Po'unde-unde 77
77
Pompenooti: nde bali Iramoke Ue Ala
77:1-21
1Tiano petewawado anu mpenani. Montonda i Yedutuni. Penani po'unde-undeno i Asapi.
2Aku meboo-booli temeroku ndi Ondae Ue Ala,
temeroku ndi Ondae Ue Ala, ka Doperorongeakune.
3A oleo masusaaku ku'ungke Ira i Ue;
i tempono wongi kaeku tewero ka nahi gagi telusa,
aroaku nahi behe tinarero.
4Tewala kurambe Ira Ue Ala, meraepi akumo,
tewala mo'ia aku mompewowolo, komole-molemanomo rosoku. Sela
5Kuli mataku Iweweuo nahi tempiro;
danggara aku, ranta nahi kupokompepau.
6Kupewowoloo luwuno oleo tempo anu telalo
ka luwuno ta'u tempo se'eluno.
7Kurambeo pemaeno katapiku i tempono wongi,
ka penaaku mepo'ungke,
8”Ranta nahina tampulaanoke Ondae i Ue nahi Dopontarima
ka mbo'u nahi Dopemoikoo?
9Tampulaomo mpihake petenunu pompehohawa-Do,
tampulaomoke dandi atuu ipinolempa mapa'api-api inule?
10Tekolupe Iramoke Ue Ala mompehohawa,
ke Dobuntoo pompowee-Do hangano tekuda-Do?”
11Onaemo ka kupotae, ”Onaemo andio anu dumuhuo ateku,
nine kae ngkoana-Do Anu Tedoa Mantande baali.”
12Aku rumambeo luwuno wineweu-Do i Ue,
oo, aku rumambeo luwuno wineweu-Miu anu kinohali-haliako inso a tempo se'eluno.
13Aku mepaguruakono luwuno inangga-Miu,
ka mo'ia mewowoloo luwuno wineweu-Miu.
14Oo Ue Ala, pesalaa-Miu onaemo mempori!
Ue Ala isuake anu tedoa langkai kana Ue Alamami?
15Omiumo Ue Ala anu moweweu kinohali-haliako;
Ipokomengkaaomo pabawa-Miu i olodo luwuno tongku.
16Saru tokia-Miu Itolosi iramo bawaa-Miu,
inuleno i Yako ka inuleno i Yusupu. Sela
17Ikita Komiumo uwoi, oo Ue Ala,
ikita Komiumo uwoi, ka i'amba gagi doito,
maupo luwuno tahi ondalo mbo'u mpondidi-ndidi.
18Luwuno seru mpo'uwu uwoi,
luwuno seru me'u'uru,
tendeano ana mpana-Miu mpene-nee.
19Memuuno rundu-Miu mebanumbu,
koliki wantahio tolino,
tolino mondidi-ndidi ka leelu.
20Pesalaa-Miu molalo tahi
ka batatana-Miu molalo wawo uwoi anu malua,
sine hanga-Miu nahi tengkita.
21Itaate iramo bawaa-Miu kana bawaano bimba
molalo i Musa ka i Haruni.
Currently Selected:
Po'unde-unde 77: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Po'unde-unde 77
77
Pompenooti: nde bali Iramoke Ue Ala
77:1-21
1Tiano petewawado anu mpenani. Montonda i Yedutuni. Penani po'unde-undeno i Asapi.
2Aku meboo-booli temeroku ndi Ondae Ue Ala,
temeroku ndi Ondae Ue Ala, ka Doperorongeakune.
3A oleo masusaaku ku'ungke Ira i Ue;
i tempono wongi kaeku tewero ka nahi gagi telusa,
aroaku nahi behe tinarero.
4Tewala kurambe Ira Ue Ala, meraepi akumo,
tewala mo'ia aku mompewowolo, komole-molemanomo rosoku. Sela
5Kuli mataku Iweweuo nahi tempiro;
danggara aku, ranta nahi kupokompepau.
6Kupewowoloo luwuno oleo tempo anu telalo
ka luwuno ta'u tempo se'eluno.
7Kurambeo pemaeno katapiku i tempono wongi,
ka penaaku mepo'ungke,
8”Ranta nahina tampulaanoke Ondae i Ue nahi Dopontarima
ka mbo'u nahi Dopemoikoo?
9Tampulaomo mpihake petenunu pompehohawa-Do,
tampulaomoke dandi atuu ipinolempa mapa'api-api inule?
10Tekolupe Iramoke Ue Ala mompehohawa,
ke Dobuntoo pompowee-Do hangano tekuda-Do?”
11Onaemo ka kupotae, ”Onaemo andio anu dumuhuo ateku,
nine kae ngkoana-Do Anu Tedoa Mantande baali.”
12Aku rumambeo luwuno wineweu-Do i Ue,
oo, aku rumambeo luwuno wineweu-Miu anu kinohali-haliako inso a tempo se'eluno.
13Aku mepaguruakono luwuno inangga-Miu,
ka mo'ia mewowoloo luwuno wineweu-Miu.
14Oo Ue Ala, pesalaa-Miu onaemo mempori!
Ue Ala isuake anu tedoa langkai kana Ue Alamami?
15Omiumo Ue Ala anu moweweu kinohali-haliako;
Ipokomengkaaomo pabawa-Miu i olodo luwuno tongku.
16Saru tokia-Miu Itolosi iramo bawaa-Miu,
inuleno i Yako ka inuleno i Yusupu. Sela
17Ikita Komiumo uwoi, oo Ue Ala,
ikita Komiumo uwoi, ka i'amba gagi doito,
maupo luwuno tahi ondalo mbo'u mpondidi-ndidi.
18Luwuno seru mpo'uwu uwoi,
luwuno seru me'u'uru,
tendeano ana mpana-Miu mpene-nee.
19Memuuno rundu-Miu mebanumbu,
koliki wantahio tolino,
tolino mondidi-ndidi ka leelu.
20Pesalaa-Miu molalo tahi
ka batatana-Miu molalo wawo uwoi anu malua,
sine hanga-Miu nahi tengkita.
21Itaate iramo bawaa-Miu kana bawaano bimba
molalo i Musa ka i Haruni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021