Yesaya 52
52
Lele moiko tiano Sioni
52:1-12
1 #
Meng. 21:2, 27 Pekaangakomo, Pekaangakomo!
Pokonaomo rosomu, hei Sioni!
Pokonaomo sangka pinelangkaimu,
hei Yerusale, kota anu mempori!
Hangano, mia anu nahi petindi ke anu mokoburu
nahi ta mewinso mbo'u i laromu.
2Petapisakonomo pampawu inso ndi omue, pewangumo,
hei Yerusale anu tinawa!
Lohu iramo po'onggo inso a we'umu,
hei ana beine Sioni anu tinawa!
3Hangano kanandiomo pau-Do i Ue: Omiu me'inasa mpena, onaemo pu'uno komiu mbo'u mentinolosi nahi inowahi. 4Hangano kanandiomo pau-Do Ue Ala: I ndi'ipua bawaa-Ku mpelungka melako i Masiri ka dompo'ia i tu'ai gagi mia mehawe, ka i'amba Asuri mokonsiio nahina pu'uno. 5#Rom. 2:24Sine kanandio-andio hapa mbo'u ta wineweu-Ku i ndi'ai? Kanandiomo pau-Do i Ue. Bawaa-Ku mewinawa iramo melako kanatuumo koa. Ondae anu mempabawaio me'unde-undeo koroido, kanandiomo pau-Do i Ue, ka nee-Ku pinepaukiako mpiha i larono asa ngkeu oleo. 6Onaemo pu'uno bawaa-Ku ira mento'orio nee-Ku ka i tempo atuu ira mento'orio nine Ongkuemo Ondae anu mepau. Ongkuemo andio!
7 #
Nah. 1:15; Rom. 10:15; Eps. 6:15 Tekosi ntu'u iwawono luwuno pongku
pelela-lelano mia anu mowawa lele,
anu mompalele lele rodoa
ka paleleo lele moiko,
anu paleleo lele tekadudui
ka motae ndi Sioni,
”Ondae Ue Alamu moparenta gagi mokole!”
8Ronge iramo anu medagaiko mpontande suara;
ondae mperonga mengkokora-kora mawongko.
Hangano, domengkitaakono matado ondaedo
Ondae i Ue mekule i Sioni.
9Impo'undemo, mengkokora-koramo mawongko mperonga-ronga,
hei tekale-kaleno Yerusale!
Hangano, Ondae i Ue Dotarero iramo bawaa-Do,
Yerusale Dotolosiomo.
10Dopopokitaomo i Ue
kae-Do anu mempori
i arono matado luwuno tongku;
luwuno tompano tolino kumitao
tekaduduia inso ndi Ondae Ue Alato.
11 #
2Kor. 6:17
Pe'olaiakomo, pe'olaiakomo!
Peluarakomo inso i ra'ai!
Osi'i ntu'u omue tedanggiako anu mokoburu!
Peluarakomo inso i tonga-tongano, pokomemporiomo koroimiu,
hei mia anu mpontande parewano raha-Do i Ue!
12Mentee ntu'u, nahi komiu memadara mpeluarako
ka melako mpolai
hangano Ondae i Ue Ira melempa i aromiu,
ka Ondae Ue Alado to Isaraeli Ira gagi pokotompaano baresimiu.
Tetenaa-Do i Ue anu marasai
52:13–53:12
13Menteeano tetenaa-Ku ta mehasili,
onae ta pinelangkai, inunde-unde ka pinokomaramba.
14Kana'umpe hadio mia ira ntededengke mengkitao –
tedoa mosa'o rupano, komba kana mia mbo'u,
ka tadeno komba kana mia mbo'u –
15 #
Rom. 15:21
kanatuumo onae ta weweu ira hadio tongku mengkohali-hali,
luwuno mokole ira mengkomuo ngangado mengkitao;
hangano hapa anu nahi domempinauako ira mengkitao,
ka hapa anu nahi domerongeo ira mpokonto'orio.
Currently Selected:
Yesaya 52: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 52
52
Lele moiko tiano Sioni
52:1-12
1 #
Meng. 21:2, 27 Pekaangakomo, Pekaangakomo!
Pokonaomo rosomu, hei Sioni!
Pokonaomo sangka pinelangkaimu,
hei Yerusale, kota anu mempori!
Hangano, mia anu nahi petindi ke anu mokoburu
nahi ta mewinso mbo'u i laromu.
2Petapisakonomo pampawu inso ndi omue, pewangumo,
hei Yerusale anu tinawa!
Lohu iramo po'onggo inso a we'umu,
hei ana beine Sioni anu tinawa!
3Hangano kanandiomo pau-Do i Ue: Omiu me'inasa mpena, onaemo pu'uno komiu mbo'u mentinolosi nahi inowahi. 4Hangano kanandiomo pau-Do Ue Ala: I ndi'ipua bawaa-Ku mpelungka melako i Masiri ka dompo'ia i tu'ai gagi mia mehawe, ka i'amba Asuri mokonsiio nahina pu'uno. 5#Rom. 2:24Sine kanandio-andio hapa mbo'u ta wineweu-Ku i ndi'ai? Kanandiomo pau-Do i Ue. Bawaa-Ku mewinawa iramo melako kanatuumo koa. Ondae anu mempabawaio me'unde-undeo koroido, kanandiomo pau-Do i Ue, ka nee-Ku pinepaukiako mpiha i larono asa ngkeu oleo. 6Onaemo pu'uno bawaa-Ku ira mento'orio nee-Ku ka i tempo atuu ira mento'orio nine Ongkuemo Ondae anu mepau. Ongkuemo andio!
7 #
Nah. 1:15; Rom. 10:15; Eps. 6:15 Tekosi ntu'u iwawono luwuno pongku
pelela-lelano mia anu mowawa lele,
anu mompalele lele rodoa
ka paleleo lele moiko,
anu paleleo lele tekadudui
ka motae ndi Sioni,
”Ondae Ue Alamu moparenta gagi mokole!”
8Ronge iramo anu medagaiko mpontande suara;
ondae mperonga mengkokora-kora mawongko.
Hangano, domengkitaakono matado ondaedo
Ondae i Ue mekule i Sioni.
9Impo'undemo, mengkokora-koramo mawongko mperonga-ronga,
hei tekale-kaleno Yerusale!
Hangano, Ondae i Ue Dotarero iramo bawaa-Do,
Yerusale Dotolosiomo.
10Dopopokitaomo i Ue
kae-Do anu mempori
i arono matado luwuno tongku;
luwuno tompano tolino kumitao
tekaduduia inso ndi Ondae Ue Alato.
11 #
2Kor. 6:17
Pe'olaiakomo, pe'olaiakomo!
Peluarakomo inso i ra'ai!
Osi'i ntu'u omue tedanggiako anu mokoburu!
Peluarakomo inso i tonga-tongano, pokomemporiomo koroimiu,
hei mia anu mpontande parewano raha-Do i Ue!
12Mentee ntu'u, nahi komiu memadara mpeluarako
ka melako mpolai
hangano Ondae i Ue Ira melempa i aromiu,
ka Ondae Ue Alado to Isaraeli Ira gagi pokotompaano baresimiu.
Tetenaa-Do i Ue anu marasai
52:13–53:12
13Menteeano tetenaa-Ku ta mehasili,
onae ta pinelangkai, inunde-unde ka pinokomaramba.
14Kana'umpe hadio mia ira ntededengke mengkitao –
tedoa mosa'o rupano, komba kana mia mbo'u,
ka tadeno komba kana mia mbo'u –
15 #
Rom. 15:21
kanatuumo onae ta weweu ira hadio tongku mengkohali-hali,
luwuno mokole ira mengkomuo ngangado mengkitao;
hangano hapa anu nahi domempinauako ira mengkitao,
ka hapa anu nahi domerongeo ira mpokonto'orio.
LAI 2021