Pilipi 4
4
1Ou uku eiai, na naumuki aroa a’a e, noro e nai umu‐nakana, na kopai inu a’a, na avioia anu kiku a’a ane, orau iviri oine Amua ai, na naumuki a’a e.
2Euodia, Sunitiki ane, nai nanuku‐ekana lai monou miai, aro a’e orau Keriso ai.
3Ni awku na paioka miki a’a e nai nanuku‐nikana ei a’ero pai’ekavai, oro ane na Iva voa iaki oro aua‐miane euna, Kelemeni ane, na iaki paioka a’a e ane, oro ane omo nawi rokoa anu buka laru ai kikiriakeina.
4Amua ai panipani ai kopaili’ine: nai kairinani kuruma, kopaili’ine.
5Nomo lai iva‐iva ipawkine a’a uriria ipaliane‐iai. Amua arekamu ai rokona.
6Lai kukupuna ovara pa miai uku awku e e eiai, i nawki, i iviri nanuku ane, i kopai‐awkava ane, nomo nanuku ipali’inameki Eloi inu paku ai.
7Eloi inu airu, airu ane a’a anu lai ipiai liapea, nomo umu, nomo lai ane, Keriso Iesu kiripai paikiakeina, kurua airu eiviriakana.
8Ika voa eire, ovaki airavaki e, miki awku kavakava, avioia awku kavakava ane, anana awku kavakava ane, urupu awku kavakava ane, vapara awku kavakava ane, uru ima awku kavakava ane; awku oro iviri miane, avioia miane, ei awku eivirine.
9Ipawkia voa, opara ane, nai ipanakinave, voa na ane epo mere noro virinave, na opara ane noro inamu‐oinave, noro a’akine; Eloi ane U airu awkuna, noro kiripai U keiakana.
10Iaa kopai ovara nai kopaili’ina uku ei ika pani ai nomo umu nai eiai moawku ipawkiakeina. Panipani ai noro laikora‐ikiane euna kapoi, a uku pai’ikavai noro pani ima miape.
11Uku aru oea eiai nai a‐kurunakea, uku na kape iki awku kavakava eiai lai aukiakeiai nai ipaliane euna.
12Aru oea pani ai rokoai, aru evereverea pani ai rokoai, nai ipali’ina. Pei mo’onu miai, pei navai‐navai liai, evereverea anu miki, oea anu miki ane, nai ipaikiakeia’ane euna kapoi.
13I U mere, U ane U iva ikuna, nai venea mi’ina awku uriria eiai.
14A nai kopai‐nakana uku na kukupuna noro aua‐mi’inave.
15Noro Pilipi a’a e, noro awku ipali’ina Iva voa anu pinai omoro pani ai, nai Makedonia ave’eaka’ane, noro e, ekalesia e kapeo, nai kiripai voa kurunave uku moni awkuai iaki eiai;
16Tesalonia ai ane pani aila noro moni okaiviriane euna uku pai’ikavai.
17La’aruku noro mere nai umu‐a‐li’inakea, a noro uru evereverea meriai nomo avioia eiai nai umuli’inake.
18Na oea oavakeina kapoi, nai awku mo’onu mi’ina kapoi, uku la’aruku Epaparodito mere nai miane euna, la’aruku noro ekaivirinave nai eiai. Kurua la’aruku mera muri orau keina, epie pei ima, Eloi kopai‐awkavai.
19A na Eloi, uku Una evao’evao onu evereverea Keriso Iesu ai, U awku uriria nakuakana nomo oea ena?-?kavai.
20Ene Eloi, Mai ane, avioinamoki opai keiakana. Amene.
21Eloi inu a’a kavakava nai kepoina. Aroa a’a awku nai kiripai kepoia voa ekaivirina.
22Kaisara anu marea pokoia a’a ane keponaina.
23Ene Amua Iesu Keriso onu la’aruku noro uriria kiripai pokoinamoki. Amene.
Currently Selected:
Pilipi 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
