Pilemona 1
1
1Paulo kipura piria a’a Iesu Keriso eiai, Timoteo ane ene aroa a’a, ei revareva Pilemona eiai, ene naumuki, iaki paioka a’a ane,
2Ene naumuki Apia eiai, Arekipo ane ene paioka‐aiai eiai ane, ekalesia a’a eiai ane ni marea ai:
3La’aruku noro uriria nakuakeinamoki, airu ane, i Eloi ene Mai mere, Amua Iesu Keriso mere ane.
4Panipani ai na Eloi nai kopai‐awkana, ni nawi nai kairinani‐kuruane na nawki voa ai, na aroa a’a e,
5Uku nai uru virimakina uku umu, pirimaroakoa ane, ni e‐mi’ina Amua Iesu i, iaa a’a uriria i ane;
6Nai nawki‐awkamakina uku oro ni pirimaroakoa aua‐mimakina a’a e anana umu uriria inamu‐eiane‐iai ene ai Keriso i.
7Uku ni umu ai kopai ovara, pai‐oka ane, nai auiane euna, uku Eloi inu a’a anu umu rokoa‐eiake?-?ia’ane euna i ni mere, aroa a’a e.
8Ou uku eiai, uku Keriso ai nai nikiai li’ina uku opara anana ni liai limakina,
9A uku umu eiai nai nanuku‐nikana, nai ane Paulo mai‐vaki, kipura piria vaki ane Keriso Iesu eiai,
10Na mere Onekimo eiai, uku una mekai nai evere’eane euna na kipura piria pani ai.
11Eni pani ai u pai‐oka eria vaki kei’inave ni eiai, a eai u pai‐oka vaki keina ni eiai, nai awku eiai:
12U ni ai vairuai nai okaivirimakina, orau liai na nane nai upumakina.
13U nai ai pokoiai uku i’iviriai nai umuli’inave, ni kava a’a orau na kipura piria pani ai Iva voa eiai:
14Anea’anea ni lai nai ipaliane nai eria li’inave, uku ni verukua pai’ikava’ane‐iai, uku peo ni ni’inua?-?keina.
15Ei uku eiai naea u lai?-?awkavakei’inave ni mere, ni umu‐aiane‐iai ni a’a orau opai keiakana eiai;
16Aivara a’a orau apea, a na naumuki aroa a’a kapoi ni umu‐aiane‐iai, u naumuki a’a keia’ane‐iai ni eiai, uku u miki rokoa a’a, u ekalesia aroa a’a ane.
17Ni a’a orau ni umu‐ikava’ane, orau ni umu‐ikana ni umu‐awkane.
18U namea‐nikava’ane euane, u ni kamaia a’a keia’ane moni eiai, una moni kamaia na nawi eiei ai kikirine.
19Nai Paulo i na eve ei revareva kikirina, una moni kamaia nai kavani iki nikuakana. (Nai voa eria kuruna uku ni kamaia nai eiai, uku ni nane ane u kamaia‐awka?-?vakeina nai eiai.)
20Lia, aroa a’a e, ei kopai ikune Amua eiai. Na umu rokoa‐ene Keriso ai.
21Uku nai ipali’ina kapoi na lai ni evere’eiakana nai kikirinina, uku nai ipali’ina na lai ni veruku evere’eiakana.
22Keia mako awku nai eiai ni evere’eakana, uku nai araea’araea‐limakina uku ni nawki eiai nai ururuiakeia?-?kana ni ai aneai.
23Epapara kipura piria a’a nai kiripai Keriso Iesu ai u keponina;
24Mareko ane, Areketaku ane, Dema ane, Luka ane, oro na pai‐oka a’a.
25Amua Iesu Keriso onu la’aruku ni avaea kiripai rokonamoki. Amene.
Currently Selected:
Pilemona 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
