Apokalupo 1
1
1Erea awku i Iesu Keriso awkuakei’inave, orau Eloi awkunave, Una aivara awku varomo ipekiane‐iai, awku ane maura aneai limakina: Una aivara‐avaea U okaivirinave ei awku Una aivara Ioane awkiai.
2Ei Ioane u ane u voa miki ipawkinave Eloi inu Voa eiai, voa miki i Iesu Keriso ipakiakei’inave, uru miki uku awku eiai u inamu‐eiaka.
3A’a ane ei laikorava voa oraina u kopai‐awkavakeina, oro awku ei laikorava voa oro virina oro kopai‐ekavakeina, awku kikiriakeina ei laikorava voa ai oro kamaia‐ekana; uku pani arekamu ai anena ei voa evere’eai.
4Kepoia voa Ioane ekaivirina Ekalesia 7 eiai Asia ai. La’aruku, airu ane, nakuakeinameki U mere, U ane U ua‐rokona, ua‐rokoanave ane, ua‐rokoakana opai keiakana; Avaea 7 awku mere, oro ane Una amua‐pakara paku ai oro oina;
5Iesu Keriso mere ane, miki‐rokoa ione a’a, U ane imua a’a anu pinai a’a U kiniakei’inave, pani va’au amua a’a anu Amua ane. U eiai U ane U umu‐akana, i Una aro ene namea mere U ururuaiane euna ane,
6Amua‐eiei U eane euna enei eiai, enei omoro a’a keia’ane‐iai Una Eloi Mai eiai; evao’evao, iva ane, awkuakeinameki opai keiakana. Amene.
7Awporo ai U aneliviai anelia, inamu kavakava inamu‐oiakana ane, oro ane oro ru’unave; pani va’au unu kaki a’a uriria awni mu’u mailau awkavakana U eiai. Orau aine! Amene.
8Amua Eloi erau voa kuruna, Nai Alepa, Omeka ane, U ane U ua‐rokona, ua‐rokoanave ane, ua‐rokoakana opai keiakana, awku uriria anu Amua.
9Nai Ioane, nomo aroa a’a, Iesu unu lai kukupuna, amua eiei ane, kekepa iviri ane, noro kiripai aua‐emi’ina, Patamoka iniki ai pokoinave Eloi inu Voa eiai, uku ione voa eiai awku Iesu Keriso eiai.
10Avaea ai nai kei’inave Amua anu lare ai, voa araro, pi’i inu laea orau, nai virinave nai neko ai.
11U erau voa kurunave, Awku ni inamu‐eina buka ai kikirine, okaivirira ane Ekalesia 7 ai, Epeso ai, Kemurano ai ane, Perekamo ai, Tuatira ai ane, Karakeki ai, Pilakelipi ai, Laokekia ai ane.
12U kuruimakei’inave inamu‐oiai nai urukinave; laiko moni lamepa 7 nai inamu‐ei’inave,
13Lamepa 7 okai ai a’a monou, A’a anu Mere mikirimakei’inave, a’a kape luki‐awmiakei’inave Una are ai kinunave, Una ukari ai laiko moni awre piriakei’inave ane.
14Una uku, Una kimari ane, urupu kei’inave, mamoe kimari inu urupu mikirinave, veila uru unu urupu orau; Una inamu iau unu anai mikirinave.
15Una are paraki akuru orau iau laru ai akuru‐eakeia’?-?ane; Una voa ere menono aila anu rawre mikirinave.
16Una eve miki rawpu 7 U a’akinave: epo rere akere rawvi inamu‐oiakei’inave Una ane mere elemanemakei’inave; Una paku evao’evaoli’inave lare una iva pani orau evao’evaoli’ina.
17Nai inamu‐oinave’ane, imua a’a orau Una are ai nai ara’anave, a Una eve miki nai upa mere U ai’inave, erau voa kurunave ane, Kore pa liai, Nai Pinai, Nai Ika ane, Nai U ane U rokona opai keiakana.
18Nai imunave, a eai Nai moawku rokona opai keiakana, Imua, Ade ane enu taviri Nai emi’ina.
19Ou uku eiai awku ni inamu‐eiane euna ni kikirine, awku ane eai liakeimakina, awku ane oro maura liakeiakana:
20Rawpu 7 inu vauavaua miki, oro ane ni inamu‐eiane euna Na eve miki ai, laiko moni lamepa 7 inu vauavaua miki ane, eire, Rawpu 7 oro Ekalesia 7 inu aivara‐avaea, lamepa 7 oro Ekalesia 7 keina.
Currently Selected:
Apokalupo 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
