Yesaya 53
53
1 #
Yoh. 12:38; Rom. 10:16 Isemake anu me'ala-alao lele anu rinongemami,
ka ndi semake ipinokomengkaa pabawano kae-Do i Ue?
2Kana tumba onae tuwu i aro-Do i Ue
ka kana haka inso a wita motu'i.
Onae nahi montama ke tengkita maramba ba ikinita,
ka nahina a rupano anu weweu kita ineheakono.
3Onae tinata ka dome'olaiakono mia,
asa mia anu bukeako tebobarasaia ka leleo marasai mompemahaki.
Mia mbo'u domentutuwio rupado ba domengkitao;
kanatuumo itinata ka ndi ontae nahi tewinso a mporeke.
4 #
Mat. 8:17
Menteeano, hakitomo anu tinembino,
ka tebobarasaiato anu tinembino,
kahinaano potaeto onae ikonao pohuku,
tinunduhi ka Dopokomahakio Ue Ala.
5 #
1Pet. 2:24-25
Sine onae tinobo hangano pe'ewato,
onae pinirego hangano poweweuto anu mosa'o.
Ponsepi anu mowawa tekaduduiato pinotii ndi onae,
ka hangano lia-liambano ontae pinokotompa.
6Ontae luwu ntesaa kana bimba,
ontae singge mpo'ala salato ontaeto,
sine Dopotiiomo i Ue ndi onae
mosa'ono wineweuto luwu.
7 #
Meng. 5:6
#
Tin. 8:32-33
Onae binobarasai, sine ipo'ineeo koroino pinokomahaki
ka nahi pepau
kana ana bimba anu winawa a mposumbelea;
kana ineno bimba anu beebe i arodo mia anu megontio wuluno,
nahi pebeeli.
8Umarino rinako ka hinuku onae winawa lumako,
isema anu merioo hapa anu gagi ndi onae?
Mentee ntu'u, onae te'otuhi inso a witado mia mentuwu,
ka hangano pe'ewado bawaa-Ku onae kona pohuku.
9 #
1Pet. 2:22
Mia menaao kaburuno i olodo mia mosa'o gauno,
ka kaburuno kongko i olono mia kaea,
maupo nahi pobobarasai
ka pompopo'oo nahina a laro ngangano.
10Sine po'ehe-Do i Ue piregoo, mokomahakio.
Tewala sumangano pineweengako gagi pesomba pontolosi sala,
onae ta kumitao inuleno, tinuwuno ta melai,
ka po'ehe-Do i Ue ta mokoweweuo.
11Umarino masusano sumangano
ta kumitao mewine ka gagi teende aroano;
hangano ponto'orino, tetenaa-Ku, mia mentee atuu,
ta mompokomentee hadio mia
ka mosa'odo itembio.
12 #
Luk. 22:37
Onaemo pu'uno, Aku tumiaakono rinontu i olodo mia anu langkai potorodo;
ka onae ta tumiao rinontu meronga mia memoroso,
hangano ipeweengakonomo penaano a laro matea;
hangano onae mbo'u tewinso i olodo anu mpe'ewa,
kahinaano onae tumembio halano mia hadio,
ka mekakai tiado mia anu mpe'ewa.
Currently Selected:
Yesaya 53: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 53
53
1 #
Yoh. 12:38; Rom. 10:16 Isemake anu me'ala-alao lele anu rinongemami,
ka ndi semake ipinokomengkaa pabawano kae-Do i Ue?
2Kana tumba onae tuwu i aro-Do i Ue
ka kana haka inso a wita motu'i.
Onae nahi montama ke tengkita maramba ba ikinita,
ka nahina a rupano anu weweu kita ineheakono.
3Onae tinata ka dome'olaiakono mia,
asa mia anu bukeako tebobarasaia ka leleo marasai mompemahaki.
Mia mbo'u domentutuwio rupado ba domengkitao;
kanatuumo itinata ka ndi ontae nahi tewinso a mporeke.
4 #
Mat. 8:17
Menteeano, hakitomo anu tinembino,
ka tebobarasaiato anu tinembino,
kahinaano potaeto onae ikonao pohuku,
tinunduhi ka Dopokomahakio Ue Ala.
5 #
1Pet. 2:24-25
Sine onae tinobo hangano pe'ewato,
onae pinirego hangano poweweuto anu mosa'o.
Ponsepi anu mowawa tekaduduiato pinotii ndi onae,
ka hangano lia-liambano ontae pinokotompa.
6Ontae luwu ntesaa kana bimba,
ontae singge mpo'ala salato ontaeto,
sine Dopotiiomo i Ue ndi onae
mosa'ono wineweuto luwu.
7 #
Meng. 5:6
#
Tin. 8:32-33
Onae binobarasai, sine ipo'ineeo koroino pinokomahaki
ka nahi pepau
kana ana bimba anu winawa a mposumbelea;
kana ineno bimba anu beebe i arodo mia anu megontio wuluno,
nahi pebeeli.
8Umarino rinako ka hinuku onae winawa lumako,
isema anu merioo hapa anu gagi ndi onae?
Mentee ntu'u, onae te'otuhi inso a witado mia mentuwu,
ka hangano pe'ewado bawaa-Ku onae kona pohuku.
9 #
1Pet. 2:22
Mia menaao kaburuno i olodo mia mosa'o gauno,
ka kaburuno kongko i olono mia kaea,
maupo nahi pobobarasai
ka pompopo'oo nahina a laro ngangano.
10Sine po'ehe-Do i Ue piregoo, mokomahakio.
Tewala sumangano pineweengako gagi pesomba pontolosi sala,
onae ta kumitao inuleno, tinuwuno ta melai,
ka po'ehe-Do i Ue ta mokoweweuo.
11Umarino masusano sumangano
ta kumitao mewine ka gagi teende aroano;
hangano ponto'orino, tetenaa-Ku, mia mentee atuu,
ta mompokomentee hadio mia
ka mosa'odo itembio.
12 #
Luk. 22:37
Onaemo pu'uno, Aku tumiaakono rinontu i olodo mia anu langkai potorodo;
ka onae ta tumiao rinontu meronga mia memoroso,
hangano ipeweengakonomo penaano a laro matea;
hangano onae mbo'u tewinso i olodo anu mpe'ewa,
kahinaano onae tumembio halano mia hadio,
ka mekakai tiado mia anu mpe'ewa.
LAI 2021