Yesaya 65
65
Hukuno mia tehala ka tekaduduino mia moleo
65:1-16
1 #
Rom. 10:20-21
Kupemoikoo moweeakono pontiso a mia anu nahi pesikeno ndi Ongkue;
Kupemoikoo ihawe Aku mia anu nahi ungke Aku.
Mepau Aku, ”Ndio Aku, ndio Aku!”
a tongku anu nahi poboio nee-Ku.
2I larono asa oleo Kutandeomo kae-Ku
a bawaa anu umewa,
anu montonda sala nahi moiko
ka montonda tinoono onaeno;
3bawaa anu mokomahakio aroa-Ku
nahi penaa-naa i aro-Ku,
ondae mpopesombaako pesomba a lere bungano pinesombai
ka mpontunu pesomba a wawo watu tela;
4anu mpentoro a ngkaburu
ka mperato a laro ngkunepo;
anu mpongkaa bau boe
ka uwoino bau mokoburu kongko a laro ngkawalido;
5anu motae, ”I ra'aimo mpiha,
si umpedaakune, hangano ongkue andio tedoa mempori ndi Omiu!”
Luwuno andio kana ahu anu mewinso a laro enge-Ku,
kana api anu melanga asa oleo.
6Menteeano, teburiomo i aro-Ku:
Nahi Aku mo'ia rodo, sine Aku mompokohina pombaloa,
oo, pombaloa a ngkoroido,
7a luwuno salado ondaedo, maupo salado uempu'udo,
pau-Do i Ue.
Hangano, ondae mpotunu iramo dupa a wawo luwuno torukuno
ka mentata Aku a wawo pongku.
Aku suma'uo a laro lemba meloedo
tambono luwuno wineweudo anu i ndi'ipua!
8Kanandiomo pau-Do i Ue,
”Kana dompotae mia mongkona tonggino wua anggoro anu da hinawe uwoino:
Siimo ipepateo luwu atuu,
hangano i larono da hinao ronso,
kanatuumo Aku weweuo hangano luwuno tetenaa-Ku;
nahi Aku mokotampulao luwu.
9Aku wanguo inule inso ndi Yako,
ka mia anu me'ue ira torukuno-Ku inso i Yehuda;
luwuno mia bininiki-Ku ira mpe'ueo,
ka luwuno tetenaa-Ku ira mpo'ia i tu'ai.
10 #
Yos. 7:24-26
Saroni ta gagi tongampadado bawaano bembe bimba,
ka Lembono Akoro gagi pepomboleado sapi,
tiado bawaa-Ku anu umungke Aku.
11Sine, ndi omiu anu binta Iramo i Ue,
anu kumolupeo torukuno-Ku anu mempori,
anu mopatinda kaangano pinesombai Me'uraa,
ka mompatinda anggoro mesalo rampa tiano pinesombai Meni,
12Aku pakosi komiu memateako ponai,
ka luwumiu komiu mpenggolontu ka impepateo!
Hangano, tempono Kupepoboi, nahi mesangki,
tempono Kupepau, nahi merongeo;
omiu mpoweweu hapa anu mosa'o a pongkita-Ku
ka laluaopo mebinikio hapa anu nahi Kupe'eheo.”
13Onaemo pu'uno, kanandiomo pau-Do Ue Ala,
”Menteeano, luwuno tetenaa-Ku ira mpongkaa,
sine omiu komiu memarasai mokoninggo.
Menteeano, luwuno tetenaa-Ku ira mpo'inu
sine omiu komiu memarasai mokoranga.
Menteeano, luwuno tetenaa-Ku ira memawongko,
sine omiu komiu mpohawe mokoko'ii.
14Menteeano, luwuno tetenaa-Ku ira mengkokora-kora mpo'ude hangano mawongko aroado,
sine komiu mperaali hangano masusa aroa,
ka komiu mpengese hangano nahina pompe'osaia.
15Omiu asalakono mebintao neemiu a mia mebininiki-Ku
ka dompototonaa:
Po'ineeomo Ondae Ue Ala mokopingko komiu kana ondae!
Sine tetenaa-Ku ira menineeako nee susua,
16mia anu ta mohawe ronso i wita andio,
ta mo'ema ronso me'empehiako Ondae Ue Ala anu mentee,
ka mia anu ta mesumpa i wita andio,
ta mesumpa me'empehiako Ondae Ue Ala anu mentee,
hangano luwuno ma'isoa anu i ndi'ipua kinolupeomo,
ka tewuniomo inso a pongkita-Ku.”
Langi ka tolino anu wo'ohu
65:17-25
17 #
Yes. 66:22; 2Pet. 3:13; Meng. 21:1 ”Hangano menteeano, Ongkue mokogagio langi anu wo'ohu
ka tolino anu wo'ohu;
mongkona luwuno anu i ndi'ipua nahi ta pinewowolo mbo'u,
ka nahi ta me'umbaako mbo'u a laro aroa.
18Sine, memawongko ka mengkora-koramo ranta nahina tampulaano
a hapa anu pinokogagi-Ku,
hangano menteeano, Kupokogagio Yerusale bukeako kokora-kora mawongko
ka palilino bukeako mawongkoa.
19 #
Meng. 21:4
Aku kokora-kora hangano Yerusale,
ka mawongko hangano bawaa-Ku.
I larono nahi ta teronge mbo'u pengesea
ke maupo peraali.
20I tu'ai nahi ta hina mbo'u nana'ote anu tuwu butu ba'opia oleo
ke mia mota'u anu nahi haweako tende ntinuwu,
hangano isema anu mate a ntinuwu asa etu nta'u da ta pinotaeako mongura,
ka isema anu nahi haweako asa etu nta'u ta pinotaeako kona ntotonaa.
21Ondae ira mpowangu raha ka mpo'iangario mbo'u;
ondae ira mpopahoio lere anggoro ka mengkaano mbo'u wuano;
22Ondae nahi ira mpowangu hapa-hapa ka dompo'iangario mia susua,
ka ondae nahi ira mpompaho hapa-hapa, ka domengkaano mia susua wuano;
hangano tinuwudo bawaa-Ku ta mengkena melaino tinuwuno keu,
ka mia bininiki-Ku ira mperapio inanggano kaedo.
23Ondae nahi ira mpe'isei mpena
ke mpe'anaakono nana'ote anu ta mepobingko mate,
hangano ondae atuu inuledo mia anu rinonso-Do i Ue,
ka inuledo kongko saru ondae.
24Napi dompebooli, sumangki Akumo;
tempono ondae da mpepau, Kurongeomo.
25 #
Yes. 11:6-9
Serigala ka ana bimba ira mongkaa ewo meronga-ronga,
singa ta mongkaa seami kana sapi
ka ule ta tuwu inso a pampawu.
Nahina anu moweweu mosa'o ke mogau mokoburu
a luwuno torukuno-Ku,” pau-Do i Ue.
Currently Selected:
Yesaya 65: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 65
65
Hukuno mia tehala ka tekaduduino mia moleo
65:1-16
1 #
Rom. 10:20-21
Kupemoikoo moweeakono pontiso a mia anu nahi pesikeno ndi Ongkue;
Kupemoikoo ihawe Aku mia anu nahi ungke Aku.
Mepau Aku, ”Ndio Aku, ndio Aku!”
a tongku anu nahi poboio nee-Ku.
2I larono asa oleo Kutandeomo kae-Ku
a bawaa anu umewa,
anu montonda sala nahi moiko
ka montonda tinoono onaeno;
3bawaa anu mokomahakio aroa-Ku
nahi penaa-naa i aro-Ku,
ondae mpopesombaako pesomba a lere bungano pinesombai
ka mpontunu pesomba a wawo watu tela;
4anu mpentoro a ngkaburu
ka mperato a laro ngkunepo;
anu mpongkaa bau boe
ka uwoino bau mokoburu kongko a laro ngkawalido;
5anu motae, ”I ra'aimo mpiha,
si umpedaakune, hangano ongkue andio tedoa mempori ndi Omiu!”
Luwuno andio kana ahu anu mewinso a laro enge-Ku,
kana api anu melanga asa oleo.
6Menteeano, teburiomo i aro-Ku:
Nahi Aku mo'ia rodo, sine Aku mompokohina pombaloa,
oo, pombaloa a ngkoroido,
7a luwuno salado ondaedo, maupo salado uempu'udo,
pau-Do i Ue.
Hangano, ondae mpotunu iramo dupa a wawo luwuno torukuno
ka mentata Aku a wawo pongku.
Aku suma'uo a laro lemba meloedo
tambono luwuno wineweudo anu i ndi'ipua!
8Kanandiomo pau-Do i Ue,
”Kana dompotae mia mongkona tonggino wua anggoro anu da hinawe uwoino:
Siimo ipepateo luwu atuu,
hangano i larono da hinao ronso,
kanatuumo Aku weweuo hangano luwuno tetenaa-Ku;
nahi Aku mokotampulao luwu.
9Aku wanguo inule inso ndi Yako,
ka mia anu me'ue ira torukuno-Ku inso i Yehuda;
luwuno mia bininiki-Ku ira mpe'ueo,
ka luwuno tetenaa-Ku ira mpo'ia i tu'ai.
10 #
Yos. 7:24-26
Saroni ta gagi tongampadado bawaano bembe bimba,
ka Lembono Akoro gagi pepomboleado sapi,
tiado bawaa-Ku anu umungke Aku.
11Sine, ndi omiu anu binta Iramo i Ue,
anu kumolupeo torukuno-Ku anu mempori,
anu mopatinda kaangano pinesombai Me'uraa,
ka mompatinda anggoro mesalo rampa tiano pinesombai Meni,
12Aku pakosi komiu memateako ponai,
ka luwumiu komiu mpenggolontu ka impepateo!
Hangano, tempono Kupepoboi, nahi mesangki,
tempono Kupepau, nahi merongeo;
omiu mpoweweu hapa anu mosa'o a pongkita-Ku
ka laluaopo mebinikio hapa anu nahi Kupe'eheo.”
13Onaemo pu'uno, kanandiomo pau-Do Ue Ala,
”Menteeano, luwuno tetenaa-Ku ira mpongkaa,
sine omiu komiu memarasai mokoninggo.
Menteeano, luwuno tetenaa-Ku ira mpo'inu
sine omiu komiu memarasai mokoranga.
Menteeano, luwuno tetenaa-Ku ira memawongko,
sine omiu komiu mpohawe mokoko'ii.
14Menteeano, luwuno tetenaa-Ku ira mengkokora-kora mpo'ude hangano mawongko aroado,
sine komiu mperaali hangano masusa aroa,
ka komiu mpengese hangano nahina pompe'osaia.
15Omiu asalakono mebintao neemiu a mia mebininiki-Ku
ka dompototonaa:
Po'ineeomo Ondae Ue Ala mokopingko komiu kana ondae!
Sine tetenaa-Ku ira menineeako nee susua,
16mia anu ta mohawe ronso i wita andio,
ta mo'ema ronso me'empehiako Ondae Ue Ala anu mentee,
ka mia anu ta mesumpa i wita andio,
ta mesumpa me'empehiako Ondae Ue Ala anu mentee,
hangano luwuno ma'isoa anu i ndi'ipua kinolupeomo,
ka tewuniomo inso a pongkita-Ku.”
Langi ka tolino anu wo'ohu
65:17-25
17 #
Yes. 66:22; 2Pet. 3:13; Meng. 21:1 ”Hangano menteeano, Ongkue mokogagio langi anu wo'ohu
ka tolino anu wo'ohu;
mongkona luwuno anu i ndi'ipua nahi ta pinewowolo mbo'u,
ka nahi ta me'umbaako mbo'u a laro aroa.
18Sine, memawongko ka mengkora-koramo ranta nahina tampulaano
a hapa anu pinokogagi-Ku,
hangano menteeano, Kupokogagio Yerusale bukeako kokora-kora mawongko
ka palilino bukeako mawongkoa.
19 #
Meng. 21:4
Aku kokora-kora hangano Yerusale,
ka mawongko hangano bawaa-Ku.
I larono nahi ta teronge mbo'u pengesea
ke maupo peraali.
20I tu'ai nahi ta hina mbo'u nana'ote anu tuwu butu ba'opia oleo
ke mia mota'u anu nahi haweako tende ntinuwu,
hangano isema anu mate a ntinuwu asa etu nta'u da ta pinotaeako mongura,
ka isema anu nahi haweako asa etu nta'u ta pinotaeako kona ntotonaa.
21Ondae ira mpowangu raha ka mpo'iangario mbo'u;
ondae ira mpopahoio lere anggoro ka mengkaano mbo'u wuano;
22Ondae nahi ira mpowangu hapa-hapa ka dompo'iangario mia susua,
ka ondae nahi ira mpompaho hapa-hapa, ka domengkaano mia susua wuano;
hangano tinuwudo bawaa-Ku ta mengkena melaino tinuwuno keu,
ka mia bininiki-Ku ira mperapio inanggano kaedo.
23Ondae nahi ira mpe'isei mpena
ke mpe'anaakono nana'ote anu ta mepobingko mate,
hangano ondae atuu inuledo mia anu rinonso-Do i Ue,
ka inuledo kongko saru ondae.
24Napi dompebooli, sumangki Akumo;
tempono ondae da mpepau, Kurongeomo.
25 #
Yes. 11:6-9
Serigala ka ana bimba ira mongkaa ewo meronga-ronga,
singa ta mongkaa seami kana sapi
ka ule ta tuwu inso a pampawu.
Nahina anu moweweu mosa'o ke mogau mokoburu
a luwuno torukuno-Ku,” pau-Do i Ue.
LAI 2021