Galatia 4
4
1Nai erau voa kuruna, Airavaki ukua una ukua pani ai aivara ukua mikirina, kurua pani ai omoro‐aru uriria anu airavaki‐ukua u keia’ane,
2Mai‐oro, oiviria a’a ane, u kamaia‐ekana, anea’?-?anea pani anea’ane una mekai evere’eane euna.
3Orau uku enei awku, avaea awku eiai enei ukua mere keia’ane, i ei pani va’au unu ipawkia voa enei kamaia aivara piriakei’inave.
4A pani miki aneaka’ane Una Mere Eloi okaivirinave, a’e kiniakei’inave, Vupu kamaialiai U kiniakei’inave,
5Vupu unu kamaia a’a uriria anu ururua U inaealiane‐iai, uku enei mere orau ipa‐alauakeia’ane‐iai.
6Uku noro mere rokona, Una Mere enu Avaea Eloi okaiviriane euna nomo umu ikiriai, erau voa araro kuruai ane, Abba! ene Mai e!
7Ou uku eiai eai ni aivara peo, a ni mere rokona; ni mere keia’ane, i Eloi inu opara mere ni airavaki‐ukua awku.
8Kurua pani ai noro Eloi a‐ipali’inavea, noro eloi kamaia‐ekanave, eloi ane oro rokoapea.
9A eai noro Eloi ipali’ina, i Eloi ane noro ipa’na?-?lauakeina, uku oiana noro vairumakina eapa, avu’avu, ipawkia voa ai, i kurua awku eni pani ai noro na‐piriakei’?-?inave?
10Lare, ia ane, purai eiei ane, aumeia ane, noro avi’eina.
11Nai koreli’ina noro eiai, uku iaki nai liane euna noro eiai iaki eria liakeina naea.
12Ovaki airavaki e, nai nanuku‐nakana, nai orau noro evere’ene, uku noro orau nai evere’eane euna: noro namea‐ikavape.
13Noro ipali’ina uku kape maia nai pinai Iva voa omoro kurunainave.
14Noro lari‐ikavape, inaka‐ikavape ane, na kape maia eiai; Eloi inu aivara avaea orau, Keriso Iesu orau, noro umu‐ikavaka.
15Nai erau voa vevenaina, Nomo eni kopai eai ekeiana? Uku nai ione li’ina noro iva miaka livilia, nomo inamu noro eme’ekiaka, ikuaka ane.
16Uku voa miki nai nakina nai nomo mani a’a ana?
17Ei a’a avinaina, a uku umu peo. Enei mere uru?-?nakavai oro umuli’ina, uku noro avi’eiane‐iai.
18Opara ima panipani ai avioia miai opara ima eiai; pani ai ane nai noro kiripai a‐pokoinakea.
19Na ukua mere e, ukua kinia kukunu orau nai mimakina noro eiai, anea’anea noro laru ai Keriso eakeia’ane.
20Noro kiripai pokoiai nai umuli’ina, voa e kuruai li’ina ane, uku nai lai kukupuna‐ikavakeina noro eiai.
21Ikine, noro e, Vupu kamaialiai noro umuli’ina, Vupu unu voa noro viriapeana?
22Uku voa kikiriakeina Aberahamo mere rere miaka, monou i aivara a’e kiniakei’inave, mo, i a’e miki kinia?-?kei’inave.
23Mere i aivara a’e kinia?-?kei’inave a’a anu opara orau u kiniakei’inave; mere i a’e miki kiniakei’inave uku kuruei voa evere’eai u kiniakei’inave.
24Ei voa uriria aipo voa keina: a’ero rere kuruei voa rere mikirina. Monou Sinai akapu mere anena, u mere kinina kamaia aivara a’a evere’eai.
25Ei a’e nawi Agara oroiakeina. Agara Sinai akapu unu nawi Arabia eiei ai, eai Ierusalema mikirina ane, u ane una mere kiripai kamaia piriakeina.
26A Ierusalema upai keina u ururua keina, u ene uriria anu mei ane.
27Uku ei voakikiriakeina, Kono a’e e, ukua ni kiniapea, kopaili’ine, Ni ane, ni ukua eria kinina, kopaili’ine. Uku epuri a’e mere aila u mi’ina, A’e ane U vaki mi’ina mere aila u miape.
28A enei, ovaki airavaki e, Isako mikirina, enei kuruei voa anu ukua mere keina.
29A orau kurua ukua a’a anu opara orau kiniakei’inave u mani‐awkanave kurua ukua i Avaea anu iva kiniakei’inave, orau eai kurua opara liakeina.
30Iaa revareva oiama?-?kuru’i? Aivara a’e, una mere ane, laeine: uku aivara a’e enu mere a’e miki inu mere kiripai omoro‐aru auamiapea.
31Ou uku eiai, ovaki airavaki e, enei aivara a’e enu mere peo, a’e miki inu mere enei rokona.
Currently Selected:
Galatia 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
