Yehesikieli 48

1Ndiomo neeno luwuno suku atuu: Anu lalu i utara: inso a ntahi motilalo i Hetiloni, i Lebo-Hamati, i Hasari-Enoni hawe i witano kota Damasi i utarano, tepo'umpeda saru Hamati; inso a ntida i sabaano oleo hawe a ntida i sumooano oleo onaemo tiano i Dani. 2Metida saru witano i Dani, inso a ntida i sabaano oleo hawe a ntida i sumooano oleo onaemo tiano i Asere. 3Metida saru witano i Asere, inso a ntida i sabaano oleo hawe a ntida i sumooano oleo onaemo tiano i Napatali. 4Metida saru witano i Napatali, inso a ntida i sabaano oleo hawe a ntida i sumooano oleo onaemo tiano i Manase. 5Metida saru witano i Manase, inso a ntida i sabaano oleo hawe a ntida i sumooano oleo onaemo tiano i Eparai. 6Metida saru witano i Eparai, inso a ntida i sabaano oleo hawe a ntida i sumooano oleo onaemo tiano i Rube. 7Metida saru witano i Rube, inso a ntida i sabaano oleo hawe a ntida i sumooano oleo onaemo tiano i Yehuda.

8Metida saru witano i Yehuda inso a ntida i sabaano oleo hawe a ntida i sumooano oleo onaemo pesomba pinesusua anu asalakono impesusuao. Maluano rua pulu ka olima nsowu hiku, ka ondauno mengkena saru ondauno tiano asa suku, inso a ntida i sabaano oleo hawe a ntida i sumooano oleo, ka i tonga-tongano hinao po'ianga mempori. 9Tiano pesomba pinesusua anu asalakono impesusuao tia-Do i Ue, ondauno rua pulu ka olima nsowu hiku ka maluano rua pulu nsowu hiku.

10Tiadomo mia andiodo pesomba pinesusua anu mempori atuu. Tiado sando mpesomba, ondauno i utara ka i selata rua pulu ka olima nsowu hiku ka maluano i sabaano oleo ka i sumooano oleo hopulu nsowu hiku. I tonga-tongano mo'ia po'ianga mempori-Do i Ue. 11Ndiomo tiado inuleno i Sadoki, luwuno sando mpesomba anu umariomo pinokomempori, anu mpekakaakono anu asalakono anggaado ndi Ongkue ka nahi petonda tesaa a laro ntesaaado to Isaraeli kana luwuno to Lewi. 12Ndiomo tia pinesusua ndi ondae inso a wita anu pinesusuaomo, asa ntia tedoa mempori, metida saru tiado to Lewi.

13Tiado to Lewi medede saru witado sando mpesomba, ondauno rua pulu ka olima nsowu hiku ka maluano hopulu nsowu hiku. Luwuno rua pulu ka olima nsowu hiku ondauno ka rua pulu nsowu hiku maluano. 14Si dome'asao wita atuu maupo tedei ke mentobosio, ka si pinopo'ueako a mia susua anu lalu moiko inso a wita atuu, hangano wita atuu mempori tia-Do i Ue.

15Toreano, anu lima nsowu hiku maluano ka metida saru rua pulu ka olima nsowu hiku atuu, nahi mempori sine tiano kinereno kota gagi po'ianga ka tiano pada pompakambia. Kota atuu kongko i tongano. 16Ndiomo songkano: i utarano ka i selata pato nsowu ka lima etu hiku; i sabaano oleo ka i sumooano oleo pato nsowu ka lima etu hiku. 17Limbu kota atuu hinao pada pompakambia, i utarano ka i selata rua etu ka lima pulu hiku, saru i sabaano oleo ka i sumooano oleo rua etu ka lima pulu hiku mbo'u. 18Ondauno anu torea, anu medede saru pesomba pinesusua anu mempori atuu, onaemo hopulu nsowu hiku i sabaano oleo ka hopulu nsowu hiku i sumooano oleo. Hasilino gagi kaangado anu mpo'angga i kota atuu. 19Luwuno anu mpo'angga i kota atuu, anu te'inso a luwuno suku Isaraeli, ira me'anggao. 20Luwuno pesomba pinesusua atuu maluano rua pulu ka olima nsowu hiku kinali rua pulu ka olima nsowu hiku. Omiu asalakono mpesusuao pesomba pinesusua anu mempori atuu saru tiano kota atuu ka ipengkena opaa siuno.

21Toreano, wita i sabaano oleo ka i sumooano oleo inso a mpesomba pinesusua anu mempori ka tiano kota atuu, onaemo tiano mokole. Wita atuu, anu metida saru anu rua pulu ka olima nsowu hiku atuu, te'aro i sabaano oleo hawe tida i sabaano oleo ka te'aro i sumooano oleo hawe a ntida i sumooano oleo ka medede saru tiado luwuno suku susua, onaemo tiano mokole. I tonga-tongano tia atuu onaemo pesomba pinesusua anu mempori ka Raha Mempori. 22Sangkadio tiado to Lewi ka tiano kota atuu, anu mo'ia i tonga-tongano tiano mokole, ka anu mo'ia i olono witano i Yehuda ka i Benami onaemo tiano mokole.

23Mongkona luwuno suku anu susua: inso a ntida i sabaano oleo hawe a ntida i sumooano oleo, hinao tiano i Benami. 24Metida saru witano i Benami, inso a ntida i sabaano oleo hawe a ntida i sumooano oleo, hinao tiano i Simeo. 25Metida saru witano i Simeo, inso a ntida i sabaano oleo hawe a ntida i sumooano oleo, hinao tiano i Isakari. 26Metida saru witano i Isakari, inso a ntida i sabaano oleo hawe a ntida i sumooano oleo, hinao tiano i Sebulo. 27Metida saru witano i Sebulo, inso a ntida i sabaano oleo hawe a ntida i sumooano oleo, hinao tiano i Gadi. 28Petidaa witano i Gadi i selata onaemo inso i Tamari hawe mata uwoi Meriba umpeda i Kadesi, motilalo a ngkoro Masiri ka i Tahi Langkai. 29Onaemo atuu wita anu asalakono komiu mpetiao gagi tia pusakamiu i olono luwuno suku Isaraeli, ka onaemo atuu luwuno tiado, kanandiomo pau-Do Ue Ala.”

Kota anu mempori

48:30-35

30”Ka i'amba ndiomo luwuno pewowa peluarakoa i kota atuu. Apano i utara anu songkano pato nsowu ka lima etu hiku, 31#Meng. 21:12-13hinao otolu pewowa langkai: pewowa langkai Rube, pewowa langkai Yehuda, ka pewowa langkai Lewi. Luwuno pewowa langkaino kota atuu pinau montonda neeno luwuno suku Isaraeli. 32Apano i sabaano oleo, anu songkano pato nsowu ka lima etu hiku, hinao mbo'u otolu pewowa langkai: pewowa langkai Yusupu, pewowa langkai Benami ka pewowa langkai Dani. 33Apano i selata, anu songkano pato nsowu ka lima etu hiku, hinao mbo'u otolu pewowa: pewowa langkai Simeo, pewowa langkai Isakari ka pewowa langkai Sebulo. 34Apano i sumooano oleo, anu songkano pato nsowu ka lima etu hiku, hinao mbo'u otolu pewowa: pewowa langkai Gadi, pewowa langkai Asieri ka pewowa langkai Napatali. 35Gaagi, limbuno kota atuu hopulu ka oalu nsowu hiku. Mompu'u oleo atuu neeno kota atuu: Ondae i Ue kongko i tu'ai.”

Currently Selected:

Yehesikieli 48: XMZ

Highlight

Compare

Copy