Po'unde-unde 130
130
Pekakai mo'ema pontolosia
130:1-8
1Penani mekoho.
Inso a wingke anu ondalo kupebooli ndi Omiu, oo Ue!
2 Ue, Irongeomo pebooliku!
Po'ineeomo ka iperioo biri-Miu
a mpebooli po'emaku.
3Tewala Irambeo mpiha salamami, oo Ue,
isemake anu polio me'aro ndi Omiu?
4Sine ndi Omiu hinao po'ampunia,
ka idoito mia ndi Omiu.
5Kusumisikori-Komiu Ue, sumangaku mesisikori,
ka kuperorohio pau-Miu.
6Sumangaku momperorohi ndi Ondae i Ue
laluaopo sekono puu mpodagai momperorohi mo'oru,
sekonopo puu mpodagai momperorohi mo'oru.
7Pomperorohimo ndi Ondae i Ue, hei to Isaraeli!
Hangano ndi Ondae i Ue hinao pompehohawa,
ka ndi Ondae hinao mpiha pontolosia.
8 #
Mat. 1:21; Tit. 2:14 Ondaemo anu motola ira to Isaraeli
inso a luwuno salado.
Currently Selected:
Po'unde-unde 130: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
