1 Tawarika 25

Puu mpenani

25:1-31

1Ka i'amba mongkona pesomba, i Daudi ka luwuno petewawa suku mentiso ira anano i Asapi, anano i Hemani ka anano i Yedutuni. Ondae mpopau anu ta gagi saru tinondaako katapi, gambusu ka simbali. Ndiomo burino luwuno mia anu mpo'angga a laro mpesombaa: 2Inso a luwuno anano i Asapi, onaemo i Sakuri, i Yusupu, i Netania ka i Asarela; i Asapi metewawa a luwuno anano mompau anu ta gagi a mpetenado mokole. 3Inso ndi Yedutuni, onaemo luwuno anano i Yedutuni: i Gedalia, i Seri, i Yesaya, i Simei, i Hasabia ka i Matitia; porokono onoo mia, i Yedutuni, amado metewawa mompau anu ta gagi saru tinondaako katapi tempono ipinenaniako pontarimakasi ka po'unde-unde ndi Ondae i Ue. 4Ka inso ndi Hemani, onaemo luwuno anano i Hemani: i Bukia, i Matania, i Usieli, i Sebueli, i Yerimoti, i Hananya, i Hanani, i Eliata, i Gidalati, i Romameti-Eseri, i Yosibekasa, i Maloti, i Hotiri ka i Mahasio. 5Ondaemo luwu anano i Hemani, puu mpokitado mokole, menunu saru dandi-Do Ue Ala, anu mokomantandeo roso mpabawano. Ondae Ue Ala moweeakonomo i Hemani hopulu ka opaa mia ana ntama ka otolu mia ana beine. 6A mpetewawano amado, luwudo mpenani a raha-Do i Ue saru tinondaako simbali, gambusu ka katapi tiano pesomba i raha-Do Ue Ala a mpetenado mokole. Kanandiomo anggaano i Asapi, i Yedutuni ka i Hemani. 7Ondae saru luwuno pepaekompodo anu mempinaguru iramo mpenani umunde-unde Ira i Ue, luwuno mia anu mempande atuu, porokono rua etu ka halo pulu ka oalu mia.

8Moiko anu mota'u maupo mongura, guru maupo ana nsikola anggaado molalo undi. 9Undi anu amba-ambano tiano somborino i Asapi, koona ndi Yusupu; undi ko'orua koona ndi Gedalia saru luwuno pepaekompono ka anano; porokono hopulu ka orua mia; 10undi ko'otolu ndi Sakuri, luwuno anano ka pepaekompono; porokono hopulu ka orua mia; 11undi ko'opaa ndi Yisiri, luwuno anano ka pepaekompono, hopulu ka orua mia; 12undi ko'olima ndi Netania, luwuno anano ka pepaekompono, hopulu ka orua mia; 13undi ko'onoo ndi Bukia, luwuno anano ka pepaekompono; porokono hopulu ka orua mia; 14undi ko'opitu ndi Yesarela, luwuno anano ka pepaekompono, hopulu ka orua mia; 15undi ko'oalu ndi Yesaya, luwuno anano ka pepaekompono; porokono hopulu ka orua mia; 16undi ko'osio ndi Matania, luwuno anano ka pepaekompono; porokono hopulu ka orua mia; 17undi kohopulu ndi Simei, luwuno anano ka pepaekompono, hopulu ka orua mia; 18undi kohopulu ka asa ndi Asare'eli, luwuno anano ka pepaekompono; porokono hopulu ka orua mia; 19undi kohopulu ka orua ndi Hasabia, luwuno anano ka pepaekompono; porokono hopulu ka orua mia; 20undi kohopulu ka otolu ndi Subaeli, luwuno anano ka pepaekompono; porokono hopulu ka orua mia; 21undi kohopulu ka opaa ndi Matika, luwuno anano ka pepaekompono; porokono hopulu ka orua mia; 22undi kohopulu ka olima ndi Yeremoti, luwuno anano ka pepaekompono; porokono hopulu ka orua mia; 23undi kohopulu ka onoo ndi Hananya, luwuno anano ka pepaekompono; porokono hopulu ka orua mia; 24undi kohopulu ka opitu ndi Yosibekasa, luwuno anano ka pepaekompono; porokono hopulu ka orua mia; 25undi kohopulu ka oalu ndi Hanani, luwuno anano ka pepaekompono; porokono hopulu ka orua mia; 26undi kohopulu ka osio ndi Maloti, luwuno anano ka pepaekompono; porokono hopulu ka orua mia; 27undi korua pulu ndi Eliata, luwuno anano ka pepaekonpono; porokono hopulu ka orua mia; 28undi korua pulu ka asa ndi Hotiri, luwuno anano ka pepaekompono; porokono hopulu ka orua mia; 29undi korua pulu ka orua ndi Gidalati, luwuno anano ka pepaekompono; porokono hopulu ka orua mia; 30undi korua pulu ka otolu ndi Mahasioti, luwuno anano ka pepaekompono; porokono hopulu ka orua mia; 31undi korua pulu ka opaa ndi Romameti-Eseri, luwuno anano ka pepaekompono; porokono hopulu ka orua mia.

Currently Selected:

1 Tawarika 25: XMZ

Highlight

Copy

Compare