Puu Pontutulu 7
7
Ponto'ori anu mentee
7:1-22
1 #
Pow. 22:1
Nee moiko moikoopo sekono lana anu masuli olino, ka oleo matea moikoopo sekono oleo hinaa. 2Lumako a raha matea moikoopo sekono lumako a mpogawea, hangano a raha matea pokotampulaano sompo mia; asalakono mia anu tuwu mekokoongakono. 3Masusaa moikoopo sekono pengingisi, hangano rupa anu mompemasusa weweuo aroa pande mompewowolo. 4Aroano mia monto'ori kongko a raha matea, sine aroano mia benge-benge kongko a raha mawongkoa. 5Moikoopo moronge pontekudano mia monto'ori sekonopo moronge penanino mia benge-benge. 6Hangano, kana beti-betino rui mo'ai a ntoto kawali, kanatuumo pengingisino mia benge-benge. Ndio mbo'u nahina tuduno. 7Mentee ntu'u, morontu doi mokobenge-bengeo mia monto'ori, ka doi pompowee nahi pototono monsolangi aroa.
8Poko'ariano asa rupa moikoopo sekono pompu'uano. Tedoa sabara moikoopo sekono pompelangka-langkai. 9#Yak. 1:19Siimo ronga tekuda i laro aroa, hangano tekuda mo'ia mpiha a laro radano mia benge-benge. 10Sii potae, ”Tembio tempo i ndi'ipua moikoopo sekono tempo kanandio-andio?” Hangano, komba me'empehiako ponto'ori upesikenoakono mongkona atuu. 11Ponto'ori mengkena moikono saru pusaka ka asa me'urado mia anu mengkitao mata'oleo. 12Hangano, dagaiano ponto'ori mengkena dagaiano doi. Me'uraomo anu tumo'orio nine ponto'ori mekariao tuwuno anu me'ueo. 13Pekokoongakonomo hapa anu wineweu-Do Ue Ala! Isema polio mokoleoo hapa anu Dolongkuomo? 14A oleo me'ura mawongkomo, sine a oleo urasa'o pewowoloomo nine maupo oleo urasa'o andio Dopokogagio Ue Ala kana koa mbo'u oleo me'ura, ka mia si pohawe maupo hapa mongkona oleo ramaino. 15A laro ntumuwuku anu nahina tuduno kukitaomo luwu mongkona andio: hinao mia mompe'ala-ala anu mate a laro pompe'ala-alano, hinao mia mosa'o gauno anu tuwu ranta mota'u a laro wineweuno mosa'o. 16Si petenunu lahi, pelelumu si ponto'ori lahi. Tembio ka komepateo koroimu omuemu? 17Si pelelu lahi mosa'o, si benge-benge! Tembio omue inehemu mate napi tempono? 18Moikoomo tewala omue uminio anu asa, sine anu susua mbo'u si potolao, hangano mia anu doitoako Ira Ue Ala umolaiakono oruano. 19Ponto'ori mompowee roso a mia mpande laluaopo sekono hopulu anu pabawa a laro ngkota. 20Menteeano, i tolino nahina mia moleo anu moweweu moiko, nahi hori moweweu hala! 21Osi'i mbo'u pekokoongakono sompo pau anu pinauno mia, kasi urongeo itotonaako anu mekakaakomu. 22Hangano, ito'orio aroamu nine omue mbo'u mararu montotonaa mia susua.
Po'ungkea ponto'ori anu pine'o'oleako
7:23–8:1
23Luwuno atuu kuparesaakonomo ponto'ori, kupotae, ”ineheku gagi mia monto'ori,” sine ponto'ori atuu olai inso ndi ongkue. 24Hapa anu hina, atuu olai ka tedoa ondalo, isema anu mokohaweo? 25Kupo'aroo pompekokoongakoku ka kupokonto'orio, paresao, ka mo'ungke ponto'ori ka tepakosiano, saru ka kuto'orio tedoa benge-bengeno gau mosa'o atuu ka tedoa nahina tuduno benge-benge atuu. 26Mohawe aku asa rupa anu lalu mopa'i sekonopo matea: beine anu onaemo buani, anu aroano onaemo oho ka kaeno onaemo pompongu. Mia anu pinemoiko-Do Ue Ala teliahako inso ndi onae, sine mia anu tehala irakoomo.
27Kitao, ipotae Puu Mpontutulu, ndiomo anu hinaweku: Nte'o'asa kupotudao ka kuhaweo tepakosiano. 28Hapa anu da inungkeku sine nahi kupohawe, kuhaweo butu a asa mia i olono asa nsowu sine nahi kupohawe maupo a asa mia i olono beine. 29Kitaomo, butu onae ndio hinaweku: Dopokogagiomo Ue Ala mia anu moleo, sine mpo'ungke ira hadio pepokomenteedo.
Currently Selected:
Puu Pontutulu 7: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Puu Pontutulu 7
7
Ponto'ori anu mentee
7:1-22
1 #
Pow. 22:1
Nee moiko moikoopo sekono lana anu masuli olino, ka oleo matea moikoopo sekono oleo hinaa. 2Lumako a raha matea moikoopo sekono lumako a mpogawea, hangano a raha matea pokotampulaano sompo mia; asalakono mia anu tuwu mekokoongakono. 3Masusaa moikoopo sekono pengingisi, hangano rupa anu mompemasusa weweuo aroa pande mompewowolo. 4Aroano mia monto'ori kongko a raha matea, sine aroano mia benge-benge kongko a raha mawongkoa. 5Moikoopo moronge pontekudano mia monto'ori sekonopo moronge penanino mia benge-benge. 6Hangano, kana beti-betino rui mo'ai a ntoto kawali, kanatuumo pengingisino mia benge-benge. Ndio mbo'u nahina tuduno. 7Mentee ntu'u, morontu doi mokobenge-bengeo mia monto'ori, ka doi pompowee nahi pototono monsolangi aroa.
8Poko'ariano asa rupa moikoopo sekono pompu'uano. Tedoa sabara moikoopo sekono pompelangka-langkai. 9#Yak. 1:19Siimo ronga tekuda i laro aroa, hangano tekuda mo'ia mpiha a laro radano mia benge-benge. 10Sii potae, ”Tembio tempo i ndi'ipua moikoopo sekono tempo kanandio-andio?” Hangano, komba me'empehiako ponto'ori upesikenoakono mongkona atuu. 11Ponto'ori mengkena moikono saru pusaka ka asa me'urado mia anu mengkitao mata'oleo. 12Hangano, dagaiano ponto'ori mengkena dagaiano doi. Me'uraomo anu tumo'orio nine ponto'ori mekariao tuwuno anu me'ueo. 13Pekokoongakonomo hapa anu wineweu-Do Ue Ala! Isema polio mokoleoo hapa anu Dolongkuomo? 14A oleo me'ura mawongkomo, sine a oleo urasa'o pewowoloomo nine maupo oleo urasa'o andio Dopokogagio Ue Ala kana koa mbo'u oleo me'ura, ka mia si pohawe maupo hapa mongkona oleo ramaino. 15A laro ntumuwuku anu nahina tuduno kukitaomo luwu mongkona andio: hinao mia mompe'ala-ala anu mate a laro pompe'ala-alano, hinao mia mosa'o gauno anu tuwu ranta mota'u a laro wineweuno mosa'o. 16Si petenunu lahi, pelelumu si ponto'ori lahi. Tembio ka komepateo koroimu omuemu? 17Si pelelu lahi mosa'o, si benge-benge! Tembio omue inehemu mate napi tempono? 18Moikoomo tewala omue uminio anu asa, sine anu susua mbo'u si potolao, hangano mia anu doitoako Ira Ue Ala umolaiakono oruano. 19Ponto'ori mompowee roso a mia mpande laluaopo sekono hopulu anu pabawa a laro ngkota. 20Menteeano, i tolino nahina mia moleo anu moweweu moiko, nahi hori moweweu hala! 21Osi'i mbo'u pekokoongakono sompo pau anu pinauno mia, kasi urongeo itotonaako anu mekakaakomu. 22Hangano, ito'orio aroamu nine omue mbo'u mararu montotonaa mia susua.
Po'ungkea ponto'ori anu pine'o'oleako
7:23–8:1
23Luwuno atuu kuparesaakonomo ponto'ori, kupotae, ”ineheku gagi mia monto'ori,” sine ponto'ori atuu olai inso ndi ongkue. 24Hapa anu hina, atuu olai ka tedoa ondalo, isema anu mokohaweo? 25Kupo'aroo pompekokoongakoku ka kupokonto'orio, paresao, ka mo'ungke ponto'ori ka tepakosiano, saru ka kuto'orio tedoa benge-bengeno gau mosa'o atuu ka tedoa nahina tuduno benge-benge atuu. 26Mohawe aku asa rupa anu lalu mopa'i sekonopo matea: beine anu onaemo buani, anu aroano onaemo oho ka kaeno onaemo pompongu. Mia anu pinemoiko-Do Ue Ala teliahako inso ndi onae, sine mia anu tehala irakoomo.
27Kitao, ipotae Puu Mpontutulu, ndiomo anu hinaweku: Nte'o'asa kupotudao ka kuhaweo tepakosiano. 28Hapa anu da inungkeku sine nahi kupohawe, kuhaweo butu a asa mia i olono asa nsowu sine nahi kupohawe maupo a asa mia i olono beine. 29Kitaomo, butu onae ndio hinaweku: Dopokogagiomo Ue Ala mia anu moleo, sine mpo'ungke ira hadio pepokomenteedo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021