Yesaya 63
63
Pohuku pombaloa a nto Edomi
63:1-6
1 #
Yes. 34:5-17; Yer. 49:7-22; Yeh. 25:12-14; 35:1-15; Amo. 1:11-12; Oba. 1-14; Mal. 1:2-5 ”Isema onae anu hawe inso i Edomi,
anu hawe inso i Bosora melembaako anu motaha,
onae anu mewantaako sangkano,
anu melempaako rosono anu langkai?”
”Ongkuemo anu mepau a moleoa
ka anu pabawa mongkadudui!”
2”Tembioke sangka-Miu ka imotaha kanatuu,
ka lemba-Miu kana lembano puu ponsesa wua anggoro?”
3 #
Meng. 14:20; 19:13, 15 ”Ongkuemo asa-asaku anu monsesa,
ka inso i olodo bawaa-Ku nahina anu mokowali Aku!
Kusesa iramo tongku a laro ntekuda-Ku,
ka Kulolanda iramo a mokulano tekuda-Ku.
Pewurosino reado tepidiki a lemba-Ku
ka luwuno sangka-Ku tesosa'aiomo.
4Hangano oleo pombaloa Kupakosiomo
ka ta'u pontolosia haweomo.
5 #
Yes. 59:16
Mengkita Aku ngkoraane: nahina anu montulungi;
Tekokodoho Aku nahina mompokowali.
Ka i'amba kae-Ku moweea-Kune pontulungi,
ka mokulano tekuda-Ku, onaemo anu mokowali Aku.
6Ongkue lumalanda ira tongku a laro ntekuda-Ku,
kumale-kale ira a laro mokulano tekuda-Ku
ka weweuo pewurosino reado waa a wita.”
Pekakai mangakua ka po'emado to Isaraeli
63:7–64:12
7Aku tumutuluo pompehohawa-Do i Ue anu nahi bali,
luwuno wineweu-Do i Ue anu telele,
anu wineweu-Do i Ue ndi ontae
ka moikoa anu langkai a nsukudo to Isaraeli,
anu wineweu-Do ndi ondae menunu saru pompehohawa-Do
ka pompehohawa-Do nahi bali anu langkai.
8Ondae mepau, ”Mentee ntu'u, ondaemo bawaa-Ku,
nana'ote anu nahi ta moweweu molengku.” Ondaemo Puu Pongkaduduido
9a laro luwuno ma'isoado.
Komba asa mia sarungkoroi ke tinena,
tendeano Ondaemo anu kumadudui ira.
Ondaemo anu tumolosi ira
a laro pompehohawa-Do ka pe'aroa-Do.
Dotande ira ka baba ira
i larono tempo se'eluno.
10Sine, ondae me'ewa
ka mokomasusao Penaa-Do anu mempori;
onaemo ka Dopewolili gagi iwali,
ka Ondae-Do isa'a metea umewai ira.
11Ka i'amba nterorambe iramo bawaa-Do
a tempo se'eluno, tempono i Musa:
Isua Irake anu wawa ira mpewuatako inso a ntahi
meronga saru luwuno puu mpopakambi bawaano bembe bimba-Do?
Isua Irake anu numaao
Penaa-Do anu mempori a laro ngkoroido;
12 #
Pel. 14:21
anu kumongkomio i Musa i koana
saru kae-Do anu maramba;
anu monsiao uwoi i arodo
weweuo nee-Do teto'ori mpiha;
13anu tumaate ira molalo tahi malua?
Kana ngara molalo pada one
nahi dohori ntetidu;
14kana pinotuwu anu metii a laro bangano
Penaa-Do i Ue wawa ira a mpo'ianga penaa-naaa.
Kanatuumo Iwawa ira bawaa-Miu
weweuo nee-Miu maramba.
15Ipensiroiomo inso i suruga ka Ikitaomo
inso a mpo'ianga-Miu anu mempori ka maramba!
Isuake mahakino aroa-Miu ka moroso-Miu,
pebundeno aroa-Miu ka pompehohawa-Miu?
Kime'emao siimo Ipo'iaakono!
16Kombake Omiu Amamami?
Mentee ntu'u, i Burahima nahi to'ori kami,
ka Isaraeli nahi dome'akui kami.
Oo Ue, Omiu isa'a Amamami;
nee-Miu Puu pontolosimami mompu'u i ndi'ipua se'eluno.
17Oo Ue, tembio ka Ipo'inee kami ntesaa inso a nsala-Miu,
ka tembio ka Ipokomoteao aroamami, ranta nahi kimedoito ndi Omiu?
Ipepokulemo hangano luwuno tetenaa-Miu,
hangano luwuno sukudo mia-Miu!
18Tembio ka ibutu sarai bawaa-Miu anu mempori mpe'ueo po'ianga mempori-Miu,
ka tendeano domelolandao anu umewai kami?
19Kana ntu'u mompu'u i ndi'ipua se'eluno
nahi kimehori mpo'ia i totono poparenta-Miu,
kana ntu'u omami nahi hori pinau saru nee-Miu.
Currently Selected:
Yesaya 63: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 63
63
Pohuku pombaloa a nto Edomi
63:1-6
1 #
Yes. 34:5-17; Yer. 49:7-22; Yeh. 25:12-14; 35:1-15; Amo. 1:11-12; Oba. 1-14; Mal. 1:2-5 ”Isema onae anu hawe inso i Edomi,
anu hawe inso i Bosora melembaako anu motaha,
onae anu mewantaako sangkano,
anu melempaako rosono anu langkai?”
”Ongkuemo anu mepau a moleoa
ka anu pabawa mongkadudui!”
2”Tembioke sangka-Miu ka imotaha kanatuu,
ka lemba-Miu kana lembano puu ponsesa wua anggoro?”
3 #
Meng. 14:20; 19:13, 15 ”Ongkuemo asa-asaku anu monsesa,
ka inso i olodo bawaa-Ku nahina anu mokowali Aku!
Kusesa iramo tongku a laro ntekuda-Ku,
ka Kulolanda iramo a mokulano tekuda-Ku.
Pewurosino reado tepidiki a lemba-Ku
ka luwuno sangka-Ku tesosa'aiomo.
4Hangano oleo pombaloa Kupakosiomo
ka ta'u pontolosia haweomo.
5 #
Yes. 59:16
Mengkita Aku ngkoraane: nahina anu montulungi;
Tekokodoho Aku nahina mompokowali.
Ka i'amba kae-Ku moweea-Kune pontulungi,
ka mokulano tekuda-Ku, onaemo anu mokowali Aku.
6Ongkue lumalanda ira tongku a laro ntekuda-Ku,
kumale-kale ira a laro mokulano tekuda-Ku
ka weweuo pewurosino reado waa a wita.”
Pekakai mangakua ka po'emado to Isaraeli
63:7–64:12
7Aku tumutuluo pompehohawa-Do i Ue anu nahi bali,
luwuno wineweu-Do i Ue anu telele,
anu wineweu-Do i Ue ndi ontae
ka moikoa anu langkai a nsukudo to Isaraeli,
anu wineweu-Do ndi ondae menunu saru pompehohawa-Do
ka pompehohawa-Do nahi bali anu langkai.
8Ondae mepau, ”Mentee ntu'u, ondaemo bawaa-Ku,
nana'ote anu nahi ta moweweu molengku.” Ondaemo Puu Pongkaduduido
9a laro luwuno ma'isoado.
Komba asa mia sarungkoroi ke tinena,
tendeano Ondaemo anu kumadudui ira.
Ondaemo anu tumolosi ira
a laro pompehohawa-Do ka pe'aroa-Do.
Dotande ira ka baba ira
i larono tempo se'eluno.
10Sine, ondae me'ewa
ka mokomasusao Penaa-Do anu mempori;
onaemo ka Dopewolili gagi iwali,
ka Ondae-Do isa'a metea umewai ira.
11Ka i'amba nterorambe iramo bawaa-Do
a tempo se'eluno, tempono i Musa:
Isua Irake anu wawa ira mpewuatako inso a ntahi
meronga saru luwuno puu mpopakambi bawaano bembe bimba-Do?
Isua Irake anu numaao
Penaa-Do anu mempori a laro ngkoroido;
12 #
Pel. 14:21
anu kumongkomio i Musa i koana
saru kae-Do anu maramba;
anu monsiao uwoi i arodo
weweuo nee-Do teto'ori mpiha;
13anu tumaate ira molalo tahi malua?
Kana ngara molalo pada one
nahi dohori ntetidu;
14kana pinotuwu anu metii a laro bangano
Penaa-Do i Ue wawa ira a mpo'ianga penaa-naaa.
Kanatuumo Iwawa ira bawaa-Miu
weweuo nee-Miu maramba.
15Ipensiroiomo inso i suruga ka Ikitaomo
inso a mpo'ianga-Miu anu mempori ka maramba!
Isuake mahakino aroa-Miu ka moroso-Miu,
pebundeno aroa-Miu ka pompehohawa-Miu?
Kime'emao siimo Ipo'iaakono!
16Kombake Omiu Amamami?
Mentee ntu'u, i Burahima nahi to'ori kami,
ka Isaraeli nahi dome'akui kami.
Oo Ue, Omiu isa'a Amamami;
nee-Miu Puu pontolosimami mompu'u i ndi'ipua se'eluno.
17Oo Ue, tembio ka Ipo'inee kami ntesaa inso a nsala-Miu,
ka tembio ka Ipokomoteao aroamami, ranta nahi kimedoito ndi Omiu?
Ipepokulemo hangano luwuno tetenaa-Miu,
hangano luwuno sukudo mia-Miu!
18Tembio ka ibutu sarai bawaa-Miu anu mempori mpe'ueo po'ianga mempori-Miu,
ka tendeano domelolandao anu umewai kami?
19Kana ntu'u mompu'u i ndi'ipua se'eluno
nahi kimehori mpo'ia i totono poparenta-Miu,
kana ntu'u omami nahi hori pinau saru nee-Miu.
LAI 2021