Po'unde-unde 132
132
I Daudi ka Sioni, bininiki-Do i Ue
132:1-18
1Penani mekoho.
Irambeomo, oo Ue, i Daudi
ka luwuno pe'iseino,
2kana'umpe onae mesumpaomo ndi Ondae i Ue,
montangaomo ndi Ondae Anu Tedoa Moroso, Ue Alano i Yako,
3”Menteeano nahi aku mewinso a laro ngkema po'iangaku,
nahi aku mepombole a dasa pepomboleaku,
4menteeano nahi aku mo'ineeo mataku tekoturi
ke tango mataku tekoturi rodo,
5ranta ka kupohawe po'ianga-Do i Ue,
po'ianga-Do Anu Tedoa Moroso, Ue Alano i Yako.”
6 #
1Sam. 6:21–7:2
Mentee ntu'u tomerongeo nine burua pedandia atuu kongko i Eparata,
tomehaweo i pada Ya'ari.
7”Aiwa ka tomelako a mpo'ianga-Do,
mpenggolontu mpesomba a empehino karu-Do.”
8 #
2Taw. 6:41-42
Ipewangumo, oo Ue, ka Ilakomo a mpo'ianga-Miu,
Omiu saru burua pedandia roso-Miu!
9Po'ineeomo luwuno sando mpesomba-Miu mpesangka menteea,
ka mengkokora-kora memawongko mia anu pinehohawa-Miu!
10Hangano i Daudi, tetenaa-Miu,
Itarima iramo mia anu inurapi-Miu!
11 #
2Sam. 7:12-16; 1Taw. 17:11-14; Pud. 89:4-5; Tin. 2:30 Ondae i Ue mesumpa Iramo ndi Daudi,
nahi Ira humapuo,
”Asa mia ana ngkoroimu
Aku montoroo a wawo ngkadera poparentaamu;
12tewala luwuno anamu mpe'ini a mpedandia-Ku,
ka a luwuno atora-Ku anu Kupaguruako ira,
asalakono luwuno anado ranta nahina tampulaano
ira mpentoro a wawo ngkadera poparentaamu.”
13Hangano Dobinikiomo i Ue Sioni,
inehe-Do gagi po'ianga-Do,
14”Ndiomo po'ianga-Ku ranta nahina tampulaano,
i ndi'ai Kupo'ia, hangano inehe-Ku.
15Pepatindaa kaangano Aku rumonsoo tehadio ntu'u,
miano anu memongkokolaro Aku mokomowohiako ira kaanga,
16luwuno sando mpesombano Aku mokonaako ira sangka tekaduduia,
ka luwuno miano anu moleo mengkokora-kora mpo'unde ka memawongko.
17 #
1Mok. 11:36
I ra'aimo Aku motuwuo asa tandu rosono i Daudi,
Aku patindao asa hulu tiano mia anu inurapi-Ku.
18Luwuno iwalino Aku mokonaako ira sangka pompokongkodei,
sine a wawo uluno ta mewanta ramba-ramba uluno.”
Currently Selected:
Po'unde-unde 132: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
