Yesaya 66
66
Tekaduduia umarino pohuku
66:1-24
1 #
Mat. 5:34-35; 23:22 #
Tin. 7:49-50
Kanandiomo pau-Do i Ue:
Langi onaemo kadera poparentaa-Ku
ka tolino onaemo pelandaano karu-Ku;
raha hapake komiu mpowangua-Kune,
ka po'ianga hapake anu ta gagi penaa-naaa-Ku?
2Kombake kae-Ku anu weweuo luwuno,
ranta ka igagi luwuno andio?
Kanandiomo pau-Do i Ue.
Sine, miamo anu kanandio anu kinita-Ku:
mia anu tepokonsii ka nahina pompe'osaiano
ka anu doitoakono pau-Ku.
3Mia monsumbele sapi lakino, sine mompepate mbo'u mia;
mia mompesombaako bimba, sine mompudu keu we'uno dahu;
mia mompesombaako pesomba kaanga, sine mompesombaako reano boe;
mia mompesombaako dupa, sine mo'unde-unde mbo'u lahumoa.
Onaemo pu'uno, mengkena kana ondae laludopo mpobiniki salado ondaedo,
ka sumangano ineheno a mpinesombai mokoburudo,
4kanatuumo Kubinikio humuku ira
ka mompotiiako ira hapa anu dinoitoakodo;
hangano, tempono Kupepoboi, nahina anu sumangki,
tewala Ongkue mepau, nahi domperorongeakono.
Ondae mpoweweu anu mosa'o a pongkita-Ku
ka laludopo mpobiniki hapa anu nahi Kupe'eheo.
5Rongeomo pau-Do i Ue,
hei omiu anu medoitoakono pau-Do!
Ondae pepaekompomiu anu umo'aliaakomiu,
ka lumiahako komiu hangano nee-Ku,
mpotae iramo, ”Moikoomo Dopopokitao i Ue maramba-Do,
ka kimengkitao mawongkomiu!”
Sine, tendeano ondaemo anu ira mempinokoko'ii.
6Rongeo, suara tewukaa inso a ngkota,
rongeo, haweno inso a Raha Mempori!
Rongeo, Ondae i Ue mombalo
a luwuno iwali-Do!
7 #
Meng. 12:3-5
Napi pemoluki mompemahaki, onae umariomo me'ana,
napi pompemahaki ta me'ana, ipe'anaakonomo ana ntama.
8Isemake anu morongeomo anu gagi kanatuu,
isemake anu mongkitaomo anu gagi kanandio?
Mentee koake asa mpo'ianga pine'anaako i larono asa oleo,
ke asa tongku pine'anaako i larono asa mpiniro?
Sine da saraipo ipemoluki mompemahaki,
i Sioni umariomo me'anaako ira anano.
9Nde Ongkueke umungkahio pe'anakaano mia,
ka nahi Kuweweuo ka ipe'ana?
Pau-Do i Ue.
Ke nde Ongkueke weweuo mia ka ipe'ana,
ka umonsoo mbo'u pe'anakaano?
Pau-Do Ue Alamiu.
10Memawongkomo saru Yerusale,
ka imengkokora-koramo memawongko hangano onae,
hei luwuno mia anu kumekewoio!
Mawongkomo saru onae temawongko ntu'u,
hei luwuno mia anu mpo'inombo hangano onae!
11ka impo'uo ka gagi tende
inso a uwoi uo anu mokorosokomiu,
ka impo'oso ka mpenamio uwoi uo
inso a uo anu me'ihi.
12Hangano, kanandiomo pau-Do i Ue:
Menteeano, Kupowaao ndi onae
rodoa kana korono,
ka kaeado tongku
kana keuno korono anu lulua.
Komiu mpo'uo, binaba,
ka pinoru-porusi a mpe'awia.
13Kana asa mia anu tinarerono ineno,
kanatuumo Aku tumarero komiu;
komiu mentinarero i Yerusale.
14Tempono imengkitao, aroamiu ta mawongko,
ka komiu kana ewo anu tuwu mewalo;
ka kae-Do i Ue ta mengkaa a luwuno tetenaa-Do,
ka tekuda-Do a luwuno iwali-Do.
15Menteeano, Ondae i Ue Ira hawe saru api,
ka luwuno kareta-Do kana lompiu,
motiio tekuda-Do anu tensila
ka pewurarai-Do saru api anu kolanga-langa.
16Hangano, Ondae i Ue Ira humukuakono
api ka ponai-Do luwuno anu tuwu,
ka hadioomo mia anu mate pinepate-Do i Ue.
17Ondae anu mpopokomempori ka mpokomorinao koroido mpesomba a lere bungano pinesombai,
saru mentondao asa mia anu kongko i tonga-tongano,
anu mongkaa bauno boe
ka luwuno kondehora mokoburu saru tehu,
luwudo ira metampula pohona koa, kanatuumo pau-Do i Ue.
18Kuto'orio luwuno wineweu ka tinoodo, ka Aku hawe pumpu ira mia inso a luwuno tongku ka pau. Ondae ira me'aiwa ka mengkitao maramba-Ku. 19Aku monaa petondoni i tonga-tongado. Aku montena inso i olodo mia anu mentola a luwuno tongku, lumako i Tarasisi, i Puli ka i Ludi, anu teto'oriako pandedo mpepana, melako i Tubali ka Yawani, melako a luwuno togo anu olai anu napi hori domporonge lele mongkona Ongkue ka napi hori domengkitao maramba-Ku. Ira mempaleleo maramba-Ku i olodo luwuno tongku. 20Ira mewawao luwu pepaekompomiu inso i olodo luwuno tongku gagi pesomba tia-Do i Ue a wawo ngara ka kareta ka a wawo ponsela, a wawo bagali ka unta waino anu magasi, a wawo ntorukuno-Ku anu mempori, lumako i Yerusale, pau-Do i Ue, mengkena kana to Isaraeli mpowawa pesomba a mponaapa anu mempori a laro raha-Do i Ue. 21Inso mbo'u i olodo Aku umala ira sando mpesomba ka to Lewi, pau-Do i Ue.
22 #
Yes. 65:17; 2Pet. 3:13; Meng. 21:1 Hangano, mengkena kana langi ka tolino anu wo'ohu
anu Aku mokogagio atuu,
mo'ia mpiha i aro-Ku, kanandiomo pau-Do i Ue,
kanatuumo inulemiu ka neemiu ta mo'ia mpiha.
23Wula me'eu wula,
ka Saba me'eu Saba,
ka luwuno mia ira mehawe mpenggolontu mpesomba
i aro-Ku, pau-Do i Ue.
24 #
Mrk. 9:48
Ira mpeluarako ka mengkikitao
wata ngkoroido mia anu mpe'ewa iramo ndi Ongkue.
Mentee ntu'u, ule-uleno nahi ta mate,
ka apino nahi ta mate;
luwuno ta gagi mongkokongiriado
luwuno anu tuwu.
Currently Selected:
Yesaya 66: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 66
66
Tekaduduia umarino pohuku
66:1-24
1 #
Mat. 5:34-35; 23:22 #
Tin. 7:49-50
Kanandiomo pau-Do i Ue:
Langi onaemo kadera poparentaa-Ku
ka tolino onaemo pelandaano karu-Ku;
raha hapake komiu mpowangua-Kune,
ka po'ianga hapake anu ta gagi penaa-naaa-Ku?
2Kombake kae-Ku anu weweuo luwuno,
ranta ka igagi luwuno andio?
Kanandiomo pau-Do i Ue.
Sine, miamo anu kanandio anu kinita-Ku:
mia anu tepokonsii ka nahina pompe'osaiano
ka anu doitoakono pau-Ku.
3Mia monsumbele sapi lakino, sine mompepate mbo'u mia;
mia mompesombaako bimba, sine mompudu keu we'uno dahu;
mia mompesombaako pesomba kaanga, sine mompesombaako reano boe;
mia mompesombaako dupa, sine mo'unde-unde mbo'u lahumoa.
Onaemo pu'uno, mengkena kana ondae laludopo mpobiniki salado ondaedo,
ka sumangano ineheno a mpinesombai mokoburudo,
4kanatuumo Kubinikio humuku ira
ka mompotiiako ira hapa anu dinoitoakodo;
hangano, tempono Kupepoboi, nahina anu sumangki,
tewala Ongkue mepau, nahi domperorongeakono.
Ondae mpoweweu anu mosa'o a pongkita-Ku
ka laludopo mpobiniki hapa anu nahi Kupe'eheo.
5Rongeomo pau-Do i Ue,
hei omiu anu medoitoakono pau-Do!
Ondae pepaekompomiu anu umo'aliaakomiu,
ka lumiahako komiu hangano nee-Ku,
mpotae iramo, ”Moikoomo Dopopokitao i Ue maramba-Do,
ka kimengkitao mawongkomiu!”
Sine, tendeano ondaemo anu ira mempinokoko'ii.
6Rongeo, suara tewukaa inso a ngkota,
rongeo, haweno inso a Raha Mempori!
Rongeo, Ondae i Ue mombalo
a luwuno iwali-Do!
7 #
Meng. 12:3-5
Napi pemoluki mompemahaki, onae umariomo me'ana,
napi pompemahaki ta me'ana, ipe'anaakonomo ana ntama.
8Isemake anu morongeomo anu gagi kanatuu,
isemake anu mongkitaomo anu gagi kanandio?
Mentee koake asa mpo'ianga pine'anaako i larono asa oleo,
ke asa tongku pine'anaako i larono asa mpiniro?
Sine da saraipo ipemoluki mompemahaki,
i Sioni umariomo me'anaako ira anano.
9Nde Ongkueke umungkahio pe'anakaano mia,
ka nahi Kuweweuo ka ipe'ana?
Pau-Do i Ue.
Ke nde Ongkueke weweuo mia ka ipe'ana,
ka umonsoo mbo'u pe'anakaano?
Pau-Do Ue Alamiu.
10Memawongkomo saru Yerusale,
ka imengkokora-koramo memawongko hangano onae,
hei luwuno mia anu kumekewoio!
Mawongkomo saru onae temawongko ntu'u,
hei luwuno mia anu mpo'inombo hangano onae!
11ka impo'uo ka gagi tende
inso a uwoi uo anu mokorosokomiu,
ka impo'oso ka mpenamio uwoi uo
inso a uo anu me'ihi.
12Hangano, kanandiomo pau-Do i Ue:
Menteeano, Kupowaao ndi onae
rodoa kana korono,
ka kaeado tongku
kana keuno korono anu lulua.
Komiu mpo'uo, binaba,
ka pinoru-porusi a mpe'awia.
13Kana asa mia anu tinarerono ineno,
kanatuumo Aku tumarero komiu;
komiu mentinarero i Yerusale.
14Tempono imengkitao, aroamiu ta mawongko,
ka komiu kana ewo anu tuwu mewalo;
ka kae-Do i Ue ta mengkaa a luwuno tetenaa-Do,
ka tekuda-Do a luwuno iwali-Do.
15Menteeano, Ondae i Ue Ira hawe saru api,
ka luwuno kareta-Do kana lompiu,
motiio tekuda-Do anu tensila
ka pewurarai-Do saru api anu kolanga-langa.
16Hangano, Ondae i Ue Ira humukuakono
api ka ponai-Do luwuno anu tuwu,
ka hadioomo mia anu mate pinepate-Do i Ue.
17Ondae anu mpopokomempori ka mpokomorinao koroido mpesomba a lere bungano pinesombai,
saru mentondao asa mia anu kongko i tonga-tongano,
anu mongkaa bauno boe
ka luwuno kondehora mokoburu saru tehu,
luwudo ira metampula pohona koa, kanatuumo pau-Do i Ue.
18Kuto'orio luwuno wineweu ka tinoodo, ka Aku hawe pumpu ira mia inso a luwuno tongku ka pau. Ondae ira me'aiwa ka mengkitao maramba-Ku. 19Aku monaa petondoni i tonga-tongado. Aku montena inso i olodo mia anu mentola a luwuno tongku, lumako i Tarasisi, i Puli ka i Ludi, anu teto'oriako pandedo mpepana, melako i Tubali ka Yawani, melako a luwuno togo anu olai anu napi hori domporonge lele mongkona Ongkue ka napi hori domengkitao maramba-Ku. Ira mempaleleo maramba-Ku i olodo luwuno tongku. 20Ira mewawao luwu pepaekompomiu inso i olodo luwuno tongku gagi pesomba tia-Do i Ue a wawo ngara ka kareta ka a wawo ponsela, a wawo bagali ka unta waino anu magasi, a wawo ntorukuno-Ku anu mempori, lumako i Yerusale, pau-Do i Ue, mengkena kana to Isaraeli mpowawa pesomba a mponaapa anu mempori a laro raha-Do i Ue. 21Inso mbo'u i olodo Aku umala ira sando mpesomba ka to Lewi, pau-Do i Ue.
22 #
Yes. 65:17; 2Pet. 3:13; Meng. 21:1 Hangano, mengkena kana langi ka tolino anu wo'ohu
anu Aku mokogagio atuu,
mo'ia mpiha i aro-Ku, kanandiomo pau-Do i Ue,
kanatuumo inulemiu ka neemiu ta mo'ia mpiha.
23Wula me'eu wula,
ka Saba me'eu Saba,
ka luwuno mia ira mehawe mpenggolontu mpesomba
i aro-Ku, pau-Do i Ue.
24 #
Mrk. 9:48
Ira mpeluarako ka mengkikitao
wata ngkoroido mia anu mpe'ewa iramo ndi Ongkue.
Mentee ntu'u, ule-uleno nahi ta mate,
ka apino nahi ta mate;
luwuno ta gagi mongkokongiriado
luwuno anu tuwu.
LAI 2021