Yesaya 62
62
Tekaduduino Sioni taronga hawe
62:1-12
1Hangano Sioni nahi aku menoro-noro,
ka hangano Yerusale nahi aku momperodo,
hawe menteeano mepansari kana wanta
ka tekaduduiano melanga kana hulu.
2Luwuno tongku ira mengkitao menteemu,
ka luwuno mokole ira mengkitao marambamu.
Mia ira meneeakomu nee wo'ohu
anu Ira tumantuio i Ue.
3Omue kogagi ramba-ramba ulu popelangkai a ngkae-Do i Ue
ka peboo ulu poparentaa a ngkae-Do Ue Alamu.
4Omue nahi kopinau mbo'u ”beine anu bininta”,
ka witamu nahi ta pinau mbo'u ”beine nahi pinerio”,
sine omue konineeako ”beine inehe-Ku”
ka witamu ”beine hinao tamano”,
hangano Ondae i Ue inehe-Do ndi omue,
ka witamu ta hinao tamano.
5Hangano, kana asa mangalitau gagi kombiano asa ana beine,
kanandiomo Ondae anu wanguko Ira gagi tamamu,
ka kana mawongkono aroano asa umbungkoroi kumitao umbungkoroi beineno,
kanandiomo Ondae Ue Ala Ira mawongkoakomu.
6A wawo rere watumu, hei Yerusale,
Kunaa iramo puu mpopadaso.
I larono asa oleo ka asa wongi,
ondae nahi ira hori mperodo-rodo.
Hei omiu anu mpebooli mopoto'oriako Ira i Ue,
siimo impenoro-noro
7ka si po'inee Ira mo'ia menoro-noro,
ranta ka Doteahakono Yerusale
ka ranta Doweweuo
gagi telele i tolino.
8Ondae i Ue mesumpa Iramo a ngkae ngkoana-Do,
a ntokia-Do anu moroso,
”Menteeano, nami Aku mbo'u meweengakono gandumu
gagi kaangado iwalimu.
Menteeano, mia mehawe nahi ira mpo'inu uwoi anggoromu
anu hinawemu a mpe'iseimu.
9Sine, mia anu sumowio ta kumaano koa mbo'u
ka umunde-unde Ira i Ue,
ka mia anu umopuo ta uminuo koa mbo'u
a luwuno kintala po'ianga mempori-Ku.”
10Pelempamo, pelempamo telalo a luwuno pewowa langkai,
patindaomo salado bawaa,
ungkahiomo, ungkahiomo sala langkai,
liahako iramo watu,
pontade iramo banderado luwuno tongku!
11 #
Yes. 40:10; Meng. 22:12 Hangano, onaemo andio anu Dopoporongeomo i Ue
hawe a tompano tolino!
Pauomo a ana beine Sioni:
Menteeano, tekaduduiamu hawe;
menteeano, ondae anu gagi tambono pe'i'isei-Do kongko saru Ondae
ka ondae anu pinongko'ala-Do mpelempa i aro-Do.
12Mia ta pau ira ”tongku mempori”,
”luwuno mia anu tinolosi-Do i Ue”,
ka omue kopinau ”anu pinerorohi”,
”kota anu nahi bininta”.
Currently Selected:
Yesaya 62: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 62
62
Tekaduduino Sioni taronga hawe
62:1-12
1Hangano Sioni nahi aku menoro-noro,
ka hangano Yerusale nahi aku momperodo,
hawe menteeano mepansari kana wanta
ka tekaduduiano melanga kana hulu.
2Luwuno tongku ira mengkitao menteemu,
ka luwuno mokole ira mengkitao marambamu.
Mia ira meneeakomu nee wo'ohu
anu Ira tumantuio i Ue.
3Omue kogagi ramba-ramba ulu popelangkai a ngkae-Do i Ue
ka peboo ulu poparentaa a ngkae-Do Ue Alamu.
4Omue nahi kopinau mbo'u ”beine anu bininta”,
ka witamu nahi ta pinau mbo'u ”beine nahi pinerio”,
sine omue konineeako ”beine inehe-Ku”
ka witamu ”beine hinao tamano”,
hangano Ondae i Ue inehe-Do ndi omue,
ka witamu ta hinao tamano.
5Hangano, kana asa mangalitau gagi kombiano asa ana beine,
kanandiomo Ondae anu wanguko Ira gagi tamamu,
ka kana mawongkono aroano asa umbungkoroi kumitao umbungkoroi beineno,
kanandiomo Ondae Ue Ala Ira mawongkoakomu.
6A wawo rere watumu, hei Yerusale,
Kunaa iramo puu mpopadaso.
I larono asa oleo ka asa wongi,
ondae nahi ira hori mperodo-rodo.
Hei omiu anu mpebooli mopoto'oriako Ira i Ue,
siimo impenoro-noro
7ka si po'inee Ira mo'ia menoro-noro,
ranta ka Doteahakono Yerusale
ka ranta Doweweuo
gagi telele i tolino.
8Ondae i Ue mesumpa Iramo a ngkae ngkoana-Do,
a ntokia-Do anu moroso,
”Menteeano, nami Aku mbo'u meweengakono gandumu
gagi kaangado iwalimu.
Menteeano, mia mehawe nahi ira mpo'inu uwoi anggoromu
anu hinawemu a mpe'iseimu.
9Sine, mia anu sumowio ta kumaano koa mbo'u
ka umunde-unde Ira i Ue,
ka mia anu umopuo ta uminuo koa mbo'u
a luwuno kintala po'ianga mempori-Ku.”
10Pelempamo, pelempamo telalo a luwuno pewowa langkai,
patindaomo salado bawaa,
ungkahiomo, ungkahiomo sala langkai,
liahako iramo watu,
pontade iramo banderado luwuno tongku!
11 #
Yes. 40:10; Meng. 22:12 Hangano, onaemo andio anu Dopoporongeomo i Ue
hawe a tompano tolino!
Pauomo a ana beine Sioni:
Menteeano, tekaduduiamu hawe;
menteeano, ondae anu gagi tambono pe'i'isei-Do kongko saru Ondae
ka ondae anu pinongko'ala-Do mpelempa i aro-Do.
12Mia ta pau ira ”tongku mempori”,
”luwuno mia anu tinolosi-Do i Ue”,
ka omue kopinau ”anu pinerorohi”,
”kota anu nahi bininta”.
LAI 2021