1 Tawarika 20

Peteaa inuleno i Amoni menaa-naa

20:1-3

(2Sam. 12:26-31)

1 # 2Sam. 11:1 A mpe'euano ta'u, a tempono luwuno mokole wela melako mpetea, i Yoabi wawa ira sorodadu mpeluarako ka mengkale-kaleo witado inuleno i Amoni. Ka i'amba lumako kumaduo kota Raba, sekono i Daudi mo'ia i Yerusale. I Yoabi numangio Raba ka irongkao. 2Umarino atuu i Daudi umalao songko mokole inso a uluno mokoledo, teto'ori mobeano asa talenta wulaa, meramba-rambaako watu paramata anu masuli olino. Ka i'amba songko mokole atuu pinokonaako a uluno i Daudi. Onae mowawa hadio ntu'u pinomuru inso a ngkota atuu. 3Palili i kota atuu iwawa ira ka idadai ira mpo'anggaako garagadi, pontande labu, ka uase. Kanandio koa mbo'u iweweuo i Daudi a luwuno kota inuleno i Amoni. Umarino atuu i Daudi mekule saru luwuno sorodadu i Yerusale.

Peteaa mo'ewai to Pelisiti

20:4-8

(2Sam. 21:18-22)

4 # 1Taw. 11:29 Umarino atuu gagi peteaa umewai ira to Pelisiti i Geseri. I tempo atuu i Sibikai, to Husa, mepateo i Sipai, asa mia inuleno mia langkai ka mokompetuundu ira to Pelisiti.

5 # 1Sam. 17:4-7; 2Sam. 21:19 Gagiomo mbo'u peteaa umewai ira to Pelisiti. I Elihanani anano i Yairi mepateo i Lahimi, pepaekompono i Golia, to Gati atuu anu tangke kansaino kana keu pongkalulu sawu hinoru.

6Peteaa gagi mbo'u i Gati. I ra'ai hinao asa mia anu ondau koroino, kaeno ka karuno singge mewunga ntoniso onoo: rua pulu ka opaa luwuno. Mia mbo'u andio inso a inuleno mia langkai. 7Inggari-nggari ira to Isaraeli, ka i'amba i Yonata anano i Simea akano i Daudi, mepateo. 8Luwuno mia andio tewinso a inuleno mia langkai i Gati. Ondae memate a ngkaeno i Daudi ka luwuno miano.

Currently Selected:

1 Tawarika 20: XMZ

Highlight

Copy

Compare