Po'unde-unde 76
76
Ondae Ue Ala bitarao luwuno tongku
76:1-13
1Tiano petewawado anu mpenani. Saru tinondaako katapi. Penani po'unde-undeno i Asapi. Penani.
2Ondae Ue Ala mepopoto'ori i Yehuda,
nee-Do teto'ori i Isaraeli!
3I Salemi hinaomo laika-Do,
ka po'ianga-Do i Sioni!
4I ra'aimo Dopuduo pana anu mengkoliki,
kanta, ponai, ka kansai.
5Mewanta Komiu, lalu maramba
sekonopo mentorukuno buke wembaa.
6Mia anu memosia mempinomuru iramo,
merodo ira a laro mpoturido,
ka luwuno mia anu moroso ka mosia
tetadi rosodo.
7Hangano te'ise-Miu, oo Ue Alano i Yako,
tekoturi rodo anu mesawi maupo ngarano.
8Mongkokongiri Komiu!
Isemake anu polio mentade i aro-Miu
tempono Itekuda?
9Inso i langi Ipoporongeo pomputusi-Miu;
tolino doito ka tekonto,
10i tempono Dopentade Ue Ala Ira mobitara,
ka kumadudui ira luwuno anu tepokonsii i tolino. Sela
11Menteeano mokulano aroano mia ta mepokule gagi umakui Komiu,
ka toreano mokula aroa atuu Komiu umontoo.
12Pontangamo ka owahiomo tinangamu atuu ndi Ondae i Ue, Ue Alamu!
Po'ineeomo luwuno anu tumonda Ira
pompowee pesomba ndi Ondae anu dinoitoako.
13Dopokomolema ira petewawa,
Ondae domemokokongiriakono luwuno mokole i tolino.
Currently Selected:
Po'unde-unde 76: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
