Yesaya 57
57
1Mia mentee mate,
nahina maupo te'asa mia anu mekakaakono;
luwuno mia moleo tebite penaano,
nahina maupo te'asa mia anu merioo;
mentee ntu'u, hangano lumeleno wineweu mosa'o, tebiteomo penaano mia mentee
2Sine onae ta mewinso a laro sintuwua;
mia anu tuwu moleo aroa
mohawe mateano a wawo mpoturiano.
3Sine omiu, imperangkuhakomo ramai,
hei anado beine puu ponsihiri,
hei inuleno mia anu monsosabo ka beine belesu!
4Isemake anu pinengingisiimiu,
te'aro ndi semake impenganga malua ka mpo'elo-elo?
Kombake omiu andio anado mia anu me'ewa,
inuleno puu mpegaupi,
5Omiu mentondao lahi po'eheno aroamiu umpeda a luwuno ngkeu me'onitu,
i totono sompo keu anu marombo,
omiu sumumbele ira nana'ote a luwuno lembono,
i olo-olono pongku watu.
Pompesombaia lahumoa kana ponsosabo
57:6-13
6Tiamu kongko ia watu-watu molori a ngkorono,
ka butu koa ondae anu pinakosi tiamu;
ndi ondae koa mbo'u utawao pesomba tinawa,
ka mompesombaako pesomba kaanga.
Nde asalakonoke Aku sabara mongkona atuu?
7Omue monaa poturiamu
a wawo ntorukuno anu malanga
ka a wawo ntorukuno mbo'u atuu komewuatako
mompesombaako pesomba sinumbele.
8Omue monaa tondonino lahumoamu
i arono pewowa rahamu,
oo, ubinta Akumo ka lumoholambeo koroimu.
Mewuatakoko a mpoturiamu ka upokomolueo;
mowutuko pedandia saru ondae,
u'i'ineheakono poturiado
ka omue kumikitao watu tinaha.
9Omue aiwa me'aro ndi Molo saru mowawa lana
ka mompokohadio mina-minamu.
Utena ira saru ngkarumu melako a mpo'ianga olai,
ranta metii hawe ia mpo'iangado mia mate.
10Hangano olaino pelempaamu gagikomo telusa,
sine nahi upotae, ”Siimo, nahina tuduno!”
Omue mbo'u mohaweko roso wo'ohu,
onaemo pu'uno, ka nahi upompemolema.
11Ndi sema upondende ka doito,
ranta ka upegaupi
ka nahi urambe Aku
ke numaa Aku a laro aroamu?
Kombake hangano tehineomo nahi Kupepau,
onaemo ka nahi udoito ndi Ongkue!
12Aku koa mokopauo tinuwumu anu moleo
ka luwuno wineweumu,
sine luwuno atuu nahi ta mentudu ndi omue;
13tewala mebooliko,
po'ineeomo dompotolako lahumoamu anu hadio!
Luwudo ta puurio angi,
ta paneeo pepuurino penaa.
Sine, mia anu mepekadudui ndi Ongkue ta mompe'ue wita
ka ta me'ueo torukuno-Ku anu mempori.
Pau pontarero
57:14-21
14Hinao anu mepau,
”Ungkahiomo, ungkahiomo, patindaomo sala.
Tandeomo watu tetidua inso a nsalado bawaa-Ku!”
15Hangano, kanandiomo pau-Do Anu Tedoa Mantande ka Maramba,
anu mo'ia ranta nahina tampulaano ka mempori nee-Do,
”Ongkue mo'ia a mpo'ianga mantande ka mempori
sine saru mbo'u mia anu terago-rago aroano ka me'urumako,
mokorosoo rosono mia anu me'urumako
ka motuwuo aroado mia anu terago-rago.
16Mentee ntu'u, komba ranta nahina tampulaano Aku teposangki,
ka komba Aku tekuda mpiha,
ka si molema rosodo i aro-Ku;
Ongkuemo anu weweuo penaa tuwua
17Ongkue tekuda hangano hala modokono,
Kusepio, wunio rupa-Ku ka tekuda,
sine ipebungkui Aku ka itondao sala anu bininikino aroano.
18Kukitaomo luwuno salano atuu,
sine Aku mokotompao ka Aku tumaateo
ka momuleakono pontarero.
19 #
Eps. 2:17
A wiwido mbo'u miano anu mpo'inombo
Aku mokogagio po'unde-unde.
’Rodoa, rodoa manangai tiado anu me'olai ka tiado anu me'umpeda,’
pau-Do i Ue ’Aku mokotompao!’
20Sine, mia mosa'o gaudo kana tahi anu mebomba,
hangano nahi pokorodo mpiha,
ka uwoino mompepasiako rompo ka rege.
21 #
Yes. 48:22
Nahina manangai tiado mia mosa'o gaudo atuu,”
pau-Do Ue Alaku.
Currently Selected:
Yesaya 57: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
