Puu Pontutulu 6
6
1Hinao urasa'o anu kukitaomo i totono mata'oleo, anu tedoa dumadoo mia: 2Mia anu Dopoweeakono Ue Ala pompoli, arataa ka marambaa, ranta nahina makurano hapamo koa anu ineheno, sine mia atuu nahi Dopoweeakono Ue Ala roso ka iperapiakono, tendeano mia susua anu merapiakono! Onaemo andio anu nahina tuduno ka marasaia mapari. 3Tewala mia hinao asa etu anano ka tuwu tehine ranta ka ituwu melai, sine onae nahi pesompoo inso a anu moiko atuu, tendeano nahi pohawe pekaburua, montonda ongkue, nana'ote te'onini moikoopo sekono mia andio. 4Hangano, nana'ote te'onini atuu hawe a laro nahina tuduno ka lumako a laro wongi-wongia, ka neeno itutuwio wongi-wongia. 5Tendeano onae nahi kitao mata'oleo ka nahi ponto'ori hapa-hapa. Onae rodoopo sekono mia hieno. 6Ande-andeno onae tuwu pendua asa nsowu nta'u, ba nahi pompesanaa, kombake poko'ariano luwuakoano te'aro a asa po'ianga? 7Luwuno pe'iseino mia butu tiano ngangano, sine nahi hori mompesompo. 8Hangano, hapake urano mia monto'ori sekonopo mia benge-benge? Hapake urano mia mongkokolaro anu monto'ori melelu i arono mia? 9Moikoopo butu kumitao sekono tumondao po'eheno koroi. Ndio mbo'u nahina tuduno ka merokuhi mobuani angi.
10Hapamo koa anu hina, tehineomo ipinau neeno ka isema mia, tino'oriomo. Onae nahi polio mekara-kara saru anu morosoopo sekono onae.
11Menteeano, tekense hadio mpau, tekense hadio anu nahina tuduno. Hapake tuduno a mia? 12Hangano, isemake anu tumo'orio hapa anu moiko a mia a laro ntinuwuno anu sarai, anu linalono kana eo-eo? Isemake anu polio pauakono mia hapa anu ta gagi i totono mata'oleo umarino onae?
Currently Selected:
Puu Pontutulu 6: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Puu Pontutulu 6
6
1Hinao urasa'o anu kukitaomo i totono mata'oleo, anu tedoa dumadoo mia: 2Mia anu Dopoweeakono Ue Ala pompoli, arataa ka marambaa, ranta nahina makurano hapamo koa anu ineheno, sine mia atuu nahi Dopoweeakono Ue Ala roso ka iperapiakono, tendeano mia susua anu merapiakono! Onaemo andio anu nahina tuduno ka marasaia mapari. 3Tewala mia hinao asa etu anano ka tuwu tehine ranta ka ituwu melai, sine onae nahi pesompoo inso a anu moiko atuu, tendeano nahi pohawe pekaburua, montonda ongkue, nana'ote te'onini moikoopo sekono mia andio. 4Hangano, nana'ote te'onini atuu hawe a laro nahina tuduno ka lumako a laro wongi-wongia, ka neeno itutuwio wongi-wongia. 5Tendeano onae nahi kitao mata'oleo ka nahi ponto'ori hapa-hapa. Onae rodoopo sekono mia hieno. 6Ande-andeno onae tuwu pendua asa nsowu nta'u, ba nahi pompesanaa, kombake poko'ariano luwuakoano te'aro a asa po'ianga? 7Luwuno pe'iseino mia butu tiano ngangano, sine nahi hori mompesompo. 8Hangano, hapake urano mia monto'ori sekonopo mia benge-benge? Hapake urano mia mongkokolaro anu monto'ori melelu i arono mia? 9Moikoopo butu kumitao sekono tumondao po'eheno koroi. Ndio mbo'u nahina tuduno ka merokuhi mobuani angi.
10Hapamo koa anu hina, tehineomo ipinau neeno ka isema mia, tino'oriomo. Onae nahi polio mekara-kara saru anu morosoopo sekono onae.
11Menteeano, tekense hadio mpau, tekense hadio anu nahina tuduno. Hapake tuduno a mia? 12Hangano, isemake anu tumo'orio hapa anu moiko a mia a laro ntinuwuno anu sarai, anu linalono kana eo-eo? Isemake anu polio pauakono mia hapa anu ta gagi i totono mata'oleo umarino onae?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021