2 KORINTI 13
13
Luwuno patudu pokotompa
13:1-10
1 #
Win. 17:6; 19:15 Ndio anu kopentolunomo kuhawe ndi omiu: Saru pompauno orua ke otolu mia sakosii ka i'amba mentee aasa kara-kara. 2Ndi ondae, anu mpoweweu hala i ndi'upua, ka a luwudo mia mehano, se'eluomo kupauako ira ka aku pauo tepohonapo mbo'u – kanandio-andio tempono ku'olaiakomiu kana ntu'u i tempono haweku kompenduano – nine i tempono kuhawe mbo'u nahi aku mehohawa ira. 3Hangano inehemiu aasa tondonino, nine mepau Ira i Kerisituu telalo ndi ongkue, ka komba molema Ira ndi omiu, tendeano pabawa i tonga-tongamiu. 4Nde maupo pinaso Iramo a ngkeu pinotamba hangano molemaa, sine tuwu Ira hangano pabawa-Do Ue Ala. Lano memolema kami a ntepo'asaa saru Ondae i Kerisituu, sine kami koa mentuwu meronga saru Ondae tiamiu hangano pabawa-Do Ue Ala. 5Impepenteeo koroimiu, ba memoroso komiu koa mpiha a laro pompe'ala-ala. Imemparesaomo koroimiu! Nahi impe'ala-alaoke koroimiu, nine Ondae i Kerisituu Yesu kongko i laromiu? Hangano tewala komba kanandio, nahi komiu mponangi. 6Sine kuperorohio, nine imento'orio, nine komba omami anu mponangi. 7Mekakai kami ndi Ondae Ue Ala, ka si mpoweweu anu mosa'o komba ka imengkaa monangi kami, tendeano omiu andio ka impoweweu hapa anu moiko, maupo omami isa'a tengkita nahi kiponangi. 8Hangano nahi kipokompoweweu hapa-hapa umewaio menteea; anu pinokoweweumami onaemo tiano menteea. 9Hangano mo'unde kami, tewala molema kami ka omiu memoroso. Ka onaemo andio anu pinekakaiakomami, onaemo ka ibobotoli pompe'ala-alamiu. 10Onaemo pu'uno pohona andio ka kupoburi wunta ndi omiu tempono ku'olaiakomiu, ka si kumansa tekuda montonda pabawa anu Doweeakune i Ue ba kukongko i tonga-tongamiu mowangu pompe'ala-ala ka komba mongkale-kale.
Tabea
13:11-13
11Pokotompaano, pepaekompoku, impo'undemo, impeteahakomo ka ibobotoli pompe'ala-alamiu. Imentarimaomo luwuno patuduku! Impe'asa aroamo ka mpe'asa pompewowolo, ka imentuwumo a laro rodoa! ka Ondae Ue Ala, pu'uno pompehohawa ka rodoa Ira kumongkomi komiu!
12Imemabe petabeiako pewoo-woo anu mempori. Tabea ndi omiu inso a luwuno mia mempori.
13Pompehohawa-Do Ue Yesu Kerisituu, ka pompehohawa-Do Ue Ala, ka tepo'asaa-Do Penaa Mempori kumongkomi komiu luwu.
Currently Selected:
2 KORINTI 13: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
