Yesaya 11
11
Tumbano i Isai anu ta hawe
11:1-10
1 #
Meng. 5:5; 22:16 Asa tumba ta meluarako inso a ntu'ono i Isai,
ka asa tumba ta tuwu inso a mpu'uno.
2 #
Yes. 9:5
Penaa-Do i Ue ta mo'ia ndi onae,
penaa ponto'ori anu mentee ka ponto'ori,
penaa pande mosongka ka roso,
penaa tumo'orio ka doitoako Ira i Ue;
3oo, pino'undeakono onaemo doitoako Ira Ue.
Onae nahi ta mobitara montonda pongkitano mata
ke momputusi montonda porongeno biri.
4 #
2Tes. 2:8
Sine onae ta bitara ira mia molema a moleoa,
ka ta momputusi temoiko a mia anu tepokonsii a wita andio;
tolino ta tumunduhiakono pauno kana montunduhiako tuko,
saru pepuuri inso a ngangano ta mompepate mia mosa'o gauno.
5 #
Eps. 6:14
Menteea ta gagi peboo ntongano,
ka petenunu ta kongko tetanggo a ntongano.
6 #
Yes. 65:25
Serigala ta mo'ia saru bimba
ka nggapu langkai meboti-boti ta mepombole i horino ana bembe.
Anano sapi ka anano singa ira mongkaa meronga-ronga,
ka asa nana'ote kodei ta wawa ira.
7Sapi ka berua ira meronga mongkaa ewo,
anado ira mepombole meronga-ronga,
ka singa ta mongkaa seami kana sapi.
8Nana'ote anu mo'uo ta mepali-palindo umpeda aano ule me'ipo
ka nana'ote anu pinotoe ta weroo kaeno a nsenono ule mo'ito.
9 #
Hab. 2:14
Nahina anu ta moweweu mosa'o ke anu mosa'o peleluno
a luwuno torukuno-Ku anu mempori,
hangano asa wawontolino bukeako ponto'ori ndi Ondae i Ue,
kana montutuwi tahi malua.
10 #
Rom. 15:12
I tempo atuu
tumba inso a mpu'uno i Isai ta mentade gagi banderado tongku;
onae ira me'ungkeo sukuno tongku
ka po'iangano ta gagi maramba.
To Isaraeli anu da tuwu ira mpekule
11:11-16
11Tempo atuu Ondae i Ue Ira tumandeo mbo'u kae-Do
tumolosi ira bawaa-Do
anu da mentuwu anu mpo'ia i Asuri ka Masiri,
i Patirosi, Etiopia ka Elami,
i Sineari, Hamati ka a luwuno togo i Tahi Tongano.
12Onae ta wuatakono asa bandera tiado tongku
ka pumpu ira to Isaraeli anu mentinadi,
ka ta pumpu ira to Yehuda anu ntesiarawo
inso a opaa siuno tolino.
13 #
Yes. 9:20
Pinemosino i Eparai ta telalo,
ondae anu mpokoma'isoo Yehuda ira metampula.
Eparai nahi ta mosiriakono mbo'u Yehuda,
ka Yehuda nahi ta mokoma'isoo mbo'u Eparai.
14Sine ondae ira mepaso'ulu i sumooano oleo lumaloo oweano torukuno Pelisiti,
ondae meronga-ronga momuru ira tongku i sabaano oleo;
Edomi ka Moabi ta gagi rontuano kaedo,
ka to Amoni ira mpetuundu ndi ondae.
15 #
Meng. 16:12
Ondae i Ue Ira mokomo'areo kolono Masiri
ka tumandeo kae-Do a ngkoro Eparata
saru tekuda anu mompokomo'ai.
Dotunduhio tepeha gagi opitu korono wela mo'are,
ranta mia mpokontelalo mpesandala.
16Te'ipua ta hina sala langkai tiado bawaa-Do
anu da mentuwu anu mpo'ia i Asuri,
kana anu hinaomo tiado to Isaraeli i ndi'ipua,
i tempono dompeluarako inso i wita Masiri.
Currently Selected:
Yesaya 11: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
