua amba-ambano roso a luwuno kemano i Hami;
52 #
Pel. 13:17-22
tempono Dowawa ira bawaa-Do kana luwuno bimba,
ka wawa ira kana bawaano pinotuwu i pada one;
53 #
Pel. 14:26-28
ondae merodo tempono Dotaate ira, ranta nahi domedoito,
kontongaano iwalido itutuwi ira tahi;
54 #
Pel. 15:17; Yos. 3:14-17 tempo Dowawa ira a mpo'ianga-Do anu mempori,
a ntorukuno andio, anu pinongko'alano kae ngkoana-Do;
55 #
Yos. 11:16-23
tempono Dosaari ira tongku inso i arodo,
tumia-tiaako ira wita pusaka mompake koloro posongka,
ka tumena ira suku Isaraeli mpo'iangario luwuno kemado atuu.
56 #
Mpo. 2:11-15
Sine ondae mpo'ara-arahako ka me'ewa ndi Ondae Ue Ala, Anu Tedoa Mantande,
ka nahi dompe'ini a luwuno pepopoto'ori-Do;
57domebintao pompe'ala-alado ka mehapuo pedandia kana uempu'udo,
mpepokule kana pana anu mepokule lakoano;
58aroa-Do dompokomahakiakono luwuno po'ianga pompelangkaia,
weweu Ira mahaki aroaako luwuno tinahado.
59Tempono Dorongeo Ue Ala, gagi Ira bamburu,
nahi Dotarima ira ntu'u to Isaraeli;
60 #
Yos. 18:1; Yer. 7:12-14; 26:6 Dotadio po'ianga-Do i Silo
kema anu pino'iangari-Do i olono mia;
61 #
1Sam. 4:4-22
Dopo'ineeo roso-Do tinawa,
maramba-Do tedonta a ngkaeno iwali;
62Dopo'inee ira bawaa-Do ikaano ponai,
ka bamburu Iramo a mia-Do.
63Luwuno ana ntama kontuwuado memo'ai,
ka luwuno ana beine kontuwuado nami dome'inunde-undeako penani petaoa;
64luwuno sando mpesombado memateako ponai,
ka luwuno tuwu beinedo nahi dontengko'ala mposabangi.
65Ka i'amba tewangu Iramo i Ue, kana mia anu tekoturi,
kana pongkiari anu umari molanguako anggoro;
66Donangi ira luwu iwali-Do,
Doweweu ira ntekoko'ii ranta nahina tampulaano.
67Nahi Dotarimao kemano i Yusupu,
ka nahi Dobinikio mbo'u suku Eparai,
68sine Dobinikio suku Yehuda,
Torukuno Sioni anu pinehohawa-Do;
69Dowanguo po'ianga mempori-Do kana langi anu mantande,
kana tolino anu pinontoro-Do ranta nahina tampulaano.
70 #
1Sam. 16:11-12; 2Sam. 7:8; 1Taw. 17:7 Dobinikio i Daudi, tetenaa-Do,
Do'alao inso i olodo walano bawaa bembe bimba;
71inso a mpo'iangado bimba anu mpompo'uo Dowawao
ka ipakambio i Yako, bawaa-Do,
ka Isaraeli mia-Do.
72Ipakambi ira a bobotolino aroano,
ka tumaate ira a ponto'orino kaeno.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021