Nehemia 12

Buriano luwuno sando mpesomba ka to Lewi

12:1-26

1Ndiomo luwuno sando mpesomba ka luwuno to Lewi anu mpekule meronga i Serubabeli anano i Selatieli ka i Yesua: i Seraya, i Yeremia, i Esera, 2i Amaria, i Maluki, i Hatusi, 3i Sekania, i Rehumi, i Meremoti, 4i Ido, i Genetoi, i Abia, 5i Miyamini, i Ma'aja, i Biliga, 6i Semaya, i Yoyaribi, i Yedaya, 7i Salu, i Amoki, i Hilikia ka i Yedaya, onaemo atuu petewawado sando mpesomba ka luwuno pepaekompodo tempono i Yesua.

8Inso a luwudo to Lewi: i Yesua, i Binui, i Kadimieli, i Serebia, i Yehuda ka i Matania. Matanomo saru luwuno pepaekompono metewawa menani po'unde-unde, 9kontongaano i Bakibukia ka Uni saru luwuno pepaekompodo mpentade i arodo atuu montonda luwuno petiaa anggaa. 10I Yesua amano i Yoyakimi ka i Yoyakimi amano i Eliasibi ka i Eliasibi amano i Yoyada 11ka i Yoyada amano i Yonata ka i Yonata amano i Yadua.

12I tempono i Yoyakimi, anu gagi sando mpesomba, onaemo luwuno petewawado anu mpepe'etu andio: i Maraya, inso a mpepe'etuano i Seraya, i Hanania inso a mpepe'etuano i Yeremia, 13i Mesulami inso a mpepe'etuano i Esera, i Yohanani inso a mpepe'etuano i Amaria, 14i Yonata inso a mpepe'etuano i Miliku, i Yusupu inso a mpepe'etuano i Sebania, 15i Adina inso a mpepe'etuano i Harimi, i Helikai inso a mpepe'etuano i Marayoti, 16i Sakaria inso a mpepe'etuano i Ido, i Mesulami inso a mpepe'etuano i Genetoni, 17i Sikiri inso a mpepe'etuano i Abia, inso a mpepe'etuano i Miniami, i Pilitai inso a mpepe'etuano i Moaja, 18i Samua inso a mpepe'etuano i Biliga, i Yonata inso a mpepe'etuano i Semaya, 19i Matinai inso a mpepe'etuano i Yoyaribi, i Usi inso a mpepe'etuano i Yedaya, 20i Kalai inso a mpepe'etuano i Salai, i Heberi inso a mpepe'etuano i Amoki, 21i Hasabia inso a mpepe'etuano i Hilikia ka i Netame'eli inso a mpepe'etuano i Yedaya.

22Mongkona to Lewi, luwuno petewawado ondae anu mpepe'etu teburi tempono i Eliasibi, i Yoyada, i Yohanani ka i Yedua, sekono luwuno sando mpesomba teburi hawe a pomparentaano i Dariusi, to Peresia. 23Luwuno petewawado anu mpepe'etu inuleno i Lewi teburi a wunta tutuluno poparentaa hawe tempono i Yohanani anano i Elyasibi. 24Ndiomo luwuno petewawa i olodo to Lewi: i Hasabia, i Serebia, i Yesua anano i Kadimieli ka luwuno pepaekompodo anu mpentade i arodo mpenaniako po'unde-unde ka mawongko menunu saru parentano i Daudi, tetenaa-Do Ue Ala, nte'o'asa bawaa. 25I Matania, i Bakebukia, i Obaja, i Mesulami, i Talemoni ka i Akubi, onaemo luwuno anu mpodagai pewowa langkai anu mpodagai a luwuno goda ponaapa sangka a luwuno pewowa langkai. 26Ondae mentuwu tempono i Yoyaki anano i Yesua anano i Yosada ka tempono bupati i Nehemia ka sando mpesomba i Esera, anu tedoa pande a wunta.

Poronsoa bente i Yerusale

12:27-43

27A mporonsoa bente i Yerusale luwuno to Lewi pinoboi inso a luwuno po'iangado ka mewinawa i Yerusale ta wineweu poronsoa anu maroaako po'unde ka penani, tinondaako simbala, gambusu ka katapi. 28Luwuno puu mpenani mpepumpu inso a wita petengi-tengino Yerusale, inso a luwuno iniado to Netopa, 29inso i Beti-Giliga, pada Geba ka i Asimaweti, hangano luwuno puu mpenani atuu mpowangu iramo iniado ondaedo i horino Yerusale. 30Luwuno sando mpesomba ka luwuno to Lewi mpokomemporio koroido ka do'amba mpokomempori ira luwuno bawaa, luwuno pewowa langkai ka bente.

31Umarino atuu kutena ira luwuno petewawado to Yehuda mpewuatako i wawono bente ka kuweweuo orua ntia langkai mia mpenani. Anu asa mpelempa melako i koana i wawono bente te'aro a Mpewowa Langkai Rompo. 32I bungkuno melempaomo i Hosaya saru asa ntia inso a luwuno petewawado to Yehuda, 33i Asaria mbo'u, i Esera, i Mesulami, 34i Yehuda, i Benami, i Semaya ka i Yeremia, 35saru ba'opia sando mpesomba anu mowawa napiri: i Sakaria anano i Yonata anano i Semaya anano i Matania anano i Mika anano i Sakuri anano i Asapi, 36ka luwuno pepaekompono: i Semaya, i Asare'eli, i Milalai, i Gilalai, i Ma'ai, i Netane'eli, i Yehuda ka i Hanani saru parewa mpenanino i Daudi, tetenaa-Do Ue Ala, sekono i Esera anu tedoa pande a wunta atuu melempa i arodo. 37Ka i'amba a Mpewowa Langkai Mata Uwoi tetutu ira mpewuatako a ensano kota Daudi, a nsala porakea bente, telalo a langkanaeno i Daudi, ka hawe a Mpewowa Langkai Uwoi i sabaano oleo. 38Puu mpenani anu ko'orua mpelempa melako i manggali ka ongkue tumonda ira saru asa ntia bawaa, telalo a rere ka Menara Ponahua hawe a Rere Molue.

39Telalo a Mpewowa Langkai Eparai, Pewowa Langkai Se'elu, Pewowa Langkai Bou, Menara Hanane'eli ka Menara Asa Etu hawe a Mpewowa Langkai Bimba. Mpenaa-naa ira a Mpewowa Langkai Podagaia. 40Ka i'amba puu mpenani orua ntia atuu mpewinso a Raha-Do Ue Ala. Kanandio koa mbo'u ongkue meronga saru asa ntia inso a luwuno anu mempabama, 41ka luwuno sando mpesomba, onaemo: i Eliaki, i Ma'aseya, i Miniami, i Mika, i Elio'enai, i Sakaria ka i Hanania, saru luwuno napiri, 42saru i Ma'aseya, i Semaya, i Eleasa, i Usi, Yohanani, i Milika, i Elami ka i Eseri. Ka i'amba luwuno puu mpenani, penaniakono penani anu iwawa ira i Yisirahia. 43Ia oleo atuu mpopesombaako ira hadio pesomba. Memawongko ira hangano Ondae i Ue moweeako ira mawongkoa anu langkai. Luwuno mbo'u beine ka nana'ote memawongko, ranta mawongkoa i Yerusale teronge hawe olai.

Pe'inia tuwudo sando mpesomba ka to Lewi

12:44-47

44I tempo atuu ba'opia mia pinotoro dumagai ira bolongko ponaapa sangka mpesomba pinesusua, wua amba-ambano ka pesomba tia hopulu, ka i larono pinumpu tia anu montonda songka gagi tiado sando mpesomba ka to Lewi menunu saru hasilino lere sompo kota. Hangano i Yehuda ipemoikoo pompekakaakodo sando mpesomba ka to Lewi. 45#1Taw. 25:1-8; 26:12Dome'anggao anggaado mpopekakaako ndi Ondae Ue Ala ka anggaa mompokomorina, mengkena kana luwuno anu mpenani ka luwuno anu mpodagai pewowa langkai, menunu saru parentano i Daudi ka i Salomo, anano. 46Hangano, lano mompu'u i ndi'ipua tempono i Daudi ka i Asapi, hinao petewawado puu mpenani, hinao penani po'unde-unde ka penani po'unde ndi Ondae Ue Ala. 47Tempono i Serubabeli ka i Nehemia luwuno to Isaraeli moweeako ira puu mpenani ka puu mpodagai pewowa langkai anu kineredo sompo oleo ka moweeako ira pesomba mempori a nto Lewi. Ka do'amba to Lewi mpoweeako ira pesomba mempori a luwuno anano i Haruni.

Currently Selected:

Nehemia 12: XMZ

Highlight

Copy

Compare